Loading ...
Sorry, an error occurred while loading the content.

LA VORTOJ DE JESUO KRISTO SUR LA KRUCO (Parto 1)

Expand Messages
  • Bayo Afolaranmi
    Estimataj, LA VORTOJ DE JESUO KRISTO SUR LA KRUCO (Parto 1) Dum la sekvantaj sep semajnoj, ni diskutos pri la LA VORTOJ DE JESUO KRISTO SUR LA KRUCO - la
    Message 1 of 1 , Mar 5 9:11 AM
    • 0 Attachment
      Estimataj,
      LA VORTOJ DE JESUO KRISTO SUR LA KRUCO (Parto 1)
      Dum la sekvantaj sep semajnoj, ni diskutos pri la LA VORTOJ DE JESUO KRISTO SUR LA KRUCO - la signifoj kaj aplikoj por ni nuntempe. La kleruloj pri la Sankta Biblio ne konsentas pri la sinsekva arangxo de cxi tiuj deklaroj, tamen, ni sekvu unu el la eblaj arangxoj.
      "Kaj Jesuo diris: Patro, pardonu ilin; cxar ili ne scias, kion ili faras" (Luko 23:34).
      Cxi tiu deklaro estas la plenumo de la profetajxo en Jesaja 53:12, "Tial Mi donos al li multajn kiel lian parton, kaj la potenculojn li dividos kiel akiron; pro tio, ke li elmetis sian animon al la morto kaj estis alkalkulita al krimuloj, dum li portis sur si la pekon de multaj KAJ PETIS POR LA KRIMULOJ." Jesuo Kristo diris cxi tiun pregxon por tiuj kiuj estis kulpaj pri Lia mortigo. Cxu Li aludis la "Judojn" au "la Romajn soldatojn" au ambau ilin, oni ne povas diri. Efektive, la Romaj soldatoj ne sciis tion kion ili faris; por ili, ili nur obeis la ordonon de siaj estroj. Tamen, la Judoj sciis ke Li estas senkulpa. Ili konspiris kontrau Li el jxaluzo ke Li asertis esti la promesita Mesio. Tamen, se ili scius ke Li estas la Mesio, kaj ke Li finfine levigxos de la mortintoj je la tria tago kiel Li antaudiris, ili ne krucumus Lin. Paulo atestis cxi tion en 1 Korintanoj 2:8, "Kaj kiun scias neniu el la regantoj de cxi tiu mondo; cxar se ili gxin scius, ili ne krucumus la Sinjoron de gloro." Signifas ke nek la Romaj soldatoj kiuj ekzekutis Lin nek la Judoj kiuj instigis la ekzekuton reale sciis tion kion ili faris - tial la deklaro.
      La deklaro havas multajn aplikojn por ni nuntempe. Jesuo Kristo montris Sian instruon ke ni devas pregxi por niaj malamikoj, ecx dum ili penas vundi nin (Mateo 5:43-48; Luko 6:27-36). Paulo kaj Petro ankau konfirmis cxi tion en Romanoj 12:17-21 kaj 1 Petro 3:9. Cxi tio distingas Kristanismon de cxiuj aliaj religioj, cxar neniu alia religio instruas al homoj pregxi por la pardono al malamikoj. Homoj de la mondo trovas vengxon, sed la kristano eltenas riprocxon kaj persekutojn per pacienco, kaj pregxas ke Dio pardonu tiujn kiuj vundas ilin, kaj savu ilin de iliaj pekoj. Stefano sekvis cxi tiun instruon kiam li pregxis por tiuj kiuj sxtonmortigis lin (Agoj 7:60).
      Cxu vi povas pregxi por viaj malamikoj, precipe tiuj pri kiuj estas evidente ke ili penas vundi vin? Cxu vi scias ke ili plenumas la celon de Dio en via vivo? Pregxu por viaj malamikoj cxar ili ne scias tion kion ili faras.
      Je la servo de Dio,
      Bayo Afolaranmi (Pastoro).
      PS
      Sendu viajn komentojn kaj rimarkojn pri cxi tiu seria studo rekte al mi au kopiu min cxe spiritualdigest@.... Dio benu vin!!!


      Relax. Yahoo! Mail virus scanning helps detect nasty viruses!
    Your message has been successfully submitted and would be delivered to recipients shortly.