Loading ...
Sorry, an error occurred while loading the content.

1824TOBULAGLIDIS !

Expand Messages
  • Ralph Midgley
    Oct 1, 2009

      O Volapükaflens Valöpo !

       

                  Setul binon mul ven juls maifükons yanis dönu pos vakens lunik.   Spelabo lärnans, kels primons yeli nog bali, oplöpons ad rivön zeili okas.

       

                  I studans bäldikum ogolons da yan ad lärnön skilis difik dü soar pos vob in bürs e fabriköps.

       

                  Yunans ostudons lomänapüki, jenavi, taledavi, matemati, e r, ab  studans bäldikum okanons studön ma buükam oksik.

       

                  Dugäl adelik steifülon ad sevädükön menis natas difik dub stud patik läna(s) votik, lespats lü län(s) tefik ad logön lifamodi us, e ad spikön boso püki läna et;  poso, studans läna  okömons ad logön lifamodi obsik e ad spikön boso püki obsik.

       

                  Tikamagot mu gudik, bi lärnoy ad suemön odis gudikumo.   Jenöfo jafoy püdi bevü mens, kel binos mu veütik ün tim at.

       

                  Ab juls liomödotik olofons-li tidodemis dö pük bevünetik ?   Cedob, das juls nonik odunons osi.   Ab dub tidam somik, yunans e bäldikumans kanonsöv suno spodön ko mens da vol lölik e rivön zeili ot.

       

                  Too juls no vilons osi.   Bü yels ömik, älabob tidani e fleni Deutänik, kel ätidom studanes Volapüki pos studadüps calöfik.   Äpenons obe Volapüko dö lif e dasteifis okas.   Peneds at ägivons id obe blesiri gretikün.

       

                  Ab pos yels so mödiks, julidilekans no nog sevons buädi püka bevünetik.   Bisarikos, no-li?

       

                  Valikosi Gudikün Oles ed Olikanes

       

                                  sedom

       

                                      Ralph