Loading ...
Sorry, an error occurred while loading the content.

GLIDIS NOVULA 2010 VOLAPÜKANES VALÖPO

Expand Messages
  • Ralph Midgley
    FLENEF BEVÜNETIK VOLAPÜKA Tü del balid novula, yela 2010. O Volapükaflens Valöpo! Sog adelik binädon me mens alsotik; liegikans pladulons flani bal
    Message 1 of 1 , Nov 1, 2010
    • 0 Attachment
      FLENEF  BEVÜNETIK  VOLAPÜKA
       
      Tü del balid novula, yela 2010.
       

      O Volapükaflens Valöpo!

       

                  Sog adelik binädon me mens alsotik;  liegikans pladulons flani bal lemuik soga, e pöfikans flani lemuik votik.   Ab vü flans tel at dabinons pluamanumans, sevabo:  utans, kels fümo no binons pöfiks, ab votaflano, kels no binons liegiks.   Too alikans mutons steifülön ad kobolifön püdo.

       

                  Liegikans valemo dalabons buädi gretik in vol, bi dalabons moni, e mon kanon remön ti valikosi;  pöfikans, votaflano, komipons ad lifön, bi suvo mon saidik defon ones.   Ab mens zänodü klads tel at dalabons buädi ad no binön tu liegiks, e otüpo ad no binön tu pöfiks.   Jenöfo ekö stad dialik!

       

                  Suvo dalab mona mödik binon nebuäd, bi kanoy fasiliko lifädön lifi nefrutik, to lieg;  abi pöfikanes monadef sädüton bätodis mödik, e rete menas, tämöf söton binön kikavöd.

       

                  Da jenav reidoy dö mens pöfik, kels, dub vobiäl okas, evedons liegiks;  i reidoy dö mens liegik, kels, dub lif nespälik, eperons valikosi.

       

                  Mens dalabons stimiäli, e dub kaliet somik, kanons votafomön lifi, noe pro ons it, abi pro votikans.   Sam gudik otosa binon datuvot püka bevünetik mekavik, kel ya ebalon mödikanis da vol.  Do maged at no nog ebinon slüdik, ebinon too step veütik täva menefa jüi kosäd valemik.

       

                  In tef at, binobsös danöfiks jenidanes obsik.

       

                  Valikosi Gudikün Oles ed Olikanes

                 

                              sedom

       

                                      Ralph

    Your message has been successfully submitted and would be delivered to recipients shortly.