Loading ...
Sorry, an error occurred while loading the content.

"Törkiye awazı": Nurmöxemmet Xisamov

Expand Messages
  • Saguit KHAIROULLINE
    TÜRK WÄ TATAR DÖNYASINNAN 29.09.2002 Törkiyä awazı radiosı Tatarstan fännär akademiyäseneñ Ğalimcan İbrahimov isemendäge tel, ädäbiyät häm
    Message 1 of 1 , Jan 1, 2003
    • 0 Attachment
      TÜRK WÄ TATAR DÖNYASINNAN

      29.09.2002
      "Törkiyä awazı" radiosı


      Tatarstan fännär akademiyäseneñ Ğalimcan İbrahimov isemendäge tel, ädäbiyät häm sänğät institutı direktorı, filologiya fännäre doktorı, professor Nurmöxämmät Xisamovnın "Törkiyä awazı" radiosına birgän ängämäsennän özek.

      "... Annan soñ, älbättä, üzäktä tağın ber mäs'älä - älifba. Ul hiç kiskän ber problema bulırğa tiyeş tügel ide. Bu demokratiya häm dönyadağı xäzer inde kiñ aralaşu däwerendä, härxäldä, keşelek dönyasındağı häm säyäsi, ğomumän, gumanitar protsesslar urtaq, berdäm. Menä şuşı kontseptta bez üzebezneñ bik tabiği xoquqıbıznı tormışqa aşırarak, yañadan tatar telen latin älifbasına qaytaru mäs'äläsen quyğan idek. 10 yıl däwamında diskussiya bardı, parlament nihayät qarar qabul itte, prezident Ukazı bar häm şunnan soñ, älbättä, Mäskäwdän basım başlandı.
      Parlamentnıñ, äyğni Däwlät Duması qararında ayırım punktlarnı beläsez. Yäğni älifba alıştıru, orfografiya mäs'älälären xäl itü Rusiyädäge millätlärneñ barı Üzäk qaramağında, qulında digän äyber. Bu bik köçle protestlar uyattı. Häm äyttelär: bit inde tsarizm - ul kolonial' sistema, ämma anda da ğaräp älifbasın qullanuğa qarata bernindi qatnaşu bulmıy. Nihayät, iñ qatı totalitar däwlät Sovet şartlarında da ärmän, gruzin wä Baltiq buyı respublikalarınıñ xalıqlarınıñ älifbası, orfografiyäse üzlärençä kilde.
      Bez dä inde, bezneñ zıyalılar tatar milläteneñ, äytik, fiker dönyasın çağıldıruçı barlıq köçlär menä şuşı latinğa küçü ideyasın kütärdelär. Yäğni tatar tele üzenä xas häm üzenä layıq yañğıraşta yazuda da yaqtırtıla alırğa tiyeş dip. Bu uñay belän dä buldı fikerlär anda. Cämäğätçelekneñ fikere nıq kisken.
      Döres, prezident bit ul inde zur säyäsätçe, bezneñ prezidentıbıznı sez bigräk tä beläsez. Ul üzeneñ xalqına tuğrılığın, aña bulğan mäxäbbäten, ixtiramın açıq çağıldırdı, ämma bu uñay belän äytte: "Mine härwaqıt borçıy ide, - di, - ber mäs'älä, ber soraw. Bez moña küçsäk, Tatarstannan çittäge millättäşlärebez öçen problema tumasmı?" digän.
      Ul mäs'älä härwaqıt bar. Läkin alarnıñ wäkilläre üzläre Kongress qısalarında küçärgä kiräk, digän qararğa kilgännär ide tege waqıtta da, xäzer dä. Min şuşını añladım: bu küçüdän tuqtaw bulırğa tiyeş tügel. Bezneñ ixtıyar, millätneñ ixtıyarı şundıy. Ämma inde andıy tämam kisken räweştä tügel, äkrenläp digändäy. Bu xäl protsess räweşendä barır."
      *****
      Sägit Xäyri, Änkara
      *******

      "Törkiyä awazı" radiosı tapşıruların här kön Törkiyä waqıtı belän säğät 21:00-22:00, Qazan waqıtı belän 22:00-23:00, Ufa waqıtı belän 00:00-01:00-dä 49 metrlı qısqa dulqınnıñ 5955 kHz yışlığınnan tıñlıy alasız.
      "Törkiyä awazı" programması şulay uq Törkiyä waqıtı belän 05:00-06:00, Qazan waqıtı belän 06:00-07:00, Ufa waqıtı belän 08:00-09:00-da internet kompüter çeltäreneñ "www.trt.net.tr" säxifäsennän häm 13 däräcä könçığış yünäleşendä Hotbird-5 iyärçene belän 42 däräcä könçığış yünäleşendä TÜRKSAT 1-C iyärçene aşa TRT-İNT televideniye kanalının tawış yışlığınnan tapşırıla.

      "Törkiyä awazı" adresı:

      TSR Tatarca Masası
      P.K. 333 06443 Yenişehir Ankara Türkiye.
      Fax: +90 (312) 490 9845
      Tel: +90(312) 4904300 4560
      E-mail: tatar@...
    Your message has been successfully submitted and would be delivered to recipients shortly.