Loading ...
Sorry, an error occurred while loading the content.

[timor-oan] Re: [a social refrection from manila]

Expand Messages
  • david barbosa
    Jose Guterres wrote: ba maluk Jose ninia analisa furak tebes,sei iha biban karik ami mos sei fo ami nia anoin konaba tema ida ne.
    Message 1 of 1 , Mar 31, 2000
    • 0 Attachment
      "Jose Guterres" <guterresjose@...> wrote:
      ba maluk Jose ninia analisa furak tebes,sei iha biban karik ami mos sei fo
      ami nia anoin konaba tema ida ne.
      maka ne deit hosi ami.
      David Barbosa




      EDUCASAUN : HANESAN PASSWORD IDA BA ITA NIA DESENVOLEMNTO NACIONAL IHA TIMOR
      �A SOCIAL REFLECTION�
      By Jose Cornelio Guterres

      Karik ita hotu hantene ona katak, agora dadaun iha companies (perusahaan)
      barak hakarak tama no kuda sira nian investementos iha Rai Timor. Nee
      hanesan sinal ida katak (1) ita hahu ona ita nia desenvolemento nacional
      hosi campo economia nian. (2) ita hahu hametin da-daun ona ita nia relasaun
      external ho nasoens sira seluk iha campos economia, politica no cultura. (3)
      E nunee mos hanesan sinal ida katak, nacoens sira seluk hahu
      fiar da-daun ona ita nia nasaun, nee duni ho aten berani sira hatama sira
      nia modal iha ita rain. Ho liafuan seluk katak, kapitalistas hosi nasoens
      avancado sira hahu tama ona iha Rai Timor.
      Perguntas nebe mosu iha ita ida-ida nian hanoin katak, semak sei servico?
      Malae ho ita Timor oan sira maka sei halao servico. Claro, katak, ita
      ida-ida sei servico ho ita nia capacidade intelectual, skills no matenek
      sira seluk nebe ita iha. Realidade social hatudo katak ita sei barak sidauk
      iha skills, matenek. Nee duni ita sei servico tuir ita nia level educasaun
      nebe ita iha. Se karik malae sira mak matenek liu ou ema mai hosi leur mak
      matenek liu sira sei hetan fatin servico diak liu, sei manan osan boot. Ita
      nebe si dauk matenek sei hetan fatin nebe tuir ita nia capacidade.
      Ho realidade social ida nee, tuir hau nia prediksi, sei mosu klase-klase
      social iha ita nia rai. Sei mosu klase nebe hanesan Karl Marx hateten; klase
      kapitalista no klase servico nain sira. Se ita la kohi anticipa didiak
      buat hirak nee karik, sei mosu conflictos social entre klase rua nee, nebe
      ninia enfluencia sei too ba aspectos sira seluk.
      Pior liu tan bainhira, klase kapitalista, klase riku nain tuir ema sira
      mai hosi leur nebe kuda sira nian modal boot iha ita rain. Klase servico
      (kerja kasar) nain sira, klase nebe kiak, sira nebe rai nain. Sira nebe la
      escola, la matenek no la iha skills.
      Hau mos hakarak exclarece oituan kona ba saida mak katak kiak. Hateten kona
      ba liafuan kiak ita tem de hanoin sentido rua; ema balun kiak tanba
      naturalmente la iha duni capacidade atu halo servico, karik moras mental no
      fisico, nee duni nia kiak. Maibe ema balon kiak tanba sistema
      (politica,ekonomia no cultura )maka hanehan. Ou Estado fo liu atensaun ba
      grupo ida nee e haluha grupo sira seluk, nee duni sira sai kiak. Kiak ida
      nee dehan katak kiak halo parte struktura. Exemplo, iha grupo servico nain
      hosi rai ou knua ruma nebe kiak tanba groupo boot sira hanehan ou la fo
      oportunidade ba sira atu desenvolve sira nia an. E bainhira groupo nee
      hanehan groupo nebe kiak lei no estado nebe atu defende ema hotu nia direito
      la halo buat ida ou nonok hela deit. Pior liu tan hanesan Karl Marx hateten
      bainhira Lei no Estado hakarak servico hamutuk ho ema riku nain sira (alat
      manipulasi) hanehan ema kiak sira ho naran desenvolemento nacional. Nee
      duni, ita buka atu kiak iha segundo ponto (kiak halo parte estructura) la
      bele mosu iha Rai Timor ou se bele karik ita bele minimalisa caso ida nee.
