Loading ...
Sorry, an error occurred while loading the content.

Pueks mekavik in nunaliseds

Expand Messages
  • espigor@interia.pl
    Glidis, o flen Paul! Ereidob nuni olik ko nited legretik. Danob ole vemo demue gepen so vifik! Begob saekusadi nogna demue nekom ela umlaut in nuns obik. Do
    Message 1 of 1 , Aug 3, 2002
    • 0 Attachment
      Glidis, o flen Paul!

      Ereidob nuni olik ko nited legretik. Danob ole vemo demue gepen so vifik!
      Begob saekusadi nogna demue nekom ela umlaut in nuns obik. Do eplaenol
      obe, siti kinik ad geboen ad dagetoen eli umlaut in klavem nuenoema obik,
      (danoe!), liedo nog no sevob, vio dunoen atosi. Anu gebob klavemi linglaenapuekik, klu no kanob penoen votiko. Ye spelob, das suno
      otuvob yufi nuenoemasevana seimik e taeno nuns oba ologotons joenikumo,
      pupenoels in volapuek plituelik. Vueo penob ma mod juenuik.

      Fredob vemo, das aesludol ad oelueuekoen (voed kion nen el umlaut! ;-)
      gramatavoedis el "ae" e "doe" ini lomapad olik patiaedon "Volapuk
      Grammatical Forms".

      Bi no lebonedob nunalisedi el "Auxlang", binos gudik, das eploesenol
      balati nuna hiela Fasilinguo. Binon vemo nitedik. If nunalised semik
      tefon puekis mekavik in valem, lisedalimans gebons suvo Linglaenapueki
      u Sperantapueki, ab koesoemiko no gebons pueki mekavik pabepenoeli.
      Poe poet at, vilob saekoen, kis binon-li nunalised el "Bablot"?
      Kisi tefon? Binon-li suemik lisede el "Auxlang"?

      Aevilol, das overaetuekoy poelis olik. Nivaet Volapueka in nuns olik
      binon legudik. No viloboev kondoetoen aes tidan seimik, bi ob i laernob
      Volapueki, ye cedob, das tikamagot olik binon vemo sapik. Sekue atos
      cedob das yuf odi binon vo zesuedik. Aesteifuelob ad sukoen poelis
      in nun olik (ti no aetuvob onis) e kludob, das samo:

      "del tel gustula" soeton vedoen:
      "del telid gustula"

      ed in set soekoel:

      "koraekoes poelis obik Volapueka" fuemiko aevilol penoen: "koraekolsoes".

      Din nog bal: penoen-li "bevueresod" u "vueresod"? Suvo vidob modis
      tel tefue voeds at, ab jinos das "vue" tefon subyetis te tel
      (between) e voed el "bevue" tefon subyetis plu ka tel (among).
      Kludo "bevueresod" jinon-la veraetik.

      Sedob ole e volapuekaflenes votik valikosi gudikuen e stebedob nunis
      nulik (binos bosilo bisarik, das to dabin poesodas maeldeg in lised
      at, pluamanum neai penon...)

      Flenoefiko,

      Igor wasilewski
    Your message has been successfully submitted and would be delivered to recipients shortly.