Loading ...
Sorry, an error occurred while loading the content.

Leigods Volapükas tel

Expand Messages
  • Ralph & Betty Midgley
    O flens löfik Volapükaliseda! Liedo nünöm oba no eplöpom ad sedön verätiko vödemis tel ad jonön leigodis bevü volapüks tel. Seko gesedob vödemis
    Message 1 of 1 , Jun 29, 2003
    • 0 Attachment
      O flens löfik Volapükaliseda!
       
          Liedo nünöm oba no eplöpom ad sedön verätiko vödemis tel ad jonön leigodis bevü volapüks tel.  Seko gesedob vödemis at :
       
      In Volapük Nulädik:
       
      Hibäldikan
       
          Ün poszedel latafluküpik, man gudiko peklotöl ädoniovegom nevifiko ve süt.
       
          Äjinos, das ägegolom lomio de spat, ibä snabajuks omik, kels ädutons lü vogäd pasetik, äbinons püfiks.
       
          Bambudastafi lunik labü gnob goldik äpolom dis brad;  me logs dofik oka, in kels yun lölik ipasetiköl äjinon edakipön oki, e kels ätaädons bisariko ta herem nifavietik oma, älogom takediko ziöpio u donio lü zif, kel in voal soarasola ätopon fo om.
       
          Äjinom tio binön foginan, ibä te nemödikans beigolanas äglidons omi, do öman nenvilädo pämüton ad logön ini logs fefik at.
       

       
      In Volapük Rigik:
       
      Bäledan
       
          In poszendel sembal flukatima latik, man pebenoklotöl ädisigolom nevifiko süti.
       
          Äjinom gekömön domo de spat, ibo snabajuks omik,kels älönoms moläde pefinöl, äbinoms püfik.
       
          Ridaspatini lonedik ko gnob golüdik äpolom disi lam;  ko logs omik dagik, in kels yun lölik pebölüdöl oma äjinom esavön oki, e kels äklatoms seledniko demü hels nifavietik, älogom takediko zi ok u diso in zif, kel äseistom bi om in vendelasolaväp.
       
          Äjinom ti foginel, ibo te nemödikans beigolölas äglidoms omi, do teldikan pämütom nevüliko logön in logs fefik at.
       

          Pidom pöli at Ralph
    Your message has been successfully submitted and would be delivered to recipients shortly.