      Atu la bele mosu fenomena ida nee precisa aumento ita nia matenek iha
      kualidade no kuantidade e nunee mos precisa crea lei ida nebe justo ba ema
      hotu. Liu-liu defende ema kiak no fraco sira.
      Tanba se ita lakohi forma ita nia ema liu hosi educasaun. Ita sei sai ema
      segunda no terceira klase iha ita nian rain rasik. Ema sei haruka ita
      servico : hili tuir fatuk, dasa rai no hili foer, tanba sira hatene katak
      ita la iha skills, ita la hatene kaer malae nia maquina, malae nia trator,
      nia aviao, Roahi, ita la hatene koalia malae nia lian etc. E tuir realidade
      katak buat sira nee hotu ita sei faltas barak.
      Iha realidade ida nee, ho consequencia logis katak, karik ita aceita ou la
      aceita, ita gosta ou la gosta, resultado (servico) nebe iha, malae sei hetan
      barak liu tanba matenek nain sira no sasan tecnologia hodi explora rico
      soin sira (natural resources)nian hotu. Ita nia mak fo los deit an atu
      servico kasar.
      Hanesan exemplo ida nebe hau hakarak hatudo mos ba imi katak, tuir
      investigasaun ida kona ba explorasaun osan mean (rico soin) iha Irian Jaya,
      Indonesia nebe company freeport mak halau. Tanba sasan no ema nebe atu
      explora hosi hotu leur, ema rai nain sira fo deit tenaga kasar atu servico,
      tanba la iha skills, resultado nebe iha, 60 % malae sira lori ba sira nian
      rain. Indonesia hela deit 40 %. Tuir investigasaun 20 % tama iha Cendana
      (Soharto nia familia) nian bolsu, 15 % monu tuir dalan, katak corupsaun, 5 %
      mak tama iha estado nia liman (BUMN). E hanoin deit ba, 5 % fahe
      oituan-oituan 26 provincias, kala Irian Jaya 1 % ida mos la hetan.
      Nee duni atu halo lakon buat hirak nee dala ida tan educasaun importante
      tebes ba ita hotu, ba ita nia nasaun, ita nia estado no ba ita nia povo. E
      por meio de educasaun, ita nia lei no governo tem de consistente nafatin ho
      nia funcao : defende povo nia direito. Ita buka, atu experiencia nebe
      Indonesia hetan durante 32 anos Soeharto ukun la bele mosu iha ita nia
      rain. Se bele karik ita sai segunda ou terceira klase iha ita nia rain iha
      tinan lima (5) ou sanulun (10) nia laran, maibe la bele hela ho situasaun
      ida nee ba nafatin (too tinan ba tinan). Hanesan Indonesia nia experiencia
      too agora. Nebe problema laos deit mental ema Jawa, ou Indoensia maibe
      liu-liu kona ba sistema. Sistema educasaun, politica no Lei nebe la los. No
      sentido lei nebe la justo no la fair ba ema hotu e liu-liu ema kiak sira..
      Iha nee precisa mos sistema educasaun nebe ho qualidade universal. Forma
      ema nudar ema nebe iha dimencia barak (multidimencia). Educasaun tem de kona
      aspecto hotu. Estado la bele fo deit atensaun ba campos balon. Exemplo,
      agricultura, mecanico ou economia deit. Maibe ita mos hanoin katak, iha
      tempo agora, ita se hare didiak, tebes duni katak povo agora precisa liu
      skills iha parte agricultura, tecnico no economia hodi halau reconstrusaun
      nacional nebe iminigo extraga tia kedas ona. Maibe laos no sentido katak
      campos sira seluk, hanesan humaniora (politica,Lei, Antrapologia etc) ita
      la precisa. Ita precisa constroe sociedade Timor husi aspectos, politica,
      economia, socio-cultura etc. nee duni precisa educa ema Timor iha campos
      hotu. Ita buka educa ema timor nebe hatene hadomi nia rain, nia cultura ou
      identidade rasik maibe mos tem que hatene hadomi valores universais :
      dignidade ema hotu nian, direitos humanaos no democratizasaun.
      Nunee mos evita sistema educasaun nebe iha tendencia crea ema hanesan
      �instrumentos� deit. Hanesan tuir liafuan bahasa Indonesia karik dehan katak
      mencetak manusia siap pakai or tenaga siap pakai. Liafuan ida nee nia
      konotasi considera ema sei hanesan instrumento. No sentido, sai ema matenek
      nain, laos sai ema nebe outonomo, livre, iha creativo, inisiativo no
      produtivo, maibe nudar maquina nebe pronto atu usa. Ema sei depende deit
      servico nebe iha, ema la iha creativo no iniciativo atu crea servico
      (lapangan kerja) ba nia an rasik. Nee duni mosu consequencia social, ema
      barak acaba escola maibe lahetan servico (nganggur barak liu).
