Loading ...
Sorry, an error occurred while loading the content.

Fwd: GLIDIS OLES DÖNU!

Expand Messages
  • Ralph Midgley
    ... Subject: GLIDIS OLES DÖNU! Date: Sun, 01 Apr 2012 08:48:27 +0100 From: Ralph Midgley To: volapuk@yahoogroups.com _FLENEF
    Message 1 of 1 , Apr 1, 2012
    • 0 Attachment


      -------- Original Message --------
      Subject:GLIDIS OLES DÖNU!
      Date:Sun, 01 Apr 2012 08:48:27 +0100
      From:Ralph Midgley <midgleyr@...>
      To:volapuk@yahoogroups.com


                                                                                              FLENEF  BEVÜNETIK  VOLAPÜKA

                                                                                                                                                                                                      Tü del balid prilula, yela 2012.

      O Volapükaflens Valöpo!

       

                  Bü yels jöldeg “Vödabuk Volapüka” päpübon.   Atos äbinon del mebabik pro Volapükanef, bi äbinon prim timäda nulik jenava püka obsik.   Nu, yels jöldeg pos dabükot vödabuka fa de Jong, ekö dabükot nulik ota, kel binon gebidik dönu pro alans.

       

      Vödabuk nitedik at pepübon fa fiam “Evertype” suämü :  pouns:30.95/yurods :34.95/dolars : 42.95.

       

                  Sevob, das mödikans ävilons remön vödabuki at, ab liedo samäds valik ya ifigebons.   Cedob, das äbinob bevü remans lätikün vödabuka rigik.  Ed äbinob balan ad remön vödabuki nulik.

       

                  Kis binon-li dist vü vödabuks tel?   Nendoto dist küpovikün binädön me  kölslifik.   Buk, keli egetob äbinon lölöfiko gedik, ab buk nulik dalabon klotis nulädik, fulü köl, e pub buka binon dido  jönik.

       

                  Ninäd buka binon dientifik ko buk rigik (sevabo:  Deutänapük – Volapük  e  Volapük – Deutänapük)  bi binon kopied buka rigik, ab söl Everson, kel binom dilekan fiama “Evertype” eläükom tradutodis in Linglänapük fospika e gramata brefik fa de Jong, kel obinon frutik pro utans, kels no gudiko suemons Deutänapüki.   Cödot oba tefü vödabuk at binon, das binon stunidabik, e pleidob ad dalabön samädi ota.

       

                  Valikosi Gudikün Oles ed Olikanes

       

                              sedom

                                Ralph



    Your message has been successfully submitted and would be delivered to recipients shortly.