Loading ...
Sorry, an error occurred while loading the content.

Tataristan Spor Haberleri

Expand Messages
  • Saguit KHAIROULLINE
    Galatasaray ın, Kazan ın Sintez takımıyla karşılaşması ve başka spor olaylarıyla ilgili:
    Message 1 of 1 , Oct 31, 2005
    • 0 Attachment
      Galatasaray'ın, Kazan'ın Sintez takımıyla karşılaşması ve başka spor olaylarıyla ilgili:

      http://www.intertat.ru/index.php?cat=l&bigoffset=0µoffset=0&id=76091


      "Sintez"nıñ köndäşe - Törkiyaneñ iñ bay komandası

      Kiçä "Len Trofi" Kubogınıñ 1/8 finalındagı parlarnı açıklau öçen jiräbä salu ütkärelde. Kazannıñ "Sintez" komandası çirekfinalga çıgu öçen Törkiyaneñ iñ bay klublarınıñ berse "Galatasaray" belän köç sınışaçak. Berençe oçraşu 19 nçı noyabr könne Kazanda uza. Cavap uenı isä 10sı yaki 11 nçe dekabrdä Törkiyadä ütäçäk.
      Xäzerge vakıtta "Sintez" üz basseynında künegülär uzdıru belän mäşgul. Ni disäñ dä, irtägä Rossiya vaterpol çempioantı start ala. Berençe turda kazanlılar üz mäydannarında (komandanı kürergä teläüçelär igtibarına) "LUKOYL-Spartak", "LUKOYL-Spartak-2", "Ximik" ("Sintez"nıñ farm-klubı) häm "Spartak" komandaların kabul itäçäk.
      Alga taba kazanlılarnıñ Çexov şähärenä yul totuı kötelä. Anda "Sintez" 10 - 13 noyabr könnärendä Mäskäü ölkäse Gubernatorı Kubogında katnaşaçak. Mäglüm bulgança, Gubernator Kubogı Çexov şähärendä ikençe tapkır uzdırıla häm xalıkara turnir statusın yörtä. Oeştıruçılar anda katnaşuçı altı komandanı ike törkemgä büler dip farazlana. Ul törkemnär inde bilgele dä. "Su xucaları" "Şturm-2002" komandası uynayaçak "A" törkemenä Frantsiyaneñ "Marsel" häm "Partizan" (Serbiya häm Çernogorie) komandaları kerde. Kazan komandası isä jiräbä salu näticäsendä ikençe törkemgä eläkte. Monda anıñ köndäşläre Mäskäüneñ "Dinamo-Olimpiyskiy" häm Gretsiyaneñ "Etnikos" komandaları. Törkem eçendäge uennar nätizcäsendä finalga çıkkan parlar bilgele bulaçak. Üz törkemnärendä berençe urınnı algan komandalar Gubernator Kubogı, ikençe urın algannar öçençe-dürtençe urın öçen tartışaçak. Kalgan ike komanda üzara bişençe-altınçı urınnarnı açıklar dip kötelä.

      Fänil Vakkazov
      31 oktyabr 2005, 16:42


      http://www.intertat.ru/index.php?cat=l&bigoffset=0µoffset=0&id=76086


      Törkiyagä kitär aldınnan...

      Uzgan yal könnäre Rossiya sport elitasında uynauçı Tatarstan komandaları öçen aeruça uñışlı buldı. Kazannıñ "Rubin" komandası UEFA Kubogında katnaşu xokukı birüçe uenda Sankt-Peterburgnıñ "Zenit" komandasın ciñde, "UNİKS" isä bıelgı sezonda rättän bişençe oçraşuın otıp, çempionatnıñ berençe urınına kütärelde. Bıel gına voleybol elitasına kergän "Kazanoçka" komandası da superligada berençe oçraşuın ciñügä ireşte. Mondıy kütäreleştän, älbättä, "Dinamo-TatTransGaz" voleybolçıları da çittä kala almıy ide. İl berençelegeneñ cidençe turı kısalarında beznekelär çit mäydanında Mäskäüneñ "SK-Luç" komandası belän oçraştı.
      Ciñü şatlıgın ike uen rättän tatıy almagan Kazan komandası xucalarnı öç partiyadä tar-mar itte. Gärçä, mäskäülelär "Dinamo" öçen uñaysız köndäş bulıp sanalsa da. Uzgan sezonda "SK-Luç" Viktor Sidelnikov şäkertlärennän berençelekneñ äzerlek etabında öç tapkır östen çıkkan ide. Bıelgı sezonnı isä Mäskäü klubı voleybolçıları bik ük ışanıçlı başlamadı. Xäzer alar aktivında biş ciñelü.
      "SK-Luç" - "Dinamo-TatTransGaz" 0 : 3 (22 : 25, 20 : 25, 21 : 25);
      Rossiya çempionatınıñ cidençe tur näticäläre:
      "NOVA" - "Lokomotiv-Belogore" 1 : 3 (15 : 25, 23 : 25, 25 : 19, 17 : 25)
      "ZSK-Gazprom" - "Fakel" 0 : 3 (19 : 25, 24 : 26, 21 : 25)
      "Neftyanik-Başkortostana" - "Neftyanik" 3 : 0 (28 : 26, 25 : 16, 25 : 13)
      "İskra" - "Nefteximik" 3 : 1 (25 : 19, 25 : 19, 21 : 25, 25 : 23)
      Komandalarnıñ turnir baskıçındagı xäle:
      1. "Neftyanik Başkortostana" 13 oçko
      2. "Dinamo" (Mäskäü) 11
      3. "ZSK-Gazprom" 11
      4. "İskra" 12
      5. "Dinamo-TatTransGaz" 9
      6. "Lokomotiv-İzumrud" 9
      7. "Nefteximik" 8
      8. "Neftyanik" (Ya) 8
      9. "Fakel" 8
      10. "Lokomotiv-Belogore" 8
      11. "NOVA" 7
      12. "Luç" 7
      Evropanıñ iñ yaxşı komandaları Kubogında (ikençe törle anı TOP-Komandalar Kubogı dip tä yörtälär) katnaşu säbäple, kazanlılar superliganıñ başka komandalarınnan ike uenga artta bara. Alar bügenge köngä biş oçraşu uzdırıp, dürtesendä ciñügä ireştelär. Şunıñ belän dinamoçılar tugız oçko tuplap, tablitsasınıñ bişençe baskıçına urnaştılar.
      Çirattagı uenın "Dinamo-TatTransGaz" 2 nçe noyabr könne TOP-Komandalar Kubogı kısalarında uzdıraçak. Beznekelärne üz mäydanında Törkiyaneñ "Erzemirspor" komandası kötä.

      Fänil Vakkazov
      31 oktyabr 2005, 16:02
    Your message has been successfully submitted and would be delivered to recipients shortly.