Loading ...
Sorry, an error occurred while loading the content.

PENED FEBULA 2013

Expand Messages
  • Ralph Midgley
    _FLENEFBEVÜNETIKVOLAPÜKA_ __ Tü del 1-id febula, yela 2013. O Volapükaflens Valöpo! Sis Volapük, mekavapüks mödik alsotik epubons.El Schleyer it
    Message 1 of 2 , Feb 1 1:38 AM
    • 0 Attachment

      FLENEF  BEVÜNETIK  VOLAPÜKA

       

       

      Tü del 1-id febula, yela 2013.

       

      O Volapükaflens Valöpo!

       

                Sis Volapük, mekavapüks mödik alsotik epubons.   El Schleyer it päsüädükom, das pük omik öfasilükon nunami calöfik da vol.   Id el Samenhof päsüädükom, das Sperantapük binon pük gudikum, e medü on, nets okanons kobo bespikön fikulis valik pla feitön.   Dials at äbinons jöniks.   Ab nets nämädik vola no ävilons fövön diali at, nemuiko no medü pük atsotik.   Ävilons plao propagidön pükis netik lönik da vol.   Bü yels tum, Fransänapük äbinon pük bevünetik, ab anu Linglänapük pledon rouli at.

       

                Sekü atos,  mödikans osagons,  das mekavapüks jenöfo eneplöpons.   Ab fümiko no baicedob ko ced somik:   balido,  dub stud oba mekavapükas,  ekolkömob flenis da vol;   telido,  mekavapüks ejonons,  das dabinon tuvedot balugik ad moükön misuemis valemik;  kilido,  mens valik,  e pöfikans. e liegikans,  kanons lärnön e gebön püki somik vifikumo, ka me püks netik.

       

                Seko, no kanoy sagön, das mekavapüks eneplöpons,  bi pagebons aldeliko,  no bevü bolitans,  kels suvo neodons nätäpretanis ad suemön odis,  ab bevü mens komunik,  kels ba no dalabons timi saidik u no binons saidiko täleniks ad dedietön okis studes atsotik,  ab kels vilons too seivön menis nitedas sümik foginäno ad flenükön onis.

       

                Verat binon, das nen mekavapüks bevünetik, vol obas nelabonöv stumi frutik.         

       

      Valikosi Gudikün Oles ed Olikanes

       

                          sedom

       

                               Ralph


      (Tonodiregistaram dabinon in diläd : ‘Ragivs’   [Lü flens valik oba (Febul 2013]

    • Hermann Philipps
      O flen löfik! Danob oli vemo demü sedam rigäda ela Leerboek der Wereldtaal . Vemo fredob dö on ed okälob oni go kälöfiko. Klüliko ofövob koräki ela
      Message 2 of 2 , Feb 1 7:20 AM
      • 0 Attachment
        O flen löfik!

        Danob oli vemo demü sedam rigäda ela "Leerboek der Wereldtaal".
        Vemo fredob dö on ed okälob oni go kälöfiko.

        Klüliko ofövob koräki ela "Vödabuk Volapüka pro Linglänapükans" olik,
        ab id desinob ad notükön dabükoti nulik ela "Leerboek der Wereldtaal".

        Me glids danöfik,
        Hermann

        Am 01.02.2013 10:38, schrieb Ralph Midgley:
        >
        >
        > _FLENEFBEVÜNETIKVOLAPÜKA_
        >
        > __
        >
        > Tü del 1-id febula, yela 2013.
        >
        > O Volapükaflens Valöpo!
        >
        > Sis Volapük, mekavapüks mödik alsotik epubons.El Schleyer it
        > päsüädükom, das pük omik öfasilükon nunami calöfik da vol.Id el
        > Samenhof päsüädükom, das Sperantapük binon pük gudikum, e medü on,
        > nets okanons kobo bespikön fikulis valik pla feitön.Dials at äbinons
        > jöniks.Ab nets nämädik vola no ävilons fövön diali at, nemuiko no medü
        > pük atsotik.Ävilons plao propagidön pükis netik lönik da vol.Bü yels
        > tum, Fransänapük äbinon pük bevünetik, ab anu Linglänapük pledon rouli at.
        >
        > Sekü atos,mödikans osagons,das mekavapüks jenöfo eneplöpons.Ab fümiko
        > no baicedob ko ced somik:balido,dub stud oba mekavapükas,ekolkömob
        > flenis da vol;telido,mekavapüks ejonons,das dabinon tuvedot balugik ad
        > moükön misuemis valemik;kilido,mens valik,e pöfikans. e
        > liegikans,kanons lärnön e gebön püki somik vifikumo, ka me püks netik.
        >
        > Seko, no kanoy sagön, das mekavapüks eneplöpons,bi pagebons
        > aldeliko,no bevü bolitans,kels suvo neodons nätäpretanis ad suemön
        > odis,ab bevü mens komunik,kels ba no dalabons timi saidik u no binons
        > saidiko täleniks ad dedietön okis studes atsotik,ab kels vilons too
        > seivön menis nitedas sümik foginäno ad flenükön onis.
        >
        > Verat binon, das nen mekavapüks bevünetik, vol obas nelabonöv stumi
        > frutik.
        >
        > Valikosi Gudikün Oles ed Olikanes
        >
        > sedom
        >
        > Ralph
        >
        >
        > (Tonodiregistaram dabinon in diläd : ‘Ragivs’[Lü flens valik oba
        > (Febul 2013]
        >
        >
        >
        >
      Your message has been successfully submitted and would be delivered to recipients shortly.