      Hanesan iha campanies barak hosi leur hakarak contracto ho ita nia nain
      ulun sira. Sira hakarak tama no kuda sira nia investimentos iha ita nia rai
      maibe sira iha kriteria rasik nebe ita gosta ou la gosta, tuir ita nia
      cultura kah la tuir, ita tem que cetak ita nia ema Timor tuir sira nia
      kriteria. Hateten ho liafuan seluk katak, sira haruka ita nia ema timor tem
      de hasai cursos ou skills tuir companies (perusahaan leur) nia hakarak. Iha
      nee, ita atu hetan servico, manan osan, atu desenvolve ita nia nasaun ou ita
      nia nasaun atu avanca hanesan nasoens sira seluk, ita tem de halo tuir
      criteria nebe sira obriga mai ita. Iha nee tuir hau nia hanoin ita sei lakon
      ita nia identidade moral no intelectual nudar ema nebe ho valores universais
      no cosmopolitan. Nunee precisa mos critico iha parte ida nee.
      Hanesan mos tuir Indonesia nian experiencia : atu limite kaum intelectual
      sira nia movimento, halo sira la bele sai critico demais ba estado, estado
      loke universidades no eskola agricultura, tecnico no economia. Tanba
      bainhira, ema mecanico ida halo servico kadoo ai ou agricultor ida lor-loron
      kaer trator, nia sei lor-loron hasoru malu ho instrumento ou tuir liafuan
      indonesia katak benda mati. Ninia consequencia negativa katak ema sei la
      bele halo dialogo, debate ho argumentos nee duni nia sei la sai ema nebe
      critico.
      Iha Indonesia ita hare katak estado la dun fo interesse ba ciencia
      humaniora, tanba sira tauk ho ciencia ida nee bele halo ema sai critico e
      bele sai ameaca ba estado. E hau mos la dehan katak ema nebe estuda
      agricultura la critico, tanba iha mos esperiencia nebe hatudo katak ema
      barak estuda agricultura, tecnico no enonomia maibe sira mos critico. Nee
      problema personal ou probadi per pribadi. Yang jelas iha contexto ida nee
      hau la koalia kona ba problema individual maibe liu-liu cona ba sistema.
      Pior liu tan sistema educasaun mos �dimonopoli� estado. (Experiencia
      Indonesia nian). Escola hot-hotu la iha liberdade atu decide mesak buat nebe
      sira hakarak. Decisaun hotu-hotu mai hosi governo, escola halo tuir deit
      buat nebe governo haruka. Tuir Indonesia nia lian katak sistem sentralisme.
      Tuir lolos estado la iha �direito� atu tau liman demais iha policy escola
      nian. Estado la bele controla hotu professores sira nia movimento( hanorin)
      iha aula, liu-liu controla hosi sira nian vencimento, cargo etc. sira nebe
      hanorin contra oituan estado, estado tebe sai sira ou kua sira nia
      vencimentos.
      Sistema educasaun mos tem de sai hosi gruta feodal (sistema feodal). Katak
      hanorin ema atu liberta ema laos halo tauk ema. Hanorin ema ho valores nebe
      dehan katak : hahalok ida nee diak tanba secara obyektif diak nee duni
      bainhira halo tuir sei sai ema diak, laos diak tanba tuir inan no man dehan
      diak, tuir sociedade diak, tuir leader boot ida nee diak, tuir amo ida nee
      diak, mao boot diak etc. E nunee mos la bele hanorin ema respeita tanba
      tauk. Hanorin nia respeita tanba ita nudar ema moris, creatura iha valor
      humano hanesan ita respeita malu. Atu hateten ho liafuan seluk katak ita sei
      la halo sistema educasaun, ho termo Sismund Freud, ema tem de internalisa ho
      valores superego; ema nebe diak , matenek tem de hetan no internaliza
      valores sociedade, familia, religiaun no Lei nian. Ho sistema educasaun ida
      hanesan nee ita sei halo ema la sai livre. Ninia consequencia social nebe
      sei mosu katak, ema respeita lei, governo, religiaun la laos tan buat nee
      diak atu lori ema ba dalan diak maibe tanba sira tauk, karik maromak fo
      malisan mai hau, amo padre hirus hau nee duni hau tem que ba Igreja (ba
      missa), karik hau nia inan no aman fo malisan mai hau nee duni hau tem que
      decide tuir sira nia hakarak, karik sociedade fo kutukan mai hau nee duni
      hau la bele critica sociedade, embora sala.
