Loading ...
Sorry, an error occurred while loading the content.

2694PENED OBA (GUSTUL 2012)

Expand Messages
  • Ralph Midgley
    Aug 1, 2012
    • 0 Attachment

      FLENEF  BEVÜNETIK  VOLAPÜKA

       

      Tü del balid gustula, yela 2012.

      O Volapükaflens Valöpo!

               Pluamanum obas binobs komuniks.   Rot obas no binon komplitik.   Ko pläams ömik, sevobs kisi odunobs tü del ti alik.   Atos, binon-li din gudik?   Anikans obas baicedobs, das binos jenöfo din gudik, bi lif somik binon takedik, nen säkäds tu  mödiks.   Ab votaflano anikans obas kläno ba drimobsöv dö lif ko nämäd gretik.   Fomälobsöv igo lifi  mastana.

               Prüdö!  lif mastana binon jenöfo go riskädik.   If küpedobs jenotis anuik in Süriyän, kanobs kleiliko suemön osi.   E seks jeikik sököl, sevabo:  das  mens  lemödik pedeidons us, e padeidons jüesa del anuik.   Binob go danöfik, das no binob mastan us.   Kondan jenotas somik binon ti valemik.   Sekü atos, kanobs gudiko suemön, das binos gudikün, if lif mastana oblibonös te in magäl obsik;   jenöfo gidid kion jeikik!   Ed if obs it sümiko ägididobs, e päkondanobs flanao valik, kondanobsöv id obis it?

               Hiel Dostoyevski äsagom : “Klienäl ad deidön dabinon cärmo in balan timakompenanas obsik.   Te fomälobsös badikosi, kel alikan obas ukanobsöv dunön, if te ulabobsöv pöti gönik ad atos,  e binobsös mu danöfiks, das neföro omutobs välön in tef at.  Meditobsös osi!

               Valikosi Gudikün Oles

                       sedom 

                          Ralph

       

      (Tonodiregistaram dabinon in diläd ‘ragivs’  (Lü flens oba (gustul 2012)