Loading ...
Sorry, an error occurred while loading the content.

PENED FLENES OBA (MAYUL 2013)

Expand Messages
  • Ralph Midgley
    _FLENEFBEVÜNETIKVOLAPÜKA_ Tü del 1-id mayula, yela 2013. O Volapükaflens Valöpo! Se fenät cema obik, logob lefredo, das mayul fino elükömon kobü viel
    Message 1 of 1 , May 1, 2013
    • 0 Attachment

      FLENEF  BEVÜNETIK  VOLAPÜKA

      Tü del 1-id mayula, yela 2013.

      O Volapükaflens Valöpo!

       

                  Se fenät cema obik, logob lefredo, das mayul fino elükömon kobü viel magik floras e bimas:  mutob siön, dido, das yelasäsun at binon säsun buik oba, bi stom binon valemo plitik;   do strals sola no binons tu vamiks.  Valöpo lut labon flifädi juitik neleigodovik florüpa.

       

                  Nendoto säsun alik dalabon patis lönik.   Samo florüp Volapüka äbinon vemo vifik, bi äbinon neod gretik ad atos.   Ekö nets vola fagik ko belödans okik, e te liegikans, u bo täläktans äkanons seivön onis.   Votaflano pöfikans e netäläktans älabons fikulis mödik ad kolkömön onis, u ad spodön ko ons, u defü mon, u defü nol, u defü bofiks.  

       

                  Pro utans, Volapük äbinon kik magivik, kel äkanon maifükön yanis vola lölik.   Dub pük at äkanons seivön menis netas da vol lölik.   Ed ägleipons lanäliko kiki at.   Horits nulik dido!      Ab lif in tim et e lif in tim obsik binon äs lif su planets tel distik.   In tim et, mens älärnons vilöfo dinis nulik, bi äbinon privileg gretik.   Anu too dabinons dins votik nedinitik ad dunön.   Lanäli mödadilo eperobs.   Suvo mutobs damütön cilis ad lärnön, bi dabinons mäted somödik in tef at ad bekomipön.  

       

                  Anu slopans büik edeadons, ed ekö menädi nulik.    Volapük eprimon dönu, ifi pianiko, ad gaenön flenis bevünetik nulik,   kels binons fütüri obsik.  to fikuls timäda nulädik.

       

                  Valikosi Gudikün Oles ed Olikanes

                              sedom

                                 Ralph

       

      (Tonodiregistaram in diläf:  RAGIVS   [Lü Flens Oba (Mayul 2013]

    Your message has been successfully submitted and would be delivered to recipients shortly.