Loading ...
Sorry, an error occurred while loading the content.
 

YULULAGLIDIS 2010

Expand Messages
  • Ralph Midgley
    FLENEF BEVÜNETIK VOLAPÜKA Tü del 1-id yulula, yela 2010. O Volapükaflens Valöpo! Alikan obas sevon, das mon binon jenöfot lifa. Anikans dalabons
    Message 1 of 3 , Jul 1, 2010
      FLENEF  BEVÜNETIK  VOLAPÜKA
       
      Tü del 1-id yulula, yela 2010.
       

      O Volapükaflens  Valöpo!

       

                  Alikan obas sevon, das mon binon jenöfot lifa.   Anikans dalabons moni mödik, votikans dalabons ti moni nonik.   Fümo mon binon mu veütik.   Vobans vola pasetons yelis mödik ad getön moni saidik ad kanön nulüdön famüli, ad kanön juitön boso lifi.   Anikans dalabons moni so mödiki, das no sevons kisi dunön ko on;  votikans dalabons moni, kelis egetons dub jäfeds no ai loniks.  Jenöfo mon pledon rouli veütik valöpo.   Ko mon  kanoy dunön mödikumosi, ka nen on.

       

                  Valikans sevons, das pük mekavik binonöv mu frutik ad balön menis vola.   In tef at, püks mekavik valik dalabons deziri ot, sevabo:  ad lofön püki oka ad pagebön as pük bevünetik. Ab ad propagidön püki somik, mon mödik binon zesüdik.   Nen mon mödik no kanoy jenöfo dunön mödikosi.  Fümiko nets gretik, kels vilons lofön vole pükis netik okas ad pagebön as püks bevünetik, dalabons buädi, bi dalabons moni mödik ad dedietön vobe at.

       

              Kosäd ko mens da vol binon disein püka bevünetik.  I  binon disein netas, kels vilons stäänükön fluni oka da vol.    Nets somik lofons menes pötis gönik ad visitön onis, igo ad tuvön vobi lä ons ad  lärnön püki netik fasilikumo e vifikumo.

       

              Ab nets gretik no dalabons buädis valik.  Püks onas no paspikons valöpo da vol, e no binons so fasiliko lärnoviks äs püks mekavik. Bi püks mekavik no labons buädis netas gretik,  mäted binon mu fikulik, e sekü atos mödikans eklemons otis.  Ye to fikuls gretik somik, püks mekavik eplöpons ad kosükön menis noe neta bal, abi menis netas difik da vol.

             

              So, kisi mutobs-li dunön?   Mutobs propagidön ai püki bevünetik neudik ad  pagebön valöpo!

       

              Valikosi Gudikün Oles ed Olikanes

       

                  sedom

                 

                          Ralph.

    • raduchinan
      Baicedob ko ol, o flen löfik, das nedobs komipön pro benosek pükas mekaviks. Ons binons püks gudikums ka püks netiks pro zeil kosäda bevünetik. Igo if
      Message 2 of 3 , Jul 1, 2010
        Baicedob ko ol, o flen löfik, das nedobs komipön pro benosek pükas mekaviks. Ons binons püks gudikums ka püks netiks pro zeil kosäda bevünetik. Igo if kod binon uton, kel päperol lunüpo. Obs, utans kels kanons nemön okis VOLAPÜKANS, binobs pato pleidiks de pük obas!

        U binobs-li?

        Ob binob vemo pleidik ad nemön obi Volapükan. Ed i, ol e votikans nemödiks. Ab ret?

        Äs liedo kanol logön, obs no nog binobs mödiks. Esteifülob in muls pasetiks, ad balön komotanefi volapükik, ab anu grup at (e spikotacem IRC) binons neduniks.

        Vero, kod oba pro lärnön e propagön Volapüki no binon fütür ona äs pük bevünetik. No cedob das Volapük, u Sperantapük, u mekavapük votik ovedon jenöfo pük vola valik. Volapük balugiko plidon obe. Dabinos balugiko lütir bevü ob e pük at.

        Kods votikanas? No kanob sevön, ab büocedob das Volapük binon pro ons u bal de püks mekaviks das nitedons oni valädo, u bisarikot pasetik.

