Loading ...
Sorry, an error occurred while loading the content.

KRITIDANUN 2008

Expand Messages
  • Ralph Midgley
    FLENEF BEVÜNETIK VOLAPÜKA O Volapükaflens da vol lölik! Kritid pededieton ai famüle. Tü tim at famülans kolkömons odis dönu, ed if no kanons
    Message 1 of 2 , Dec 25, 2008
    • 0 Attachment
      FLENEF  BEVÜNETIK  VOLAPÜKA
       
      O Volapükaflens da vol lölik!
       
          Kritid pededieton ai famüle.   Tü tim at famülans kolkömons odis dönu, ed if no kanons kobiokömön  kodü fagots gretik u kodü kods votik, kanons kosädön ko ods medü bal milagas kaenava.
       
          Volapükaflens i binons limans famüla bevünetik.   No binon famül gretik, ab binädon me mens, kels dalabons dini bal kobo.   Löfons Volapüki, e bi löfons oni, neai kanons glömön utosi, kelosi edunon pük at love yels mödik.
       
          Balido, Volapük äbinon duin profetama.   Ün tims vönik, mens komunik ikoslogons ai timüli jenava ven ökanoy kosädön ko ods da vol lölik medü pük bal.   Mödikans isteifülons büo ad duinön profetami at, ab Volapük obsik äbinon jenöfo balid ad jenöfükön drimi.
       
          Telido, Volapük äbinon fon volapükas votik;  visü plöp püka obsik, mens eprimons ad mekön volapükis votik:  aniks eplöpons, aniks eneplöpons, ab aliks älanons kodü Volapük ed älabons zeili ot, sevabo:  ad balön menis valöpo in vol dub pük bal, kel epladulon ai diali bal.
       
          Sekü atos, kanobs gido pleidön dö Volapük.   Neai oglömobs benedis, kelis eblinon menes.   Ab menef no ai ävilon zepön yufi at.   Mödikans ya eglömons lölöfiko Volapüki;  anikans igo nofons oni, e steifülons ad nemödükön fluni ona veütilk da vol.
       
          Binobs limans danöfik Volapükafamüla.   Pösodiko, etuvob voli nulik bevü flens alsotik kodü on.   Tü Kritid, tim püda, freda e plüda, vip oba binon, das valans odigidons levemo divi pükik at, kel eblinon, e kel fövon ad blinön nunis freda gretik menefe valöpo.
       
          Suno yel 2008 omogolon;   neai opubon dönu.   Yel 2008 äbinon yel gudik pro Volapük.   Anu plu ka mens teltum kanons nemuiko reidön püki.   Ekö plöp gretik!   Bü yels teldeg, ti nek äkanon u suemön, u gebön Volapüki.   Anu Volapük dalabon resodatopedis nitedik alsotik, kels sevädükons oni da vol.   Flen lanälik in Polän vilom primön topedi  pro yunanef.   Spelobsös, das Volapük oplöpon somo da yel okömöl, dat neai oglömoy oni.
       
          Glidis pro Kritid äsi pro Nulayel
       
          sedom alikane olas Ralph. 
       
       
    • kalvoup
      Ed otis ole, o R! ... odis dönu, ed if no kanons kobiokömön kodü fagots gretik u kodü kods votik, kanons kosädön ko ods medü bal milagas kaenava. ...
      Message 2 of 2 , Dec 26, 2008
      • 0 Attachment
        Ed otis ole, o R!

        --- In volapuk@yahoogroups.com, "Ralph Midgley" <midgleyr@...> wrote:
        >
        > FLENEF BEVÜNETIK VOLAPÜKA
        >
        > O Volapükaflens da vol lölik!
        >
        > Kritid pededieton ai famüle. Tü tim at famülans kolkömons
        odis dönu, ed if no kanons kobiokömön kodü fagots gretik u kodü kods
        votik, kanons kosädön ko ods medü bal milagas kaenava.
        >
        > Volapükaflens i binons limans famüla bevünetik. No binon
        famül gretik, ab binädon me mens, kels dalabons dini bal kobo.
        Löfons Volapüki, e bi löfons oni, neai kanons glömön utosi, kelosi
        edunon pük at love yels mödik.
        >
        > Balido, Volapük äbinon duin profetama. Ün tims vönik, mens
        komunik ikoslogons ai timüli jenava ven ökanoy kosädön ko ods da vol
        lölik medü pük bal. Mödikans isteifülons büo ad duinön profetami
        at, ab Volapük obsik äbinon jenöfo balid ad jenöfükön drimi.
        >
        > Telido, Volapük äbinon fon volapükas votik; visü plöp püka
        obsik, mens eprimons ad mekön volapükis votik: aniks eplöpons, aniks
        eneplöpons, ab aliks älanons kodü Volapük ed älabons zeili ot,
        sevabo: ad balön menis valöpo in vol dub pük bal, kel epladulon ai
        diali bal.
        >
        > Sekü atos, kanobs gido pleidön dö Volapük. Neai oglömobs
        benedis, kelis eblinon menes. Ab menef no ai ävilon zepön yufi
        at. Mödikans ya eglömons lölöfiko Volapüki; anikans igo nofons
        oni, e steifülons ad nemödükön fluni ona veütilk da vol.
        >
        > Binobs limans danöfik Volapükafamüla. Pösodiko, etuvob voli
        nulik bevü flens alsotik kodü on. Tü Kritid, tim püda, freda e
        plüda, vip oba binon, das valans odigidons levemo divi pükik at, kel
        eblinon, e kel fövon ad blinön nunis freda gretik menefe valöpo.
        >
        > Suno yel 2008 omogolon; neai opubon dönu. Yel 2008 äbinon
        yel gudik pro Volapük. Anu plu ka mens teltum kanons nemuiko reidön
        püki. Ekö plöp gretik! Bü yels teldeg, ti nek äkanon u suemön, u
        gebön Volapüki. Anu Volapük dalabon resodatopedis nitedik alsotik,
        kels sevädükons oni da vol. Flen lanälik in Polän vilom primön
        topedi pro yunanef. Spelobsös, das Volapük oplöpon somo da yel
        okömöl, dat neai oglömoy oni.
        >
        > Glidis pro Kritid äsi pro Nulayel
        >
        > sedom alikane olas Ralph.
        >
      Your message has been successfully submitted and would be delivered to recipients shortly.