Loading ...
Sorry, an error occurred while loading the content.

1840Re: [volapuk] DEKULAGLIDIS OLES !

Expand Messages
  • Ralph Midgley
    Dec 6, 2009
    • 0 Attachment
      
      O flen löfik
       
          Cedob, das  jenöfo   no edunoy sperimänti ad sevön va Volapük binon fasilikum pro lofüdänans ka püks mekavik votik.
       
          Gidetol fümo,  das Volapük rigik pägebon in Lofüdän bü yels mödik.  In tef at, te Lofüdänan kanon gespikön säki olik.
       
          If Lofüdänan ya sevon püki(s) stabü latin, täno püks äs el Interlingua obinon fasilikum ad lärnön.   Ab atos no binon blöfäd oba.   Taans obas osagons,  das i Volapük seaton stabü püks vesüdänik, e gidetons.   Ab in tef at, bi vöds Volapüka no binons sunädo seivoviks, alan muton lärnön onis, igo vesüdänans!  
       
          Ab äsä esagob fino, ba omoton-la pük mekavik, kel olabon propori gidikum vödas vesüdänik/lofüdänik.   Kin  sevon-li osi?
       
          Glidis Gudikün alikanes sedom Ralph. 
       
         
       
         
       
         
      ----- Original Message -----
      Sent: Thursday, December 03, 2009 10:30 PM
      Subject: Re: [volapuk] DEKULAGLIDIS OLES !

       

      Pened notik ola tefon yegädi, keli cedob vemo nitediki: Vp binon-li fasilikum pro lofüdänans (samo, pro Tsyinänans) ka püks mekavik retik? Edunoy-li sperimänti tefü atos?
       
      Sevoy, das Vp rigik pägebon id in Tsyinän (kel tän pänemon Cinän), e das gased Vpik päpübon in län et. Ek sevon-li , va Tsyinänans tänik älärnons Vpi fasiliko ed ägebons oni verätiko?
       
      Ed anu dabinons-li Vpans in Tsyinän? (fakipü el "Don Gasper", kel binom  Britänan, ga "vesüdik").
       
      Glidis mödik sedom
       
      Gonçalo Neves

      2009/12/2 Ralph Midgley <midgleyr@talktalk. net>
       

      FLENEF  BEVÜNETIK  VOLAPÜKA
       
      Tü del balid dekula, yela 2009.
       

      O Volapükaflens Valöpo !

       

                  Ekö Kritid dönu.   Yels mofugons.   Tü yel alik spikobs e kanitobs dö püd valemik, ab liedo püd no dabinon in läns mödik vola.   Spelobsös, das pianiko, mu pianiko, läns somik odasuemons fino, das püd binon gudikum ka krig, ab dasuem somik no vifon, e kanobs te sufädön e komandön menes valöpo buädis püda valemik.

                 

      If reiganefs vola dasumonsöv püki telid valemik, binosöv fümiko step frutik ad vitön misuemis, kels binons neflens püda:   jenöfo step bal föfio, ab te step bal binosöv step stepas mödik zeilü bened so lobabik.

       

                  Volapük ya epledon rouli veütik in tef at.   Sagoy, das anu püks bevümetik votik, kels pälanons fa benosek Volapüka, labons mögi gudikum ad padaoptön as pük valemik, ab no suädob, ed ekö kikodo :

       

                  Pük valemik no muton binädön me vöds te vesüdänas;  vol binon gretikum ka vesüd.   No glömobsös, das lofüdäns i dalabons kulivi mu veütiki.   Pük, kel pasuemon mu fasiliko te fa vesüdänans no binon pük dialik pro vol lölik..   Tsyinänans, Yapänans, Lindiyanänans e Larabänans sötons tuvön bosi in pük valemik, kel tefon onis, voto bidäds at no okanons dientifükön okis ko on.   Pük, kel dalabon kaladi te vesüdik, no binon pötik pro lofüdänans;   Vesüdänan, kel lärnon püki bi vöds lemödik binons suemoviks one, no suemon tikädöpi lofüdänana, kel suemon vödis te anikis.   Utan osagon :  No pledon rouli veütik pro ob.   Balan jenöfo labon buädi gretikum ka votikan, ed atos no binos gidik.   Pük somik no söton gönön netis te anikis.  

       

                  Jünu te Volapük efölon stipi veütik at, ab ün fütür ba omoton-la pük valemik, kel ofölon neodis pükik valikanas da vol lölik.

       

                  Valikosi Gudikün Oles ed Olikanes

       

                              sedom

       

                                  Ralph


    • Show all 5 messages in this topic