Loading ...
Sorry, an error occurred while loading the content.
 

Törqiyadä XVII xalıqara mädäniyat häm sänğat fesivalendä tatarça şiğırlär yañğıradı

Expand Messages
  • Ruşaniya Altay
    Törqiyadä XVII xalıqara mädäniyat häm sänğat fesivalendä tatarça şiğırlär yañğıradı http://tat.tatar-inform.ru/news/mir/2011/07/21/67802/
    Message 1 of 1 , Jul 25 12:36 AM

      Törqiyadä XVII xalıqara mädäniyat häm sänğat fesivalendä tatarça şiğırlär yañğıradı

      Tatar-töreq ğalimäse Çulpan Zaripova Törqiyadä ütqärelä torğan biq qüp mädäni-sänğati çaralarda tatar ädäbiyatın tanıtunı üzeneñ izğe vazifası itep qürä

      (İstanbul, 21 iyul, “Tatar-inform”, Ruşaniya Altay). Cäy ayları -Törqiyadä sänğat festivalläre çorı. Här şähärdä, bistädä tradiçiyağä äylänğän qızıqlı mädäni çaralar oeştırıla. Qüptän tüğel Bayburt şähärendä XVII xalıqara mädäniyat häm sänğat fesivale bulıp uzdı. Töreqlärneñ mäşhür "Qorqut babay" dastanı isemen yörtüçe bu çara Qorqut babaynıñ törbäsenä häm häyqälenä çäçäqlär quyudan başlanıp qitte. Festival açılışı tantanasında Bayburt ğubernatorı Qäräm Al, şähär merı Xaci Ali Polat, Äzerbaycannıñ xalıq deputatı Ğanirä Paşaeva çığış yasadı. Törqiyaneñ törle rayonnarı häm törqi cömhuriyatlärdän qilğän sänğat qolleqtivlarınıñ qonçertı buldı. "Qorqut babay" festivale qısalarında törqi xalıqlarınıñ şiğır bäyräme ütqärelde. Anda Tatarstan poeziyasen Muğla universitetı ğalimäse, şağıyrä Çulpan Zaripova-Çetin täqdim itte. Ul tatarça häm töreqçä yazğan şiğırlären söyläp qürsätte. Şulay uq "Qorqut babaynıñ tormışı häm äsärläre" isemle simpoziumda fänni doqlad belän çığış yasadı. Millättäşebez, Arça töbäğe qızı Çulpan Zaripova-Çetin Törqiyadä tatar ädäbiyatın tanıtuğa zur öleş qertä. Ul Ğayaz İsxaqıy xiqäyalären tärcemä itep, qitap çığardı. Tatar xalqınıñ ğoref-ğadätläre turında töreq telendä näşer itelğän basması aerım ähämiyatqä iya. Büğen ul yazuçı Mirsäy Ämirneñ Ğabdulla Tuqay tormışın yaqtırtqan "Mäñğeleq mäxäbbät" qitabın töreqçäğä tärcemä qılıp, ädäbiyat söyuçelär iğtibarına täqdim itärğä cıena.

    Your message has been successfully submitted and would be delivered to recipients shortly.