        Ob löfülob mekavapükis votiks i. Ab no binon Sperantapükan, e no cedob das Sperantapük binon in mod anik gudikum ka Volapük. No senob
        tani so gretik bevü ob e pük votik, ka bevü ob e Volapük.

        Fovonsös ad komipön pro Volapük it, pro pük keli löfob(s) no äs pük bevünetik, no äs kaenavot pükavik nitedik, ab bi kanobs nemön oni "PÜK OBA"
      • Ralph Midgley
        Id ob baicedob ko ol, das mutobs komipön pro benosek püka mekavik ad pagebön da vol. Ab sis yels plu ka tum, reiganefs vola elogons prozedi pükas somik,
        Message 3 of 3 , Jul 2, 2010
              Id ob baicedob ko ol, das mutobs komipön pro benosek püka mekavik ad pagebön da vol.   Ab sis yels plu ka tum, reiganefs vola elogons prozedi pükas somik, ab no evilons välön püki bal bevü ons - bi no nitedälons tefü tuvedot säkäda at dub pük valemik neudik.  No neodoy binön profäsoran ad dasevön, das nets nämik neai obaicedons tefü pük valemik neudik, balugiko bi no vilons daoptön püki somik.   Sekü atos, nek lärnolös bali pükas „bevünetik,”  bi cedon, das obinon seimüpo pük vola lölik.   If sevol pösodi, kel cedon osi, pösod at no binon jenöfiman.   Äsä esagob osi mödikna, Volapük obinon pük valemik at tü tim ot Sperantapüka, bi sevob, das nets vola lölöfiko no vilons igo demön pükis somik  -  nitedälons te dö stäänükam fluni okas da vol  -  ekö verat!
           
              I baicedob, das Volapükaflens da vol binons nemödiks.   Ün yunüp oba (bü yels mödik!) Volapük äbinon fun.   Ab ünü yels luldegas (danü cifo bevüresod), fun at eprimon ad natemön dönu.   Mens äprimons ad lärnön Volapüki, ad reidön gasedi „Vög Volapüka,”  ad penön odes Volapüko, igo ad kolkömön odi.   Äbinon tim gudik pro Volapük.
           
              Ab anu-li?   Lanäl somik no efövon.   Glidob ladöfiküno Volapükaflenis anuik, ab pos dead obik, odugedon-li Volapük obi ini sepül?   Id odeadon-li „Vög Volapüka” almulik?   Fümiko odabinon nog toped vüresodik obas, ab ovedon-li te toped nejäfedik?   Ud  okömons-li Volapükaflens no nog pemotöls ad löükön lestäni e  ad fövön vobi obas?  
           

          Baicedob ko ol, o flen löfik, das nedobs komipön pro benosek pükas mekaviks. Ons binons püks gudikums ka püks netiks pro zeil kosäda bevünetik. Igo if kod binon uton, kel päperol lunüpo. Obs, utans kels kanons nemön okis VOLAPÜKANS, binobs pato pleidiks de pük obas!

          U binobs-li?

          Ob binob vemo pleidik ad nemön obi Volapükan. Ed i, ol e votikans nemödiks. Ab ret?

          Äs liedo kanol logön, obs no nog binobs mödiks. Esteifülob in muls pasetiks, ad balön komotanefi volapükik, ab anu grup at (e spikotacem IRC) binons neduniks.

          Vero, kod oba pro lärnön e propagön Volapüki no binon fütür ona äs pük bevünetik. No cedob das Volapük, u Sperantapük, u mekavapük votik ovedon jenöfo pük vola valik. Volapük balugiko plidon obe. Dabinos balugiko lütir bevü ob e pük at.

          Kods votikanas? No kanob sevön, ab büocedob das Volapük binon pro ons u bal de püks mekaviks das nitedons oni valädo, u bisarikot pasetik.

          Ob löfülob mekavapükis votiks i. Ab no binon Sperantapükan, e no cedob das Sperantapük binon in mod anik gudikum ka Volapük. No senob
          tani so gretik bevü ob e pük votik, ka bevü ob e Volapük.

          Fovonsös ad komipön pro Volapük it, pro pük keli löfob(s) no äs pük bevünetik, no äs kaenavot pükavik nitedik, ab bi kanobs nemön oni "PÜK OBA"

        Your message has been successfully submitted and would be delivered to recipients shortly.