Loading ...
Sorry, an error occurred while loading the content.

Böten tatar häm töreq dönyası Ğali Aqışnı y uğaltu qayğısın urtaqlaşa

Expand Messages
  • Ruşaniya Altay
    Böten tatar häm töreq dönyası Ğali Aqışnı yuğaltu qayğısın urtaqlaşa http://tat.tatar-inform.ru/news/mir/2011/07/19/67742/ Tanılğan jurnalist,
    Message 1 of 1 , Jul 25, 2011
    View Source
    • 0 Attachment

      Böten tatar häm töreq dönyası Ğali Aqışnı yuğaltu qayğısın urtaqlaşa

       Tanılğan jurnalist, qüreneqle säyasätçe Ğali Aqışnı qiçä soñğı yulğa ozattılar

      (İstanbul, 19 iyul, “Tatar-inform”, Ruşaniya Altay). Tatar milläteneñ bäysezleğe öçen can atıp yaşäğän 93 ellıq ğomeren yaqtı dönyağa qaldırıp, cir quenına sıendı xalqıbıznıñ aqsaqalı Ğali Aqış. Qiçä Änqaranıñ Ämäq mäçetendä cenaza namazı qılınıp, anıñ belän soñğı qat xuşlaşu ütqärelde. Törqiyadä yaşäüçe millättäşläre, fiqerdäş töreq dusları, tuğannarı, Tatarstan studentları, Tatarstannı Törqiyadä räsmi täqdim itüçe zatlar märxümne izğe doğalar belän Cäbäci Asri ziratındağı mäñğeleq yortına ozattılar. Ğali Aqışnıñ ülem xäbäre tarala başlau belän tatar-töreq matbuğatında törle mäqalälär basıla, internet çeltärendä qayğı urtaqlaşu xatları dönya qürä başladı. Millättäşebezneñ xör fiqerläre, ğamälläre tatar xalqı öçen ğenä tüğel, töreqlär öçen dä qıymmätle mayaq bulğanlığı xäzer nığraq añlaşıla qebeq. Änqara universitetı ğalimäse, "QÖQ" strateğiq tiqşerenülär fondı räise professor Sema Barutçu Özöndär: "İdel-Ural törqiläreneñ bar bulu qöräşenä yul qürsätüçe bulğan, töreq dönyasınıñ uqımışlı zıyalısı Ğali Aqışnı yuğaltunıñ tirän qayğısın qiçeräbez. Ul töreq cihanında azatlıq däğvası yulında yörüçe qeşelärğä qöräşçe sıyfatı belän ürnäq häm mayaq bulıp qüñellärdä yaşäven dävam itäçäq", - dip, eleqtron poçta aşa qayğıbıznı urtaqlaşqan. Qönbatış Traqiya töreqläre oeşması citäqçese Özqan Xösäen ülem xäbären alıp: "Ğali Aqış belän ozaq ellar Almaniyadä aralaşıp yaşädeq, berğä törle çaralar ütqärdeq. Ul tiñe bulmağan qurqusız qöräşçe ide! - dip qayğısın belderğän. Xacättäpä universitetı ğalimäse Saimä Selenğa Ğöqqöznıñ qayğı urtaqlaşu teqstı qüñel toyğıların urınınnan quzğatuçan tösmerdä: " ...Här çor üzeneñ yaş batırların üsterä. Ğali Aqış şundıylarnıñ berse. Anıñ qöräş qoralı - mıltıq, bomba tüğel; timer yöräq, qılıç qebeq ütqen tel häm qaläme. Ul bäysezleq maqsatı yulında hiç tuqtamadı, bireşmäde, dävamlı baş vattı, häväs belän xis itep qöräşte, därtlänep yaşäde. İdel-Ural milli bäysezleq qöräşeneñ äydamanı äsärlären häm fiqerlären añlıyq, fiqer yörtiq vä tirän ixtiram vä räxmät belän baş iiq". Äğäy universitetı professorı, tatar qiyave Mostafa Önär qayğı urtaqlaşu teqstında Ğali Aqış belän bäyle xatirälären telğä qiterğän. "Ğali Aqışnıñ üleme töreq-tatar dönyasın zur qayğığa saldı. Üze belän 1990 ellarnıñ başında tanışqan idem. Tatarlarnıñ säyasi häm mädäni qöräşen ireqle dönyada törle mäqalälär, radio tapşıruları arqılı tanıtu yulında ğomer bue fidaqar xezmät quysa da, biq tıynaq buluı belän soqlandıra ide... Märxüm Ğali Aqış belän soñğı 20 el eçendä töreq-tatar dönyasında ütqärelğän cıelışlarda oçraşu, macaralar tulı tormışı häm täcribälärennän faydalanu mömqinleğenä ireşqän idem", - dip xislären bäyan itqän. Şunısı da qızıqlı: Mostafa Önär belän Ğali Aqışnıñ xäläl cefetläre - Finlyandiya tatarları. Ğali Aqışnıñ üleme mönäsäbäte belän qayğı urtaqlaşuçılar arasında Törqiya tatarlarınnan tış, Ameriqadağı millättäşebez Sabircan Bädretdin, Nyu-Yorqtağı tatar oeşmasınnan Saidä Xaci, Finlyandiyadäğe millättäşebez Xämidä Çaydam, Avstraliya tatarlarınnan İreq Ğarif häm Sufiya Väli qebeq isemnär bar. Tatarstan däüläte isemennän premer-ministr urınbasarı Zilä Välieva häm Bötendönya tatar qonğressı maxsus teleğrammalar yullağan. Märxümneñ señelese Säidä xanımnıñ äytüençä, qayğı urtaqlaşuçılarnıñ sanı qön saen arta bara.

    Your message has been successfully submitted and would be delivered to recipients shortly.