Loading ...
Sorry, an error occurred while loading the content.

I Calpa Amontilyaarova (taina)

Expand Messages
  • quildarener
    Anwa, *nanquenten, i Amontilyaaro. Ve quenten quettar sine mootanen imiica i hahta axoron pa ya epe equeetien. Haatila te satya noomesse rato *velupantanen
    Message 1 of 2 , Nov 5, 2005
    • 0 Attachment
      "Anwa," *nanquenten, "i Amontilyaaro."
      Ve quenten quettar sine mootanen imiica i hahta axoron pa ya epe
      equeetien. Haatila te satya noomesse rato *velupantanen uuve *ataquea
      ondo ar *ondohimbeo. *Yuhtala erma sina ar *sampallenya yestanen alta
      tuoorinen tapa rambanen i *mittie i unqueo.
      Sintave apa caitanen i minya tyelle *ondosseo tuunen sa i
      *mirunquie Fortunaato nee alta lestanen yerna (/avanwa). I minya tanna
      sino ya tuuven nee hunda *n(g)ona i suumallo i unqueo. Uumes i (g)nona
      *mirunquamo. San enge taryalanca quilde. Caitanen i attea tyelle ar i
      neldea ar i cantea; ar san hlarnen i verca pampile i limilo. I
      n(g)alme termaare ter *rimbavie *luumetixi, yassen, lastienes altaina
      alassinen, hautanen moota ar sooren i axonnar. Iire teelimave i
      calongale fifir(u)ne *emmampen i *sampalle ar telyanen *uupustula i
      lempea ar i enquea ar i otsea tyelle. I ramba siin enge *tangeve tenna
      i *honcolcanya. Ata pustanen, ar heepila i liicuma or i *ondosse,
      hanten *uurimbe neece alcar i taaqua mityanna.
      Teema alte yaamaron tereve ruuvula *alapacennave i lancollo i
      liimina *canto seeyane *nannirne nye *naracave. Ter sinta *luumetixe
      pustanen; pampinen. *Ettucila macilenya, yestanen *ostenya sinanen mii
      ondosuuma, mal sanwe *iitassea nye *entancane. Caitanen maanya i
      rungwa ermanna i *catacamboron, ar tentinen tiutaina. Entuulen i
      rambanna. *Nanquenten i yaamannar i queno i n(g)alle. *Nallamyanen--
      restanen--*orhallanen te tuuressen. Carnen sina ar i n(g)alle qualde.
      Nes siin *loomende, ar mootanya tunce mettanna. Telyanen i toltea,
      i nertea ar i cantea tyelle. *Terquanten *cirma i *minquea teldoye;
      lemba nee we mine sar *mipanien *rambalaivinen. Mahtanen yo lungierya;
      caitanenes *cirm(e)ave martyaina meneryasse. Mal sii tuule et i
      unquello *nuunya *lalie ya ortane i findi casenyo. Hilyane *nimba ooma
      ya er *mootalinen sinten ve i ooma i arquen(o) Fortunaato. I ooma
      quente--
      "Ha!ha!ha! He!he! *Ammaara *finte anwave--alcarinqua yaiwea carma.
      Laluvamme pas *uuvea ar *rimbave i turiondesse--he!he!he!--or mirumma.
      He!he!he!"
      "I Amontilyaaro!" equen.
      "He!he!he! Tancave, i Amontilyaaro. Mal ma umes telwa? Ma laa
      *laruvante met i turiondesse, i Heri Fortunaato ar i lembar? A
      autamme!"
      "Anwave," equen, "a autamme!"
      "I melmen Eruo, *Monteressor!"
      "Anwave," equen, "i melmen Eruo!"
      Mal quettar sinnannar lastanen uunaten *nanquenta. *Uucolemainave
      yallen alta oomanen.
      "Fortunaato!"
      Uume *nanquenta. Ata yallen:
      "Fortunaato!"
      Voro uume *nanquenta. Nirnen i liicuma ter i lemba assa ar laavenes
      lanta mitta,; *ettuule nanqueetila er cilincele. Oorenya nee laiwa--i
      *niitiello i *catacamboron. Tyelcave tyelyainen *mootanya. *Mauyanen i
      telda sar mir menerya. Tompenes *rambalaivinen. Or i vinya *ondosse
      *enortanen i yaara *peloore axoron. Ter perina haranye laa firimo te
      *atarastie. Nai seeresse quilduvas!
    • quildarener
      ... Probably better *nanquetta after Sindarin dangweth.
      Message 2 of 2 , Nov 12, 2005
      • 0 Attachment
        > Mal quettar sinannar lastanen uunaten *nanquenta. *Uucolemainave
        > yallen alta oomanen.
        > "Fortunaato!"
        > Uume *nanquenta. Ata yallen:
        > "Fortunaato!"
        > Voro uume *nanquenta.

        Probably better *nanquetta after Sindarin dangweth.
      Your message has been successfully submitted and would be delivered to recipients shortly.