Loading ...
Sorry, an error occurred while loading the content.

Foyümot el "gle-" e foyümot el "le-"

Expand Messages
  • Igor Wasilewski
    Glidis o flens Volapüka, Äsä sevols, dabinons difs anik vü Volapük Rigik e Volapük Perevidöl. Difs at binons logovik noe in vödavuls abi in poyümots e
    Message 1 of 3 , Jun 26, 2003
    • 0 Attachment
      Glidis o flens Volapüka,

      Äsä sevols, dabinons difs anik vü Volapük Rigik e Volapük Perevidöl. Difs at binons logovik noe in vödavuls abi in poyümots e foyümots. Bü brefüp äleigodob foyümoti el "gle-" in Volapük Rigik pägeböli lä foyümot el "le-" in Volapük Perevidöl pageböl. Foyümots bofik bepenons gretöfi, klu kanobs sagön, das samo if zif binon "city" Linglänapüko e "urbo" Sperantapüko, täno üfü Volapük Rigik "glezif" sinifonöv "big city" Linglänapüko e "urbego" Sperantapüko. Nendoto foyümot el "gle-" älabon rigi in vöd el "gletik" ("gretik" in fom nulädik Volapüka).
      Memobs, das in Volapük Rigik no ägeboy tonati el "r", kodü atos vöd at äbinon "gletik" pla "gretik".
      No sevob kuratiko, kikodo foyümot anuik binon "le-" pla "gle-", ab niludob das kod atosa äbinon balugükam e brefükam foyümota at. Kludo, kanoy niludön, das foyümot anuik el "le-", samo in vöd "lezif" labon rigi in vödil el
      "gle-", rig kela äbinon vöd "gletik".

      Volapüko

      Igor Wasilewski
    • Igor Wasilewski
      Glidis o flen Ralph, Vemo gudiko äbepenol stadi foyümotas le- e gle- samü vöds zif e veg : zif -lezif - glezif veg - leveg - gleveg Jenöfo bepen
      Message 2 of 3 , Jun 27, 2003
      • 0 Attachment
        Glidis o flen Ralph,

        Vemo gudiko äbepenol stadi foyümotas "le-" e "gle-" samü vöds "zif" e "veg":

        zif -lezif - glezif
        veg - leveg - gleveg

        Jenöfo bepen olik äküpälükon obi, das in nun obik no ipenob dö dabin foyümota "le-" ya in Volapük Rigik.
        Kanoy sagön, das in Volapük Perevidöl foyümot "gle-" balugiko päklemon e nu küpetol verätiko, das binon pid, bi foyümots bofik äbepenons dinis kuratikumo.

