Loading ...
Sorry, an error occurred while loading the content.

GLIDIS VALIKANES!

Expand Messages
  • Ralph Midgley
    _FLENEFBEVÜNETIKVOLAPÜKA_ __ Tüdel1-idfebula,yela 2012. __ O Volapükaflens Valöpo! Mon pledon rouli veütik in lif aldelik obas.Neodobs moni ad remön
    Message 1 of 1 , Feb 1, 2012
    • 0 Attachment

      FLENEF  BEVÜNETIK  VOLAPÜKA

       

        del  1-id  febula,  yela 2012.

       

       

      O Volapükaflens Valöpo!

       

                Mon pledon rouli veütik in lif aldelik obas.   Neodobs moni ad remön zesüdotis lifa.   Ün yels pasetik, äkanoy,  ko pläots nesuvik, tuvön vobi alsotik ad gaenön moni saidik ad  atos.   Ab sis yels ömik stad finenik da vol enegudikon.

       

                Enu mödikans protestons ta sit finenik it.   Sagons, das binon dobik, bi liegikans liegikons ai, du  pöfikans pöfikons ai, e bi pöfikans pladulons  pluamanumi  sifanas, riskäd dabinon , das krim oglofon vifiko in läns valöpo.

       

                Ab lio eliegikons-li liegikans?  Cedü ob, dabinons klads fol in tef at:

       

                Mens ömik liegik egetons moni mödik sekü gerots;  mens nemödik äbinons läbiks ad getön moni mödik de loter.   Büsidacifs egetons moni mödik, bi büsid eplöpon sekü geid onsik, e mutoy koefön, das emeritons oni, bi evobons noe dü del, abi dü neit it.

       

                Ab i dabinons mens, samo:  kanitans,  bioskopastelans, famans in radion e televid, kels binons vemo liegiks.   Ab kikodo binons-li liegiks?   Bi mens valemik (ninädü pöfikans mödik) evilons juitön skilis onas, e vilöfo epelons moni se poks lönik ad atos.

       

      Seko, pläamü  klads balid, telid e kilid, kanoy anu gespikön säki:   Lio eliegikons-li  liegikans?   Binons so liegiks, bi obs valiks eliegükons onis.     Ab do pöf binon nendoto badik, tulieg binon badikum.    Ekö konsäl gudik e sapik pro valikans:  Steifülobsös ad blibön semo vü flans at lemuik tel, ed obinobs ai koteniks!

       

                Valikosi Gudikün Oles ed Olikanes    

       

                          sedom

       

                             Ralph

       

    Your message has been successfully submitted and would be delivered to recipients shortly.