Loading ...
Sorry, an error occurred while loading the content.

Fw: Dö tims nuik e posik Volapüka

Expand Messages
  • Ralph Midgley
    ... From: Brennus Volapükan To: Cc: Ralph Midgley Sent: Tuesday, February 23,
    Message 1 of 1 , Feb 23, 2010
    • 0 Attachment
      ----- Original Message -----
      From: "Brennus Volapükan" <brennusvp@...>
      To: <volapuk@yahoogroups.com>
      Cc: "Ralph Midgley" <midgleyr@...>
      Sent: Tuesday, February 23, 2010 5:43 PM
      Subject: Dö tims nuik e posik Volapüka


      >O Volapükaflens ledigik!
      >
      > Radu gidetof (tü d. 12-id), ven eküpetof, das Cifal -- sevabo ob -- dunob
      > nemödi (no nosi, e fümiko neai glömob olis), pro pük obsik, plä pened
      > nulayelik e nuns seimnaik in gased, keli Ralph almuliko redakom e sesedom
      > so vemo kuratiko e keli obs leigiko reidobs e studobs .
      >
      > Kanob ye pleidön te tefü duns obik dü yels pasetik -- das äspodob ko
      > cifals e vobans tima bütimik mufa (b.v. Arie de Jong, Johann Schmidt,
      > Johann Krüger); das äkonsefob bukis e timapenädis lemödikis, kelis
      > äfeapladob ini bibliotek Sogeda Britänik Sperantapüka zifilü Barlaston
      > nilü Stoke-on-Trent Lingläna, dat no operikons; das äblinob püki ini timi
      > nulik. Veratiko kanob pleidön, das dü plu ka lafatumyel, eslopükob
      > Volapüki, ed eslipükob flenis e röletanis medü lobs e lofs dö on.
      >
      > Pidob e koefob, das ob no suemob e no kanob gebön modis e medis nulädikis
      > a.s. bevüresodi. Sekü atos, mödiko fredob e danob eli Ralph, das so
      > lunüpiko e ziliko laidükom Soga Volapüka. Kims odugons vobi pos obs?
      >
      > Kisi dunons volapükans votik? Siö, binons utans, kels in gased e
      > bevüresod penoms yegedis jenöfotik, konotis nitedik e betikotis gramatik.
      > Gudö! Pluiko, Radu vipof vidükumön dunotis valasotik et mödikumön stutanis
      > valagenik Volapüka adelik. Gudö! Nunolös obes, o Radu!, kisi ol ya
      > edunol in tef at, dat id obs okanobs fovön e sümädön.
      >
      > Ed ols, o volapükans votik!, sagolsös alaniko liomodo okanoy fölön zeili
      > so vemo desirabik at ela Radu ed ela obs valik. Zesüdos dunis, no vödis,
      > fümiko. A.s. lio okanobs zälön motedadeli 131-id püka e privatiko e
      > notiko? Spelob vemiko, das mödikans onügolons in spikacem e das dunots
      > mödik osegolons se spikacem tü d. 31-id mäzula. Sis lunüp no epubon igo
      > bukil in pük obsik.
      >
      > O Ralph! nemis liomödik dabinons in lised bevüresodagrupa? Grupans
      > liomödik penoms? If, pos yel, pösod no penom, kanol-li moükön oni?
      > Baicedob -- neodobs nemis zilik.
      >
      > Yufö! Glidob olis volapükanis ladöfiko, lädis e manis läbikis e
      > manidikis.
      >
      > Brian
    Your message has been successfully submitted and would be delivered to recipients shortly.