Loading ...
Sorry, an error occurred while loading the content.

Re: Gustulaglids

Expand Messages
  • Ralph Midgley
    ... From: Brennus Volapükan To: ; Ralph Midgley Sent: Monday, August 09, 2010 9:24
    Message 1 of 2 , Aug 10, 2010
    • 0 Attachment
      ----- Original Message -----
      From: "Brennus Volapükan" <brennusvp@...>
      To: <metaforik@...>; "Ralph Midgley" <midgleyr@...>
      Sent: Monday, August 09, 2010 9:24 PM
      Subject: Gustulaglids


      >O flen löfik, Radu!
      >
      > "Cifal it tikedon das Volapük binon te dil de kaenav pükavik". Cifal
      > kimik esagom atosi? Fümiko, dasevob, das pük 'Esperanto' plöpon plu ka
      > pük valemik semik, e das ta pöls mödik püka at, binosöv ta gud, üf
      > valemapük seimik, steifonöv komipön ta sperantapük. Cifal Schmidt
      > äpenom, "Vilobs kälön püki at [Volapüki] leigoso äsä käloy
      > vöno-Grikänapüki u vöno-saxadapüki". Ob it kälob latini, e vönädo
      > bekomob viga kö epükobs te latiniko.
      >
      > Kludo, baicedob lölöfiko ko ol, das obinosöv gudikos, if kolköm okanon
      > panoganükön.
      >
      > Nendoto opölobs ed ozogobs, ab ogudikumobs ed ofredikobs, äsä Ralph gudiko
      > sevom du kolköm obsik bü yels tumödik.
      >
      > No dredob; fümob, das Volapük ailifon.
      >
      > Glidis ladöfikün,
      >
      > Brian
      >
      >
      >
      > O flen löfik !
      >
      > Jinos, das gloradels Volapüka binons in paset. Ya sevobs atosi, ab
      > fredob mödo ad reidön penedi ola, in kel sagol, das ol it noganükolöv
      > kongredi if idalabol moni saidik ad atos. Vöds olik fredükons obi plu ka
      > sevol osi.
      >
      > Liedo spikans püka defons. Ma ol, dabinons Volapükaspikans kil.
      > Volapükaspikans kil binons tofil in sean gretik.
      > Ab dabinons Volapükapenans mödikum. Jenöfo cedob, das dabinons pösods za
      > kiltum, kels sevons penön Volapüki.
      >
      > Ünü yels kildeg pasetik pösods mödik elärnons Volapüki; sevob osi,
      > bi äpenons obe. Tidan in Deutän ätidom lärnanis yunik Volapüki, ed
      > äbinons lanäliks tefü atos, ab anu no plu nitedälons dö on. Ed otosi
      > kanob sagön dö pösods mödikum, kels vilöfo elärnons püki, ab anu eperons
      > nitedäli.
      >
      > Pö kongred binonöv pöt gudik ad plägön püki pespiköl, bi, äsä verätiko
      > sagol, Volapükaflens no dalabon konfidi saidik ad spikön ko votikans, bi
      > votikans no dabinons.
      >
      > "Vög Volapüka" binon gased lölöfiko in Volapük, kel pubon almuliko.
      > Us binons yegeds alsotik, konots, poedots, cogs e peneds de reidans.
      > Gased almulik! No dabinons püks bevünetik mödik, kels dalabons gasedis
      > somik. "Progreso" (gased me el Ido) pubon nesuvo, e flen oba getof gasedi
      > calöfik ela Sperantapük, e yegeds mödik binons in Linglänapük!
      >
      > Bü yels anik, Robert Pontnau älärnom Volapüki, ed äbinom so lanöfik,
      > das äpenom obe tü del alik. Poso evisitom obi is in Linglän; kobo
      > edunobs registarami leäktronik su diskud, lölöfiko in Volapük, ab anu
      > eperom nitedäli tefü pük. I hiel S. Meira elärnom Volapüki; äbinom
      > studan legudik; fino äkanom dunön Volapüki gudikumo ka ob it ! Jenöfo
      > Cifal enemom omi limani Kadäma Volapüka. Ab sis lunüp no getob penedi
      > igo bali de om, do epenob ome mödikna. No sevob, kiöp binom, no
      > egespikom penedis oba. Binom rätöfik - enepubom!
      >
      > Penob dinis at, dat sevol, das guvan Volapükamufil no labon cali
      > fasilik.
      >
      > Ünü yels za luls bo odeadob. I deadon-li Volapük? Spelob, das
      > Volapük otuvon flenis mödikum äs ol, ab operol-li nitedäli äs votikans?
      > Tim it obinon temunan gudikün atosa.
      >
      > Meditölo ai dö dins somik,
      >
      > Ralph.
      > ----- Original Message -----
      > From: raduchinan
      > To: volapuk@yahoogroups.com
      > Sent: Saturday, August 07, 2010 10:04 PM
      > Subject: [volapuk] Re: GUSTULAGLIDIS OLES
      >
      >
      >
      > Glidis, o flen oba Volapükik!
      >
      > Tikamagoti atik, pro noganükön kongredi volapükik, elabob sis eprimob
      > lärnon püki. Nen spikön e kolkömön spikanis votiks, lärn püka no binon
      > frutik. Liedo, ver binon das anu Volapük no labon spikans saidiks ad
      > nöganükön kongredi. Äs epenob büo, binons 3 Volapükans veriks attimo. E
      > lio kanons-li binön mödikum if Cifal it tikedon das Volapük binon te dil
      > de kaenav pükavik? Pro ob, Volapük no binon bisarikot, binon part lifa
      > valdelik!
      >
      > Ab osteifülob ad mekön nemu kolkömi volapükik in fütür nilik. Problem
      > balik binon mon. Emeikoböv oni igo yelo at if elaboböv moni.
      >
      > Sedob ole glidis gudiküns e vipob ole sani gudik!
      >
      > E no dredös, Volapük no odeadon!
      >
      > Radu,
      > Volapükan
      >
      >
    • raduchinan
      Gesag Cifale Volapükamufa Cifal löfik, danö pro gesag ola penede oba. Binos veratiko jönik ad labön oli su grup at. Tefü set oba, esagob das isagol:
      Message 2 of 2 , Aug 10, 2010
      • 0 Attachment
        Gesag Cifale Volapükamufa

