Loading ...
Sorry, an error occurred while loading the content.

MAYULA-GLIDIS OLES! (2011)

Expand Messages
  • Ralph Midgley
    FLENEF BEVÜNETIK VOLAPÜKA Tü d. 1-id mayula, yela 2011. O Volapükaflens Valöpo! Floratim ekömon dönu! Ko läb mödik logob narzidis jönik, kels
    Message 1 of 1 , May 1, 2011
    View Source
    • 0 Attachment
      FLENEF  BEVÜNETIK  VOLAPÜKA
       
      Tü d. 1-id mayula, yela 2011.
       

      O Volapükaflens Valöpo!

       

                  Floratim ekömon dönu!   Ko läb mödik logob narzidis jönik, kels eglofons so vifiko, e kels nunons florüpi nog bali.   Pos dels lunik, dagik, benokömaglidobs vamöfi sola.

       

                  Ab i betikob topädis vola kö püd no dabinon.   Du juitobs florüpi jönik lä obs, dabinons läns, kö mens deidons menis läna ot nenmiseriko.   Jinos, das mens somik neai olärnons buädis püda;  buükons plao ad komipön ta ods,  ka ad lifön kobo,  püdo.   Anikans sagons, das kod atosa binon balugik.   Lif onas in läns anik binon so yamik, das buükoy deadi pla lif it.   Dead binon jenöfo lib gretik pro länans miserik at.

       

                  Mens somik belifons deli bal pos del votik nen vob, suvo nen fidot saidik, nenspelo.   E dugans netas at no kälons viktimis.   Ledesirons te nämäti, no benofäti menas.

       

                  Vesüdans tävons lü läns at ad yufön onis.   Too no kanons dunön valikosi.

       

                  Seimüpo äkredoy, das pük mekavik bevünetik öbinon tuvedoti fikulas valik somik, ab anu sevobs, das ced at binon pölik.  

       

      Tuvedot jenöfik binädon me dugans lanälik e giviäliks, kels sevons lio guverön, äsi me mens vilöfik, kels dalabons libi, ab veütiküno, kels gudiko sevons, lio gebön oti!

       

      Valikosi  Gudikün Olers ed Olikanes

       

                  sedom

       

                          Ralph

    Your message has been successfully submitted and would be delivered to recipients shortly.