Loading ...
Sorry, an error occurred while loading the content.

Bashqortstanda milletteshlerne ezliler

Expand Messages
  • Sagit Hayri
    Başkortostanda yurt dışına giden ildeşler aranmaktadır. Azatlıq radiosı,
    Message 1 of 1 , Jun 29, 2007
    • 0 Attachment
      Başkortostanda yurt dışına giden ildeşler aranmaktadır.
       
      "Azatlıq radiosı, 29.06.2007
       
      "Yuğalsam da, köt sin mine!": Başqortstanda tuıp üskän millättäşlärne ezlilär

      Xörmätle radío tıñlawçılar! Azatlıq radíosında "Yuğalsam da, köt sin mine!" digän tapşıruı däwam itä. Bu tapşırularda törle illärdä yäşäwçe, yaqınnarın yuğaltqan millättäşlärebezgä ber- bersen tabuda Azatlıq radíosı yärdäm itä.


      Rusiä telewidenieseneñ 1 qanalında barğan " Jdi menyä" tapşıruınıñ Qazandağı wäkile İlgizär Şäräfetdinov Azatlıqnıñ Qazan byurosına kilde. Soñğı könnärdä aña kilgän xatlar arasınnan, Başqortstan respublikasınnan ezläwçelär bik küp möräcäğät itkän ikän. Menä alarnıñ berniçäse:


      Başqortstannan Xösnetdinov Eduardnı ezlilär. Bu ezläw inde 1990 yıllardan uq alıp barıla. Xösnetdinov Eduard, üze ul Başqorststanda tuıp üskän. Häm 1987-88yıllarda Amerika quşma Ştatlarına kitkän bula. Nindi şähärgä kitkäne bilgele tügel. 1993 yılda Başqortstanğa kire äylänep qaytuı bilgele, ämma xäzer qayda yäşäwe bilgesez. Anı, yäğni, Xösnetdinov Eduardnı, Zölfiä Xäbibraxmanowa Ölfät qızı ezli.


      Başqortstannan tağın ber keşene, Xäsän Nurğäli ulı Yülmöxämmätovnı ezlilär. Ul üze Başqortstannıñ Yulıq awılında tuıp üskän. 20-30 yıllarda ul ätise Kärimov Turyän belän Qıtayğa kitkän keşe. Aña ul çaqta 7-13 yäşlär çaması bulğandır. Qalğan balaları änise belän Ğafurí rayonında Yulıq awılında qalğan bulğannar.


      Anı, yäğni, Xäsän Nurğäli ulı Yülmöxämmätovnı ätise yağınnan bertuğan abıysı Hadi İsmäğıyl ulı Yülmöxämmätov ezli.


      Şulay uq Başqortstanda, 1958 yılda tuğan Xösäyenov Robertnı, Bikbulatov Ruslan Xaci ulı ezli. 1976 yılda Xösäyenov Robert Nefteqämskiy şähäreneñ 2 sanlı urta mäktäben tämamlıy. 1982 – 83-tä Ufa şähärendä Medisina universitetın tämamlağan.


      Tağın da Başqortstannan: San -Fransisqoğa yäisä Amerikağa kitkän Yahudína Älfiä Fänil qızın, apası Gäräyewä Ğuzäliä Färğat qızı ezli. Minem ike tuğan apam di, ul, 1995yılda Ämeriqäğä kitkän ide. Ämma min anıñ turında ber xäbär dä işetmim. Ul 1960 yılnıñ 23 augustında tuğan. Anıñ ire Oleg isemle , ulı Ruslan, qızı Jenyä.


      Bu ezläwçelär buldı. Kemnärne ezlägännärne tağın ber tapqır äytep ütäm. Başqortstannan Amerikağa kitkän Xösnetdinov Eduardnı, Ğafurí rayonı Yulıq awılınnan Qıtayğa kitkän Xäsän Nurğäli ulı Yülmöxämmätovnı, Nefteqämskiy şähärennän bulğan qayda buluı bilgesez , Xösäyenov Robertnı, San –Fransisqoğa, yäisä Amerikağa kitkän Yahudína Älfiä Fänil qızın ezlilär .


      Şulay itep tuğannnarın, yaqınnnarın yuğaltqan millättäşlärebez Azatlıq radíosı aşa da mäğlümat işetä ala. Azatlıq radíosınnan işetelgän "Yuğalsam da, köt sin mine!": tapşırularıbıznıñ tekst variantı şulay uq xäzer "Bezneñ gäcit" bitlärendä dä urın alaçaq.


      Ä xäzer şuşı könnärdä ber-bersen tabuçılar turında İlgäzär Şarafutdinovnı tıñlıyq .


      "Qazanda yäşägän ber bala bik küp yıllardan soñ ätisen ezläp taptı. Änise wafat bulğannnan soñ, anıñ başqa ber tuğanı da qalmağan. Änise belän ätise qayçandır ayırılğan bulsalar da, ätisennän başqa iñ qäderle häm iñ yaqın keşese bulmawın belderde", dip äytte İlgäzär Şarafutdinov, häm ul wäkillekneñ adresın, telefonın äytte.


      Tağın ber tapqır qabatlıym wäkillekneñ telefonı 8(843) 2.93.63.00 Qazan Puşkin uramı, 15yort.


      Xörmätle radío tıñlawçılar, Azatlıq radíosında işetelgän "Yuğalsam da, köt sin mine!" tapşıruın radíonıñ internettağı säxifäsennän dä tabıp bula. İnternettağı säxifäneñ adresı www.azatliq.org


      Dönya cimerelsä dä, ber- beregezne ezläp tabu ömetennän özelmägez, ezläwdän tuqtamağız.


      Azatlıq radíosı, Mälikä Basıyr, Qazan

    Your message has been successfully submitted and would be delivered to recipients shortly.