Loading ...
Sorry, an error occurred while loading the content.

YUNULAGLIDIS 2010

Expand Messages
  • Ralph Midgley
    FLENEF BEVÜNETIK VOLAPÜKA Tü d. 1-id yunula, yela 2010. O Volapükaflens Valöpo! Spikobs suvo dö pük bevünetik. Ab pro obs, is in Vesüdän, kis
    Message 1 of 1 , Jun 1, 2010
    View Source
    • 0 Attachment
      FLENEF  BEVÜNETIK  VOLAPÜKA
       
      Tü d. 1-id yunula, yela 2010.
       
       

       

      O Volapükaflens Valöpo!

       

      Spikobs suvo dö pük „bevünetik.”   Ab pro obs, is in Vesüdän, kis tefon-li vödi : „bevünetik?”   Tefon-li netis vola?  Lenö!  Nets at binons lölöfiko in vesüd.   Seko vöd „bevünetik” no binon saidiko kuratik in tef at.   Sötobs kuratikumo sagön: „pük bevünetik netas vesüdik.”

       

                  Vol dalabon noe netis vesüdik, abi netis votik mödik, samo in lofüd, kela kuliv binon difik.   Ömna, blufodobs ad cedön, das kuliv vesüdik binon veütikum ka kulivs votik, ab no gidetobs, bi kuliv länas votik binon mu veütik pro lödanef länas at, e no sötobs glömön osi.

       

                  Slopans pükas „bevünetik” ömik obas pleidülons dö vöds „bevünetik,”  kelis dalabons, ab vöds somik suviküno dekömons de vuls grikänapükik u latinapükiks.   Seko miedükons gretiko sinifi bevünetöfa verik.

       

                  In Lindän lurdut paspikon fa balions menas;  lurduv i paspikon fa mens lemödik.   Suemob, das dist cifik vü püks tel at binon jenöfo penamasit, voto binons ti äs pük bevünetik netas Lindänik.   I sevobs, das Tsyinän dalabon püki, keli suemoy penäto, if no ai mudo.   Kanobs verato sagön, das i pük at binon sot püka bevünetik love län mu veitik, ti kontinän.   In pük vero bevünetik, i püks somik sötons papladulön tä spikanef otas.

       

                  Ma nol oba, nek jünu eplöpon ad datuvön püki proporü püks cifik vola, noe Vesüdäna, abi Lofüdäna, nen spikön dö püks Sulüdäna e Nolüdäna.   Utan, kel plöponöv ad datuvön püki somik binonöv datuvan püka bevünetikum, ka püks „bevünetik” adelik.  Betikolsös oni.

       

                  Valikosi Gudikün Oles ed Olikanes

       

                  sedom

       

                          

       

                  R. Midgley

                  Flenef  Bevünetik  Volapüka

       

    Your message has been successfully submitted and would be delivered to recipients shortly.