Loading ...
Sorry, an error occurred while loading the content.

Tü zäladel hisaludana 'Valentin'

Expand Messages
  • Ralph & Betty Midgley
    SÄSUNS FOL LIFA Äkolkömob oli dis sol nidik. Äspatobs bofikans su veg vidik. Lüköm florüpa äglofükon sidis, Egivob ya ole jönikis kidis; Lifi
    Message 1 of 1 , Feb 14, 2005
    • 0 Attachment
      SÄSUNS   FOL  LIFA
       
      Äkolkömob oli dis sol nidik.
      Äspatobs bofikans su veg vidik.
      Lüköm florüpa äglofükon sidis,
      Egivob ya ole jönikis kidis;
      Lifi lejönik tü tim et igivol,
      Bi älöfob oli äsä äbinol.
       
      Lüköm hitüpa labü dels mu nidiks,
      Äkoitobs kobo, plaks efe svidiks.
      Balatam obas eblinon putülis,
      E as kuds obas älabobs vo pülis.
      Lif lölik obas äbinon fe nen dol
      Bi älöfob oli äsä äbinol.
       
      Lüköm fluküpa eblinon pleidi;
      Cils obsik ituvons fino geidi;
      Id ons, i matans, i selibans kobo
      Ituvons läbi, täno äbinons mo.
      Ed äbinobs soaliks, ab ya ko nol,
      Das älöfob oli äsä äbinol.
       
      Lüköm nifüpa eblinon lügodi;
      Malädol go vemo, no tuvoy kodi.
      Anu, bäldikan, fo filöp meditob
      De dins pasetik neai oditob,
      E drenob ai, bi ya küpiko
      Olöfob oli laidüpiko.
       
       
      (In Volapük, kazet falon ai sui silab lätikün vödas labü plu ka silab bal)
       
       
    Your message has been successfully submitted and would be delivered to recipients shortly.