Loading ...
Sorry, an error occurred while loading the content.
 

La Ondo fermis la jaron

Expand Messages
  • La Ondo de Esperanto
    Du gravaj primovadaj artikoloj estas presitaj en la decembra kajero de “La Ondo de Esperanto”, kiun jam ricevis pluraj abonantoj. La titolo de la unua,
    Message 1 of 1 , Dec 2, 2010
      Du gravaj primovadaj artikoloj estas presitaj en la decembra kajero de “La
      Ondo de Esperanto”, kiun jam ricevis pluraj abonantoj. La titolo de la unua,
      “Subeniro kaj falo de UEA” de Renato Corsetti parolas per si mem; kaj
      Zbigniew Galor en “Kiel esperantistoj perdas sian komunumon” analizas la t.
      n. “polan internan militon” kaj konkludas, ke ĝi “nek reduktiĝas al la
      pollanda aspekto, nek la pollanda aspekto estas la plej grava”.

      En la movada sekcio “Eventoj” oni povas legi multajn informojn pri la
      esperantista agado en pluraj landoj, interalie, pri sukcesa lingva festivalo
      en Ĉuvaŝio, kiu estas videbla sur la kovropaĝo. La sekcio “Tribuno” entenas,
      interalie, komentarion de Dafydd ab Iago pri la decido de la Eŭropa
      Komisiono ne plu financi la asocion NPLD kiu defendas la minoritatajn
      lingvojn en Eŭropo, kaj artikolo pri interreta lingvolernado.

      Decembro estas Zamenhofa monato, kaj ĉi-okaze estas publikigata forgesita
      teksto de D-ro Esperanto. Al ĉi tiu temo rilatas ankaŭ la recenzo de Carlo
      Minnaja pri la biografia skizo “Zamenhof” de Aleksander Korĵenkov. Alia
      dato, al kiu “La Ondo de Esperanto” donas atenton, estas la centjariĝo de la
      planlingvo Omo: Halina Gorecka prezentas ampleksan eseon pri Omo kaj pri ĝia
      aŭtoro Vladimir Vengerov.

      En la kultura sekcio de la decembra “Ondo” estas tri poemoj de la rusa
      klasikulo Nikolaj Nekrasov en la traduko de Valentin Melnikov; prezento de
      la romano de Trevor Steele “Sed nur fragmento” (fare de István Ertl);
      intervjuo kun la Novjorka eldonisto Ulrich Becker; artikoleto pri omaĝo al
      Clarence Bicknell kaj bibliografiaj informoj. En la fino estas “Mozaiko” kaj
      “Fotoraportoj”.

      Per ĉi tiu kajero “La Ondo” fermis sian dudekan eldonjaron.

      Pluraj tekstoj el la decembra “Ondo” estas legeblaj en la retejo
      http://www.esperanto.org/Ondo/ (musklaku la titolbildon en la centro).

      “La Ondo de Esperanto” estas redaktata en Kaliningrado (Ruslando) kaj
      presata en Olsztyn (Pollando). Ĝi estas abonebla por 2011 ĉe landaj perantoj
      kaj ĉe la libroservo de UEA kontraŭ 38 eŭroj (kun rabatoj por la
      orienteŭropaj, ekssovetuniaj kaj triamondaj landoj). Ekde ĉi tiu jaro oni
      povas pagi ankaŭ per la internacia sistemo PayPal.

      La elektronika versio (“pdf”) de “La Ondo” estas abonebla por la tuta jaro
      kontraŭ 12 eŭroj.

      [La Balta Ondo]
    Your message has been successfully submitted and would be delivered to recipients shortly.