Loading ...
Sorry, an error occurred while loading the content.
 

PRILULAGLIDIS 2010

Expand Messages
  • Ralph Midgley
    FLENEF BEVÜNETIK VOLAPÜKA Tü del 1-id prilula, yela 2010. O Volapükaflens Valöpo! Sagoy, das net nämik dabinon stabü famül. Net alik binädon
    Message 1 of 1 , Apr 1, 2010
      FLENEF  BEVÜNETIK  VOLAPÜKA
       
      Tü del 1-id prilula, yela 2010.
       

      O Volapükaflens Valöpo!

       

      Sagoy, das net nämik dabinon stabü famül.   Net alik binädon säsantiko me famüls, kels binons bumablögs veütik ota.   Famüls nämik mekons nämikis netis.

       

            In famül lärnoy lärnodis veütikün lifa.   Utan, kel kömon de famül gudik, binon buädi gretik nete, bi sevom ad kobolifön püdo ko kemens oka e ad fruto  keblünön skilis oka ad dünön sogädi in valem.

       

            I lärnoy vödis balid püka netik in famül.   Cils vifiko lärnons lomänapüki.   Ab ömikna pals cilas no labons netäti ot.  In tef at, cils labons pöti ad lärnön, plä lomänapük, püki telid, kelosi dunons nen fikul gretik.

       

            Is in Greta-Britän dabinon län vemo smalik nemü Velsän, kela pük lifon nog.   To mäted Linglänapüka, igo pöjuts in pasetatims, pük Velsänik neai edeadon.   E kikodo-li?   Kodü famül, kel egaledon oni love tumyels.   In Velsän cils mödik lärnons Velsänapüki balido, bi binon pük famüla.   Sevoy gudiko, das cils vifiko olärnons Linglänapüki poso.   Ye if no lärnons Velsänapüki in famül as pük balid,  mögos, das neai olärnons oni.

       

            I Sperantapük lofon sami frutik obes.   „Denaskaj Esperantistoj” binons jenöfot lifa.   Lärnoy lomänapüki ad kosädön ko flens, calasvists, otlänans valemo;  ab me Sperantapük lärnoy ad kosädön ko ret menas da vol, danü famül.        

       

      Valikos blöfon veüti famüla in tef at.   Famül gudik kanon noe dugälön sifani gudik, abi nunani volapüda medü pük bevünetik!

       

             Valikosi Gudikün Oles ed Olikanes

       

              sedom  Ralp;h

    Your message has been successfully submitted and would be delivered to recipients shortly.