Loading ...
Sorry, an error occurred while loading the content.

رحله مع الأيتام مجاناً

Expand Messages
  • Tamer Magdi
    السلام عليكم ورحمة الله وبركاته... أخواتى وأخوانى الأعزاء... الزمان......الجمعه القادمه
    Message 1 of 1 , Apr 5, 2004
    • 0 Attachment
      السلام عليكم ورحمة الله وبركاته...
      أخواتى وأخوانى الأعزاء...
       
      الزمان......الجمعه القادمه
      المكان.....الحديقه الدوليه
      التكلفه.....صفر
      الهدف......إرضاء الله سبحانه وتعالى
       
      إنشاء الله يوم الجمعه القادم هنخرج مع أولاد جمعية إنقاذ الطفوله وهنروح بيهم للحديقه الدوليه فى مدينة نصر. الدعوه عامه للجميع. والدعوه مجانيه يعنى مش مطلوب منك أى إشتراكات أو تبرعات ولا حتى مطلوب إنك تجيب أى حاجه معاك للأولاد. كل اللى مطلوب منك إنك تيجى ويكون عندك إستعداد إنك تستمتع بوقتك مع الأولاد تلعب وتتكلم معاهم. هو ده اللى مطلوب منك.
       
      بالتفصيل :-
      المكان ومكان التجمع...
      مكان الرحله هو الحديقه الدوليه بمدينة نصر بالتحديد فى أخر شارع عباس العقاد. وإنشاء الله كلنا هنتجمع عند الباب الرئيسى للحديقه الدوليه.
      الزمان...
      الجمعه القادمه 9 أبريل 2004 الساعه 10 صباحاً أمام الباب الرئيسى للحديقه الدوليه.
      التكلفه...
      مش مطلوب منك اى تكاليف غير إنك هتدفع تذكرة الدخول لنفسك وثمنها جنيه واحد فقط لاغير. وطبعاً أكلك إنت حر فيه عاوز تجيب أكلك معاك أو عاوز تشترى أكل من بره أو مش عاوز تاكل أصلاً إنت حر. إحنا إنشاء الله عاملين حسابنا فى أكل الأولاد وبس.
      الأولاد منين؟...
      الأولاد اللى هييجوا معانا هما أولاد المرحله الإبتدائيه بجمعية إنقاذ الطفوله اللى فى شارع جسر السويس. عددهم حاجه وتلاتين ولد بالإضافه لأربع مشرفات معاهم. وإحتمال كبير إنشاء الله إننا ناخد معانا 9 أولاد من جمعية المدينه المنوره اللى فى شارع مكرم عبيد ودول أعمارهم ماقبل الإبتدائى وقولوا يارب إننا كمان نقدر ناخد 9 أولاد تانيين أيتام ومعاقين من جمعية الفردوس اللى فوق محل شاورمة أبو مازن فى شارع مصطفى النحاس. كله خير إنشاء الله وربنا يوفقنا.
      المدعوين...
      1- الناس اللى كانت أو مازالت بتذاكر للأولاد بتوع جمعية إنقاذ الطفوله.
      2-أعضاء أسرة المنار "هندسة عين شمس" ومجموعة المنار.
      3- أعضاء صحبة خير.
      4-البراق.
      5-رساله.
      6-VolunteerEgypt
      7-أى حد مهتم بعمل الخير أو حابب إنه يقضى وقت فى مكان أخضر ومفتوح مع أولاد أيتام محتاجين إنهم يخرجوا ويشموا هواء نقى ويشوفوا ناس ويلعبوا ويتكلموا معاهم.
      يعنى بإختصار يا جماعه الدعوه عامه ومفتوحه للجميع.
      وسيلة الإتصال...
      إنشاء الله مفيش إحتياج لأنكم تتعبوا و تتصلوا بيا لأن الدعوه زى ماقلتلكم مفتوحه ومكان التجمع هو نفسه المكان اللى هنتفسح فيه. لكن لو "لا قدر الله" إتأخرت علينا ومعرفتش توصل لباب الحديقه الدوليه الساعه 10 ومش عارف توصلنا. إتصل بيا على الموبايل وهقولك إحنا فين. وطبعاً لو فيه أى إستفسار أهلاً وسهلاً بإتصالتكم. رقم الموبايل 0105038632 تــامــر مــجـدى.
       
      مش عارف! حاسس كده إننا شرحت الموضوع بالتفاصيل وكررتها أكتر من مره بشكل ممل. يبقى كده كفايه ونشوفكم إنشاء الله على خير يوم الجمعه القادم 9 إبريل الساعه 10 صباحاً أمام الباب الرئيسى للحديقه الدوليه أخر شارع عباس العقاد. وأهلاً وسهلاً بيك وبأسرتك وأصدفائك وزمايلك وأى حد مهتم بالخير.
       
      تــــامـــر مــجــدى
      0105038632
       
      والسلام عليكم ورحمة الله وبركاته...
    Your message has been successfully submitted and would be delivered to recipients shortly.