Loading ...
Sorry, an error occurred while loading the content.

2628PENED LÜ FLENS OBA (YUNUL 2012)

Expand Messages
  • Ralph Midgley
    Jun 1, 2012
    • 0 Attachment

      FLENEF  BEVÜNETIK  VOLAPÜKA


      O Volapükaflens Valöpo!

       

                     Adelo sol nidon, e stom binon vamik.   Sekü atos, fredobs vemo, bi hitüp kömon:  säsun vakenas, delas lunik, memamagotas jönik.

       

                     Hiflen John Cartwright älärnom Volapüki bü yels deglul, e, pötü visit lü el ‘Hampton Court,’  älärnom kaniti vönik tiädü ‘Sumer is icumen in”  (=  Nu elükömon hitüp).

       

                     Ekö tradutod omik:

       

      Nu elükömon hitüp,

      Kaniton kukuk.

      Sids  sprotons, e yebalän,

      Glofon dönu fotil.

      Kanitolös!

       

      Lü jipül vokof jijip,

      Vokof kun lü bubül.

      Galikons histäg e tor,

      E kaniton kukuk!

       

      Kukuk, kukuk, ol kanitol fredo,

      neföro stopolös!

       

                     Senäl yofik kion!   Binon lobakanit jafäbas jafoteme, kel plakon juiti ninälik lifa nulik pos tim taka.

       

                     Danobs oli, o flen Cartwright , demü galükam pötik at.

       

                     Zelobsös, id obs, zälasäsuni stunabik somik!

       

                     Valikosi Gudikün Oles ed Olikanes


                              sedom


                                  Ralph