        Cifal löfik,

        danö pro gesag ola penede oba. Binos veratiko jönik ad labön oli su grup at. Tefü set oba, esagob das isagol: "Volapük binon te dil de kaenav pükavik", saitöl vödis ola in Linglänapük "Volapük is a beautiful piece of linguistic engineering" se klip at se YouTube: http://www.youtube.com/watch?v=vCCuwtnvV8g .

        I, no binob taan Sperantapüka. Te esagob das on no plidon obe e das no vilob binön Sperantapükan. Ba nedobs pluanis ne-Sperantapükiks bi Volapük klienon ad binön te bisarikot pro mekavapükalöfans. Ed aton binon kio realiko evilob sagön: pro ob Volapük binon pük lifik, valdeliko!

        Tefü buk "Alice in Milagän", kanobs kobön Volapükanis veriks kels nog dabinons ad kosvobön su proyek at? Cedob das binon pöt gretik pro balam de pük obas. Ed, par bükam ona, ad stirön nitedi votikanas dö pük obas.

        Kolköm Volapüka binosöv drim pro ob! If plöpobs ad kobön menis saidiks pro kolköm (5 binosöv el minimum, cedob), kanolöv-li kömön? Säk ot pro Ralph e Kadämans votiks. Binosöv gretik ad labön kolköm calöfik, päsevädöl par Kadäm Volapüka. If no, täno igo kolköm flenöfik kiplado Volapük paspikonöv, binosöv vemo gudik.


        Stümiko,
        Radu
      Your message has been successfully submitted and would be delivered to recipients shortly.