Loading ...
Sorry, an error occurred while loading the content.
 

MUSKIT E LEON

Expand Messages
  • Ralph & Betty Midgley
    Ünü del seimik muskit mäpüdik äsagon leone: Cedol-li, das binol nämikum ka ob? Leon ägeon pleidäliko muskite äs fopane Drolik, e nenkudo ämuadon
    Message 1 of 1 , Mar 2, 2005
                                              Ünü del seimik muskit mäpüdik äsagon leone:
                                              „Cedol-li, das binol nämikum ka ob?”
                                              Leon ägeon pleidäliko muskite äs fopane
                                              Drolik, e nenkudo ämuadon pö mob.
       
                                              Muskit äfövon:  „Komipöl te sevol ad klavön, beitön,
                                              Ab in vol no ai binon näm, kel diston!
                                              Fino evilon muskit trigik stäni ta leon löükön.
                                              Nen pats mödikum trompet ad krig tonon.
       
                                              Eprimon muskit ad stegülön leoni efe nenropo.
                                              Ad jelodön oki, etridodon oki
                                              Leon.   Evunon mudi me kluvs japikün oka nenstopo.
                                              Vokon leon:  „Saidö!  dunölo hoki.
       
                                              Etoenon vikodahümi muskit, e ya emofliton,
                                              Ab liedo, nensevo, erivon vifo
                                              In raänidaspuled, kö raänidil äs cädan biton.
                                              Äsagon  „Benokömö!   Stebedob fifo.”
                                              Eprimon raänidil faemik ad sugön bludi smekik
                                              Se muskit pefanöl.  E muskit seifon:
                                              „Vo ebemastikob leoni jeikik,
                                              Ab muskiti raänidil edeidon!”
       
       
      NOETS:
       
      1.    Kazet falon ai sui silab lätik vödas labü plu ka silab bal;
      2.    Vöd -li neai kazeton.   In jenet at, kazet falon su „cedol-li?”
      3.    Ven set lölikon me vöd(s) in liän sököl, donükolös, begö! vögi us.  Poso vög vedon nomik.
    Your message has been successfully submitted and would be delivered to recipients shortly.