Loading ...
Sorry, an error occurred while loading the content.
 

Visü yel nulik

Expand Messages
  • Ralph & Betty Midgley
    O flens Volapüka! Primü yel nulik 2003 vilob vipön reidanes delis fülü koten e föl. Ün tim at i primon yelodi nulik Sirkülapenäda - jenöfo tefon
    Message 1 of 1 , Jan 1, 2003
      O flens Volapüka!
       
          Primü yel nulik 2003 vilob vipön reidanes delis fülü koten e föl.
       
          Ün tim at i primon yelodi nulik Sirkülapenäda  -  jenöfo tefon yelodi degkilid!  Gudiko memob fini yela 1989, ven ädesirob dunön bosi fümiki pro Volapük.  Ün tim et valikans äkofons püki valöpo, ed äsludob ad ceinön lüälis somik so noikis.  Tü Kritidazäl yela 1989 äbükob nümi balid Sirkülapenäda, e siso no enedunob nümi balatik.  Tiäd gasedila obas ün tim et äbinon : „Pened Komunik pro Volapükans Valöpo,”  ab flen legudik no äplidom tiädi at.  „Binon tu komunik,”  äsagom, „meriton bosi gudikum!"  Om it äkomandom „Sirkülapenädi,”  ed ekö!  neai ecenon jü del at.  Bü „Sirkülapenäd”  äprimob gasedili tiädü : „Vög Volapüka,” ab no äplöpon defü plak oba in patäd at.  (E no äplidob konyuni „das,” keli äplaädob me „jto.”  No äbinob redakan teik, ab i pükimenodan!  Kiöp äbinol-li ün tim et, o Alexander?   Kanoy anu besmilön magälis obik.)  Primo ägebob penamacini obik ed ädunob kopiedis zesüdik ad sesedön, ab sis lüköm nünöma, valikos binos i gudikum, i vifikum.
       
          Ädasevob, das steifül telid at oba muton plöpön.  Kodü atos, äfünob Flenefi Bevünetik Volapüka ad stütön primäti at.  Vödabuks tel pädabükons, äsi propagidi, säkis pägespikons, e fino Volapük ätevon su veg benosekik.   Volapük progedon anu, e muton ai progedön ad taspikön neflenis mödik oka, kels sagons, das binon te späk, too anu binon späk ko fütür bevü püks votik bevünetik, kelas binon tidan e mastan.
       
          Ko medits somik primobsöd yeli (e yelodi) nulik!
       
          Valikosi Gudikün Oles ed Olikanes sedom :  R. Midgley
                                                                           Flenef Bevünetik Volapüka      
    Your message has been successfully submitted and would be delivered to recipients shortly.