Loading ...
Sorry, an error occurred while loading the content.
 

FEBULAGLIDIS OLES!

Expand Messages
  • Ralph Midgley
    FLENEF BEVÜNETIK VOLAPÜKA Tü del 1-id febula, yela 2011. O Volapükaflens Valöpo! Dü lif obas okolkömobs pösodis zunik. Atos binos jenöfot. Zun
    Message 1 of 1 , Feb 1, 2011
      FLENEF  BEVÜNETIK  VOLAPÜKA
       
      Tü del 1-id febula, yela 2011.
       

      O Volapükaflens Valöpo!

       

                  Dü lif obas okolkömobs pösodis zunik.   Atos binos jenöfot.   Zun no binon din gudik, bi seks ota binons ledämiks.

       

                  Sek zuna, samo, in famül, binon dred.   If fat u mot binons pösods zunik, odredükons cilis;   poso, ven cils at omadons, mögos, das obinons tirenans in jul, bi sam, keli ägetons lomo no äbinon sam gudik.

       

                  Igo pö voböp, somans obinons tirenans ta calasvists.  Do sek zuna nu obinon suvo dredäl, sek nulik kanon binön desir vindita lä calasvists somik, kels no vilons binön viktims kondöta somik.   Dü lif lölik zunana, te seks badik ojenons kodü kondöt at.

       

                  Ab fefikumo obinon zun, ven näfäton cifalis netik tefü negits, u jenöfiks, u pemisuemöls   In tef at, seks kanons binön mu riskädiks.   Zun somik kanon kodön levolutis netik, igo komips ta nets votik.

       

                  Zun jonon oki valöpo:  in rels difik, in kompains, igo in mufs pededietöl propagide pükas bevünetik.   Valöpo  zun  löükon kapi nejönik oka.

       

                  If viloy dalabön püdi : püdi in famüls,  püdi bevü nets, zun no dalabon gitäti seimik, mens ritik, mens stedälik, kels neai osufons lejemi somik, mutons lölöfiko distukön zuni  valöpo in vol.

       

                  Votaflano, dabinon fümo zun gidik :  zun kodü pöf, zun kodü negid,  zun kodü krim alsotik.  If vilobs zunön, täno zunobsös demü kods negidetik.

       

                  Valikosi Gudikün Oles ed Olikanes

       

                              sedom

       

                                    Ralph

    Your message has been successfully submitted and would be delivered to recipients shortly.