Loading ...
Sorry, an error occurred while loading the content.

Volapuekans liomoedotik dabinons-li in vol?

Expand Messages
  • espigor@interia.pl
    O Volapuekaflens loefik! Anu labob fino timi bosik e kanob doenu penoen nuni nulik. Volapuekaflen Paul aesaekom obe tefue voeds tel, kelis aegebob in nuns
    Message 1 of 1 , Aug 1, 2002
    • 0 Attachment
      O Volapuekaflens loefik!

      Anu labob fino timi bosik e kanob doenu penoen nuni nulik. Volapuekaflen
      Paul aesaekom obe tefue voeds tel, kelis aegebob in nuns obik, sevabo
      voedil el "ae" e voedil el "doe". Ma ced oba voed el "ae" labon
      sinifi suemik sinife voeda el "e". Dif balik vue voeds at binon, das
      voedil el "ae" pagebon spikoelo tefue din bal, kel pabepenon me
      ladyeks tel u plu moedik. Samo, ven vilobs sagoen:

      dom gretik ae joenik

      u: vab nulaedik ae vifik,

      gebobs fomi eli "ae", bi fom at tefon subyeti te bal, kel labon ladyetis
      anik, bepenoelis kuratiko subyeti at.

      Ma sev oba, voed at pagebon in jenets somik. Ofredob, if poesods plakugik
      tefue gramat Volapueka onotodon cedi okik.

      Voed votik, sevabo "doe" labon sinifi "about" Linglaenapueko, kludo
      kanon pageboen pla voed samo el "tefue".

      E nu labob saeki soekoel: sevols-li, Volapuekans viomoedotik dabinons-li
      in vol? Elilob, das poesods za teldeg kanons penoen Volapueko, ab
      poesods te anik kanons i spikoen Volapueko gudiko. Bue brefuep
      Volapuekans nulik edajonons, kels gebons gramati e voedemi Volapueka
      legudiko, klu cedob, das num at glofon. Kin panunon-li gudiko tefue stad
      Volapuekamufa anuik?

      Fleniko,

      Igor Wasilewski
    Your message has been successfully submitted and would be delivered to recipients shortly.