Loading ...
Sorry, an error occurred while loading the content.

GLIDS GUSTULA 2011

Expand Messages
  • Ralph Midgley
    FLENEF BEVÜNETIK VOLAPÜKA Tü del l-id gustula, yela 2011. O Volapükaflens Valöpo! Valikans sevons, das Grikän plakon tü tim at fikulis gretik tefü
    Message 1 of 1 , Aug 1, 2011
    • 0 Attachment
      FLENEF   BEVÜNETIK   VOLAPÜKA
       
      Tü del l-id gustula, yela 2011.
       

      O  Volapükaflens Valöpo!

       

      Valikans sevons, das Grikän plakon tü tim at fikulis gretik tefü mon.   Län at no dalabon moni saidik.   Sekü atos, mutoy spälön.   Ab Grikänans no vilons spälön.   Anu in televid elogobs jenotis mekädik fa mens, kels protestons ta lons nulik ad tuvedön fikulis somik.

       

                  Mon binon jenöfot lifa aldelik.   Mon binon go veütik.   Sekü atos, mutoy lärnön ad gudiko tölatön oni.   Noe nets, abi pösod alik,  muton dalabön skili at, voto seks okömöl obinons badiks.

       

                  Tefü  Grikän, nen yuf län obankrutikon.   Klüliko atos obinos sek badik, e guvans läna vilons vitön somikosi.   Seko mutoy getön prünoti.

       

                  Binos otos i lä obs.   If pelots obsik pluükons lemesedi, keli getobs, fino omutobs prünön obes moni mödikum.   Sekü atos. mutobs pelön dötumi gretik, ab no vilobs dunön atosi.   Mutobs üfo getön moni mödikum:   u fat mutom sukön vobi, kel pelon lemesedi gretikum, u mot mutof tuvön vobi, u mutobs refudön lüxüödis anik.   Ekö stad Grikäna.

       

                  Mon binon god gretik tü tim at.   Mens stimodons oni.   Ad getön moni ai plu, voboy, tädoy, cütoy, igo deidoy.   Binos fikulik ad fomälön lifi nen mon.   No kanoy noön, das mon binon veütik;  semans jäfikons me mon dü timül alik dela alik, ab men kotenikün binon jenöfo utan, kel sevon ad lifön ma dinäds oka.

       

                  Valikosi Gudikün Oles ed Olikanes

       

                                  sedom

       

                                      Ralph

    Your message has been successfully submitted and would be delivered to recipients shortly.