Loading ...
Sorry, an error occurred while loading the content.

3203Re: Bü(o)-

Expand Messages
  • hphilipps_2000
    Jun 14, 2014
    • 0 Attachment
      Vö, atos binon säk vemo gudik. Soäsa hiel Sérgio ya eplänom, dif dabinon vü 'büo' e 'bü', ye prinsipo dif at no sekidon de stamäd 'bü(-)', ab de klad vöda tefik, e mutob koefön, das dif sinifa ön jenet at no föro klülon. Suvo el 'büo-' pagebon me sinif nevoik.
      bü (prepod) -- before (in time);
      büo (ladvärb) -- at the outset, from the first, a priori, previously, beforehand, priorly;

      Ekö, vöds anik ko 'bü' e 'büo' as foyümots (se "Vödabuk Volapüka pro Deutänapükans" fa hiel Arie de Jong):

      bügolön -- to go earlier, to go on ahead, to hurry ahead, to be fast (of watches);
      bügolan -- precursor, predecessor;
      bügolöl -- going earlier;
      Is el 'bü-' mu pato te malon, das seimikos jenon BÜ tim semik pespetöl u kösömik.

      büogolön -- voraus gehen, vorher gehen = to go before;
      büogolöl -- preceding, previous
      büomesül -- precautionary measure.
      Is el 'büo-' mu pato malon jeni pedesinöl e pespetöli.

      Fikulos ad plänön difis me vöds mödik, bi mögos, das sinifs pevälons boso vilädiko:
      büsagön -- to say beforehand, to prompt;
      büosagön -- to prophecy, to foretell.

      Kludo komandob ad konsälidön vödabuki, if vilol sevön sinifi verätik vöda seimik.

      Glidis,
      Hermann
    • Show all 13 messages in this topic