Loading ...
Sorry, an error occurred while loading the content.

YULULA-GLIDIS

Expand Messages
  • Ralph Midgley
    FLENEF BEVÜNETIK VOLAPÜKA Tü del 1-id yulula, yela 2011. O Volapükaflens Valöpö! Mens mödik da vol neai elärnons ad reidön. Pro obs, atos binos
    Message 1 of 3 , Jul 7, 2011
    • 0 Attachment
      FLENEF  BEVÜNETIK  VOLAPÜKA
       
      Tü del 1-id yulula, yela 2011.
       

      O Volapükaflens Valöpö!

       

                  Mens mödik da vol neai elärnons ad reidön.   Pro obs, atos binos  nekredovik, bi utans, kels no sevons blesiri reida no dalabons lifi fulik.   In läns Vesüdäna, pluamanum menas gebons aldeliko legivoti at.   Jenöfo no kanobs fomälön lifi nen kanön reidön, samo,  nemis sütas lä obs, delagasedis, penedis  .  .  .

       

                  .  .  . E bukis!   Mödikans reidons bukis, kels givons obes noli alsotik.   Jenöfo buks ebinons divöp nola sis cilüp.   In jul, buks efövons dugäli obas.   Su pads bukas kanobs juitön konotis, kanobs visitön länis votik nen lüvön bradastul, kanobs dunön mödikosi.   Buks binons äs flens gudik.

       

                  Büo mens äreidons bukis aldeliko.   Lüköm televida, ye, esäkuradükon menis mödik in tef at.   Anu mödikans buükons ad seidön okis fo televidöm ad logön magodis leäktronik.   No plu vilons reidön bukis äs büo.   Mutob sagön, das televidaprograms ömik binons legudiks, fümo, ab mödikna enekälobs täleni reida kodü datuvot at.

       

                  Neai glömobsös buädi obsik ad kanön reidön alsotikosi, pato bukis.

       

                  Valikosi Gudikün Oles ed Olikanes

       

                              sedom

       

                                      Ralph

    Your message has been successfully submitted and would be delivered to recipients shortly.