Loading ...
Sorry, an error occurred while loading the content.

Säk dö poyümots

Expand Messages
  • Sérgio Meira
    O Volapükaflens valik! Ekö! labob säki dö geb poyümotas -an, -af, -ep, -än, -ak... Dokan de Jong penom: If geboy in vödem Volapükik vödis natapükik,
    Message 1 of 1 , Sep 27, 2006
    • 0 Attachment
      O Volapükaflens valik!

      Ekö! labob säki dö geb poyümotas -an, -af, -ep, -än, -ak...
      Dokan de Jong penom:

      "If geboy in vödem Volapükik vödis natapükik, kanos zesüdön pö
      jenets patik ad lenyümön len lartig poyümoti seimik. So kanoy gebön:

      el -an ad malön pösödi: elan
      el -af ad malön nimi: elaf
      el -ep ad malön plani: elep
      el -än ad malön läni: elän
      el -eän ad malön nisuli: eleän
      el -el ad malön meli: elel
      el -ak ad malön laki: elak
      el -äd ad malön stelädi: eläd
      el -ed ad malön beli: eled
      el -ot ad malön yegi: elot"

      Poyümot: -an ye no palenyümon te len lartig, abi len ladyeks,
      ("olikan", "gudikan", "votikan"), len värbs ("belödan", "tidan"),
      len subsats ("julan")... Mögos-li ad dunön otosi me poyümots votik
      löpo pemäniotöls? Samo:

      "Valikosi gudik ole ed olikanes (ed olikafes ed olikepes?)"

      "Belödans läna at binons gretiks."
      "Belödafs läna at binons gretiks."

      "Is binons mens kil. Balan binon gudik, votikans binons badiks.
      Vilobs moükön badikani!"
      "Is binons nims kil. Balaf binon gudik, votikafs binons badiks.
      Vilobs moükön badikafi!"
      "Is binons plans kil. Balep binon gudik, votikeps binons badiks.
      Vilobs moükön badikepi!"

      "Löfob länis valik: smalikänis, gretikänis..."

      Lio cedols-li? Binon-li gudik geb at? No ekanob tuvön samis
      in vödems ela Arie de Jong; ab geb at no jinon obe netikavik...
    Your message has been successfully submitted and would be delivered to recipients shortly.