Loading ...
Sorry, an error occurred while loading the content.

PRILULAGLIDS 2011

Expand Messages
  • Ralph Midgley
    FLENEF BEVÜNETIK VOLAPÜKA Tü d. 1-id prilula, yela 2011. O Volapükaflens Valöpo! Protests alsotik fa lödanef läna seimik esüvokon cedis distöfik
    Message 1 of 1 , Apr 1, 2011
    • 0 Attachment
      FLENEF  BEVÜNETIK  VOLAPÜKA
       
      Tü d. 1-id prilula, yela 2011.
       

      O Volapükaflens Valöpo!

       

               Protests alsotik fa lödanef läna seimik esüvokon cedis distöfik tefü kods otas.  

       

      Ömans cedons, das protests somik binons sek dunamoda reiganefas anikna tirenikas, kels eglömons neodi votastida;  votans cedons, das binons sek säkädas konömik e sogik, kels glifükons pluamanumi lödanefa, ledino yunanefa.

       

      Cedü ob, lödans länas tirenik kanons kösömükön okis reiganefe somik, bi pluamanum onas neai esevons votikosi, ab ven visitons länis demokratik e logons us siti somik jäfedik, sids nekotena paplanons.

       

      Säkäd gretik ti valöpo binon nenvob.  If no laboy vobi, no dalaboy moni saidik ad remön dinis zesüdik.   In tef at, fütür pro yunans no binon gudik.  Zuo komipons ta niflat konömik, kel tio nemögükon speli lifastada fümikum.

       

      I dins votik zesüdik, samo:  lödöps, sanameds e juls no saidons pro mödikans.

       

      Vüo, distöf glofon ai vü utans, kels dalabons moni mödik, ed utans, kels no dalabons moni saidik.

       

      Ekö kods cifik nekotena.   Yunanef patiko vilon logön votastidi sitas vönedik, kels no plu dünons neodis pluamanumanas.

       

      Valikosi Gudikün Oles ed Olikanes

       

                  sedom

       

                          Ralph

    Your message has been successfully submitted and would be delivered to recipients shortly.