Loading ...
Sorry, an error occurred while loading the content.

3071RE: Yümots

Expand Messages
  • hphilipps_2000
    Nov 8, 2013
    • 0 Attachment

      O flens löfik!

       

      Danö, o 'Fangthewerewolf' !

      Lised obik binon legudik.

       

      E danö, o 'shido2308' !

       

      Läfulükölo vilob gepenön:

      Volapük no labon foyümoti, keli kanoy leigodön lä foyumot: 'ek-' in 'Esperanto'.

      Ye Volapük labon mögis kil ad notodön primi duna u stada:

      1. primön ad ..., äs sam:  medin äprimon ad vobedön = la medikamento ekefikis.

      2. -ik-, äs sam:  eslipikof = shi ekdormis.

      3. Suvo vöd patik dabinon ad notodön primi duna seimik: gleipön = ekpreni.

       

      No omoükobs yümotis seimik. Pö püks valik (keninükamü mekavapüks) dins (tio) neai pageböls u no zesüdöls dabinons. Suvo atos binon plidadin.

       

      Volapüko vöds mödik kanons pagebön as foyümots, klu no balugos ad fümetön yümotis ot.

      El 'ge-' no binon präpod ab ladvärb: "golön mo e ge" = "to walk to and fro". Ladvärbs e präpods mu suvo pagebons as foyümots.

       

      Tefü 'vi-', el 'shido2308' gideton. Foyümot at ya dabinon in "Vödabuk Volapüka" fa Arie de Jong pö vöds: vipresidan (vice president) e vibijop (auxiliary bishop).

       

      Tefü 'kadäm': Fe teoriko labons kadämi Volapüka ko limans jöl ... ye kadäm at slipon dibätiko.

       

      Glidis ladöfik sedom

      Hermann

       



      ---In volapuk@yahoogroups.com, <rpbmorris@...> wrote:

      Dabinon-li lised calöfik yümota alik Volapüka? Esteifob jafön lisedi somik, keli kanoy logön is:

      http://www.mediafire.com/?pweha262paa0bh4

      Seimiks yümotas at no binons-li verätiks? Dabinons-li yümots kels no binons in lised at? Samo, dabinon-li foyümot kel sinifon primami, as el "ek-" Sperantapüka?

      Cedob das if dabinons yümots kels (ti) neai pagebons e kels no binons zesüdiks, Volapük benefidonöv moükami onas, e bi lised yümotas binonöv fasilikumo lärnovik e bi labobsöv liväti mödikum pro jafam stamas nulik.
    • Show all 31 messages in this topic