        Igor

        > Glidis !!
        >
        > Säk tefü "gletik" binon mu nitedik. Cedob, das foyümot "gle-" jenöfo
        > älabon rigi oka in vöd "gletik" ed in tef at flen Igor verätikon.
        >
        > No sevob kikodo no kanoy, igo anu, gebön poyümotis tel at, sevabo:
        > "gle-" e "le-" ad malön, samo, veüti dinas e pösodas. Ven sagobs vödi
        > "zif" tikobs sunädo dö Oxford e somikos; sagölo vödi "lezif" tikobs dö
        > Glasgow; ab ven sagobs vödi "glezif" tikobs dö London. Leigo ven
        > sagobs
        > vödi "veg" tikobs dö veg geböfik; sagölo vödi "leveg" tikobs dö A1, A5 e
        > r,
        > ab "gleveg" obinon M1, M5 e r. "Kanan," "lekanan" e "glekanan" obinons
        > pösods difik ma ced oya.
        >
        > Säk nitedik nendoto !!
        >
        > cedom Ralph
        >
        >
        > ----- Original Message -----
        > From: "Igor Wasilewski" <flenef@...>
        > To: <volapuk@yahoogroups.com>
        > Cc: <voydasbuk@yahoogroups.com>
        > Sent: 26 June 2003 15:27
        > Subject: [volapuk] Foyümot el "gle-" e foyümot el "le-"
        >
        >
        > Glidis o flens Volapüka,
        >
        > Äsä sevols, dabinons difs anik vü Volapük Rigik e Volapük Perevidöl. Difs
        > at
        > binons logovik noe in vödavuls abi in poyümots e foyümots. Bü brefüp
        > äleigodob foyümoti el "gle-" in Volapük Rigik pägeböli lä foyümot el
        > "le-"
        > in Volapük Perevidöl pageböl. Foyümots bofik bepenons gretöfi, klu kanobs
        > sagön, das samo if zif binon "city" Linglänapüko e "urbo" Sperantapüko,
        > täno
        > üfü Volapük Rigik "glezif" sinifonöv "big city" Linglänapüko e "urbego"
        > Sperantapüko. Nendoto foyümot el "gle-" älabon rigi in vöd el "gletik"
        > ("gretik" in fom nulädik Volapüka).
        > Memobs, das in Volapük Rigik no ägeboy tonati el "r", kodü atos vöd at
        > äbinon "gletik" pla "gretik".
        > No sevob kuratiko, kikodo foyümot anuik binon "le-" pla "gle-", ab
        > niludob
        > das kod atosa äbinon balugükam e brefükam foyümota at. Kludo, kanoy
        > niludön,
        > das foyümot anuik el "le-", samo in vöd "lezif" labon rigi in vödil el
        > "gle-", rig kela äbinon vöd "gletik".
        >
        > Volapüko
        >
        > Igor Wasilewski
        >
        >
        >
        >
        > To unsubscribe from this group, send an email to:
        > volapuk-unsubscribe@yahoogroups.com
        >
        >
        >
        > Your use of Yahoo! Groups is subject to http://docs.yahoo.com/info/terms/
        >
        >
        >
        >
        >
        > To unsubscribe from this group, send an email to:
        > volapuk-unsubscribe@yahoogroups.com
        >
        >
        >
        > Your use of Yahoo! Groups is subject to http://docs.yahoo.com/info/terms/
      • Igor Wasilewski
        Glidis o Hermann, Klüliko sevobs, das foyümot el gle- no dabinon in Volapük Perevidöl, klu no kanobs gebön oni e üfo sagobs cifazif , cifaveg u
        Message 3 of 3 , Jun 28, 2003
        • 0 Attachment
          Glidis o Hermann,

          Klüliko sevobs, das foyümot el "gle-" no dabinon in Volapük Perevidöl, klu no kanobs gebön oni e üfo sagobs "cifazif", "cifaveg" u "vifaveg". Leigodob stadi anuik ko Volapük Rigik e logob, das tikamagot datuvala hiela Johann Martin Schleyer äbinon gudik. No sagob, fom kinik binon gudikum, binos te leigod fomas tel püka nen datuvam u nüdugam fomas no pageböl nu.
          Atos binos klülädik.

          Flenöfiko

          Igor

          > On flens Ralph ed Igor,
          >
          > Datuvobs-li foyümots nulik lüükü yümots ya lemödik in Volapük?
          > Kredob, das *gle- no dabinon in Volapük perevidöl, bi peplaädon
          > me le- demü bref.
          > Plas *glezif ya labobs "cifazif", e plas *gleveg kanobs gebön
          > "cifaveg" u "vifaveg", vo-li?
          > Kipobsös atosi balugiko!
          >
          > Tefü seil in Volapükalised at, kredob, das Volapük binon tu fikulik,
          > mu pato, bi suvo no binos fasilik ad memön vödis e ad memosevön sinifis
          > ona=

          > s.
          >
          > Atosi cedom,
          >
          > Hermann Philipps
          >
          >
          >
          > To unsubscribe from this group, send an email to:
          > volapuk-unsubscribe@yahoogroups.com
          >
          >
          >
          > Your use of Yahoo! Groups is subject to http://docs.yahoo.com/info/terms/
        Your message has been successfully submitted and would be delivered to recipients shortly.