Loading ...
Sorry, an error occurred while loading the content.

3063RE: Licin vöda "plöd"

Expand Messages
  • fangthewerewolf
    Oct 31, 2013
    • 0 Attachment

      (The Lost Vikings 2)



      ---In volapuk@yahoogroups.com, <rpbmorris@...> wrote:

      Klämo, o Shido, dunob ön nem "Fang the Werewolf" in el Yahoo, e nem oba in vol jenöfik binon Robert. Kanoy tuvön sinifi nema obik pro el Yahoo if sukoy me el google :-)


      ---In volapuk@yahoogroups.com, <shido2308@...> wrote:

      Glidis, o flens ‘Fangthewerewolf’ e ‘Hermann’!
      Ma vödabuk latinik, keli labob, foyümot püka at ‘pro-’ (‘prod-’ fo vokats) sinifon “fo” in vöds som, as ‘prodeo’, e präpod püka ot ‘procul’ labon siämi “plödü”.
      Ye klülikos, das vöd ‘prodeo’ labon sinifis difik, as sam: 1) fogolön; 2) golön plödio. Siäm foyümota at latinik “plö- (plödü)” klülikon in värb ‘prodambulo’ (Volapüko: “spatön”, “golön plödo”), kel hiel ‘Hermann’ i egivom.
      Ba hiel ‘Schleyer’ ädilädom präpodi u foyümoti latinik ‘pro’ ad vöds Vöna-Volapükik tel: “plo” e “plö” (“pro” e “plödü” in Volapük nuik) < ma siäms tel siämas difik latinik. I ‘Schleyer’ äkanom ägebön präpodi ‘procul’.
      Flenöfiko,
      Shido



      ---In volapuk@yahoogroups.com, <volapuk@yahoogroups.com> wrote:

      Danis pro vöds benokömik ola, o Hermann. Memob oli e votikanis ömik de yels büik.


      Tefü säk, cedob das hiel Shido egevom verätiki. Neai ätikob sukön vödi ko sinif difik. Ab kis, kanoy isao sagön das el "plö" labon gidükamis 3 pro dabin onik!



      ---In volapuk@yahoogroups.com, <hphilipps@...> wrote:

      Egivol obe tikodi, o Shido2308!

      Ba foyümot latinik: prod- < äs in vöds: prod-ambulo (I stroll out), prod-igo (I drive out [sues in lutum - the pigs into the mud]), prod-eo (I step out) binon licinastamäd ela 'plö(d)'. Latin binon pük bo nilikum lä ladäl Datuvala 'Schleyer' ka Rusänapük.
      Glidis,
      hermann



      ---In volapuk@yahoogroups.com, <volapuk@yahoogroups.com> wrote:

      No sevob, va Volapük parevidöl labon vödi “plö(d)”. Ye Volapük nulik labon foyümoti “plö-” e subsati “plöd” veratiko. E Volapük rigik elabon präpodi “plö”. Klülikos, das subsat “plöd” pedefomon de vöd at rigik (sevabo: el “plö”).
      Ba fom licinik vöda “plö” äbinon-li präpod latinik “procul”? Ba hiel “Schleyer” ävotükom vödi latinik in mod at: 1) procul; 2) pro; 3) plo (tonat “l” pla el “r”); 4) plö (vokat ävotikon, bi Volapük rigik ye ilabonöv präpodi “plo” in vöd nuik “pro” pevotüköli).
      Rusänapüko “za predelami” binon grup vödas ü lölot vödas, sevabo: präpod “za” (plö) sa “predelami” (deklinafom subsata “predel” miedi siniföla).



      ---In volapuk@yahoogroups.com, <hphilipps@...> wrote:

      Benokömö! Fredobs dö geköm ola, e vo ekeblinol legivoti, bi baicedob, das el 'za PREDelami' mögiko binon licin vöda: plöd.



      ---In volapuk@yahoogroups.com, <volapuk@yahoogroups.com> wrote:

      Glidis. No epenob is sis yels 4, ab nu egekömob; "balna Volapükan, ai Volapükan", ba. U binobs-li nu Volapükavans?

      Änulälob dö licin vöda "plö(d)", ed ädelo, me el Google Translate, ätuvob mögis 2, kels binons:

      1. Vöd rusapükik "(za) predelami" - sumoy eli "pre", el R vedon el L, e votükoy vokati.

      2. Vöd deutapükik "außerhalb" - sumoy eli "alb" ("alp"), tüloy oni, e votükoy vokati.

      Kio cedols-li tefü atos, o kevolapükavans?
    • Show all 8 messages in this topic