      Nunee mos sistema educasaun tem de fo oprtunidade ba estudantes sira halo
      debate publico, free speech iha televisaun, etc. sem iha pressaun hosi
      estado no alat estado nian. Nee hanesan meios ida nebe hahu hanorin
      estudantes sira hare, discute no hasae solusaun ruma kona ba problema
      social nebe mosu. Maski discusaun nee la tuir estado nia hakarak. Ida nee
      hanesan meios nebe hahu jalur comunikasaun entre sociedade ho
      estado.(Estudante dilatih menjadi alat penghubung atau jembatan antara
      rakyat dan pemerintah. Estudantes pun dilatih menjadi alicerse ba people
      power ou sicil society).
      Ho meios ida nee, hatudo katak, ciencia nebe estudantes sira hetan iha
      escola laos hanesan �stock of knowledge� deit tuir Habermas nia hateten.
      Stock of knowledge dehan katak, materias nebe hetan iha escola buka atu
      aplica iha ita nia moris, laos stock hamutuk deit iha ita nia ulun fatuk
      (laos decor deit).
      Tuir mai hau mos hakarak hateten katak, ukun nain sira, iha ita nia sistema
      educasaun nian, precisa hanoin mos katak : tem de fo liu atensaun ba
      professores (educadores) sira nian moris. No sentido professores sira nian
      salarios ou vencimentos tem que fo maximo. Sira nia vida futuro (masa
      pensiunan) mos tem de atende hotu. Se bele ponto hirak bele hatama mos iha
      constituisaun.
      Perguntas, tansa ? Tanba bainhira sira nia moris �terjamin�(garanto) ho
      salarios/vencimentos nebe sira hetan fulan-fulan hosi hanorin sira bele
      sustenta sira nia an, e nunee sei la buka tan vencimento hosi le-leur. E
      nunee sira sei concentra liu ba hanorin no prepara lisoens. Exemplo nebe ita
      hotu hare iha Indonesia, como estado la dun fo atensaun ba frofessores sira
      nian moris, hanesan way out ida ba sira nia moris sira buka liu gaji
      tambahan iha leur, no fim, sira la dun concentrasaun ba hanorin, liu-liu
      faltas bei-beik iha escola. Nee duni estudantes dala barak liu halimar
      (terlantar) deit, sira la hatene atu halo saida. E liu-liu kualidade nebe
      hetan nudar human resouces la dun fo satisfeito.
      Hanesan ita compara qualidade educasaun malae nia ho Indonesia. Malae mutin
      nia qualidade diak liu Indonesia nian. Tanba Estado fo mos atensaun ba
      professores sira nia moris, por meio de sira nia sistema educasaun mos diak
      liu.
      Ita nia nasaun ou estado mos ten que iha Lei ida kona ba ita nia sistema
      educasuan nian. Lei mak sei hanetin educacasuan iha sociedade nia laran.
      Exemplo, ema la bele hili tuir deit nia familia mak ba escola boot maibe ema
      seluk haluha tia. Tanba tuir lolos, ita nudar Timor oan iha direito hanesan
      atu continua estudo iha nebe deit. Exemplo ida nebe ita hare iha governo
      Indonesia uluk katak. Se mak iha bagian pegawai negeri no educausaun nian,
      familia sei escola barak liu. Nee sinal katak la iha jaminan hukum iha
      sociedade. Nee duni atu hal lakon mendalidade ida nee precisa Lei nebe justo
      no forte liu tan. Tanba hanesan Plato hateten katak iha sociedade nebe ema
      matenek barak valoris justica no lia los sei buras iha neba.
      Lei mak sei educa ema nebe, iha posisaun boot buka nia familia deit maka
      hetan fatin escola. Lei mak sei educa mentalidade : ema nebe escola ba oin
      ema boot nia oan sira, ema povo kiik sira la fo oportunidade atu escola.
      Jose Cornelio Guterres
      Estudante sociologia iha Asian Social Institute (ASI).
      Manila - Philippines*****









      ______________________________________________________

      ______________________________________________________
    Your message has been successfully submitted and would be delivered to recipients shortly.