Loading ...
Sorry, an error occurred while loading the content.

Kelki novetus de aprile 2010

Expand Messages
  • gabriel_svoboda
    Kar novialistes, men kustome es tu skripte novetus in lingue kel me lerna por praktisa lum. In Novial disum non es desfasil, pro ke me ja have experientie pri
    Message 1 of 20 , May 1, 2010
    • 0 Attachment
      Kar novialistes,
      men kustome es tu skripte novetus in lingue kel me lerna por praktisa lum. In Novial disum non es desfasil, pro ke me ja have experientie pri altri lingues konstruktet, tamen me ha nulitem anteu skripte ulum in Novial e pro tum men skriptione es probabli tu kontena erores. Si vus helpa me tu korektisa lus, me sal joya!

      FRO LI MONDE NOV
      - 3mi de aprile 2010: Durant visitatione ofisial de Venesuela, li presidanto de Russia Dmitriy Medvedev ha renkontra multi politikeres Venesuelan, inklusent li presidanto Hugo Chávez. Los ha signata kelki kontrates pri kooperatione ekonom, provisione de gase, vendo de armes fro Russia e konstruktione de produkterie de elektreso nuklear.

      FRO SUD-VEST-ASIA E AFRIKA
      - 5mi de aprile 2010: Pirates fro Somalia ha rapta shipe giganti "Samho Dream" portant tri sent mil tunes de petrolie in li Oseane Indian proxim li rive de India. Li shipe de origine Sud-Korean esed plen e transportad petrolie fro Irak en li States Unionat de Amerika. Non es klar, ob li States Unionat de Amerika ha paga pro li petrolie o ob lum ha bli furta dal armee okupant Irak. Li bande kontenad 5 membres fro Sud-Korea e 19 fro li Filipines.

      FRO SUD-EST-ASIA
      - 7mi de aprile 2010: Movo submari forti de tere ha eventa in li provinse de Aceh, nord-Indonesia. Li movo de tere ha have forteso 7.7 gradus del skale de Richter e ha kausa nek damaje grandi ni tsunami.

      FRO SUD-EST-EUROPE*
      - 10mi de aprile 2010: Avie Tu-154 abordantitem portu aeral militar in Smolensk, vest-Russia, ha fala, kolise arbres e brula. Li avie volad fro Warszawa por memora, ke 7O yares ha dura depos li masakro de Katin. Li avie portad li presidanto de Polonia Lech Kaczyñski, lon marita, chefe del armee, chefe del banke sentral, membres del parlamente, historiistes distinguit e multi ofisiistes alti de Polonia - in sume 96 homes. Nules ha transviva. Presidanto de parlamente Bronis³aw Komorowski ek lege ha deveni li presidanto aktent de Polonia. Lech Wa³êsa ha noma tum "li duesmi disastre after Katin ... Dar les had voli seka nusen kape e nun dar li flore de nusen natione ha ri desapari." Li viseoratoro del ministerie de aferes extri Piotr Paszkowski ha dikte "ulum simil ha nulitem afekta Polonia". Li ministro prim Donald Tusk ha deklara lum "li evente maxim trag in li historie de Polonia after li milite" e ha anuntia, ke lo saled vola en li loke del falo. Polones montra sen tristeso pri li evente per flages ye duime de maste. Dukteres de states fro li tot munde deklara sen dolore a Polones. Polonia, Lituania, Brasilia, Chekhia, Germania, Slovakia, Hungaria, Latvia, Ukraina, Kroatia, Moldova, Serbia, Estonia, Rumania, Russia, Turkia, Georgia, Spania e Kanada ha deklara tristeso national. Li kause del katastrofe sembla es od neble, o piloten erore, o poves lingue: li latere polonese plenda, ke li depechistes russ non savad bonimen anglum, durant ke li depechistes russ plenda, ke li pilotes polon non savad bonimen russum.

      FRO LI STATES UNIONAT DE AMERIKA
      - 13mi de aprile 2010: Renkontro pri Sekureso Nuklear, kelem ha partisipa representantes de preske sinkanti states, ha eventa in Washington. Russia e li States Unionat de Amerika ha promise destrukte 34 tunes de plutonium de qualitate militar, ek kel 17 mil armes nuklear esud produktebli. Russia ha anke anuntia, ke lum sal klosa li reaktore nuklear in Shelesnogorsk, teritorie de Krasnoyarsk, sentral Russia, kel produkte plutonium. Li renkontro ha bli initia dal presidanto del States Unionat de Amerika Barack Obama e lum es li renkontro international maxim grandi organisat dal States Unionat de Amerika depos li yare 1945. Li representantes ha bli konsiosifika hororisivimen pri li danjerum, ke materie nuclear vud fala en manus mal. Li presidanto de Georgia Mikheil Saakashvili ha dikte, ke lon regno in li mensu lasti had prevente probatione tu venda uranium altimen richisat in li merkate nigri. Li presidanto del Populen Republike de China Hu Jintao ha renkontra Barack Obama por diskuse li programe nuklear de Iran.

      FRO EST-ASIA
      - 14mi de aprile 2010: Movo forti de tere de forteso 6.9 gradus del skale de Richter ha eventa in li prefekture autonomi de Yushu, provinse de Chinghai, nord-vest-China. Malgre ke li movo de tere ha eventa in area apene habitat de China, plu kam du mil homes ha bli tua e plu kam dek mil homes ha bli lese. Raportes indika, ke six movos ha eventa in sume. Laboros tu salva li viktimes es desfasil pro li loke montosi del movo de tere.

      FRO NORD-VEST-EUROPE*
      - 20mi de aprile 2010: After li krise finansal, Europe* ja depos un semane es afektat da un krise sineral. Sinere fro li volkane Eyjafjallajökull, sud-Islande, ha paralisa trafike aeral European* e ha kausa problemes gigant a ekonomia European*. Li Organisatione International de Transportatione Aeral ha anuntia, ke pro li krise sineral firmas aeral sal perda plu multi pekunie kam lus did after li atakos da teroristes in li 11mi de septembre 2001. Li situatione ha ja produkte kelki jokos:
      1. Segun li kalendre de Mayas, li volkane sal stopa tam bald kam un duime de Europe sal ha pronuntia lun nome korektimen.
      2. "Eyjafjallajökull" es expresione Islandan por "vu sal dormi in li portu aeral".
      3. Eruptione del volkane Eyjafjallajökull eventa nur dufoy in un yare - depos aprile til septembre e depos oktobre til marte.
      4. Li desiro lasti del ekonomia de Islande ha es tu disperse lun sinere tra Europe*.
      5. Islandanes sal stopa li volkane tam bald kam li monde sal ha pardona lesen debatum.

      Remarkos pri lingue:
      - Me non ha trova vordes por E "ash" e E "to fly", pro tum me ha "invente" li vordes "sinere" e "vola". Ob me ha fa justimen?
      - Me kreda, ke li nome maxim international por li kontinente ansien non es Europa, Europan, ma Europe, European. Si nus regarda nur li substantive, men idee sembla es falsi: E Europe, F Europe, omni altri lingues have "Europa" o simil. Ma nus mey regarda li adjektive: D europä-isch, E Europe-an, F europé-en, I europe-o, L Europae-us, P europe-u, Po europej-ski, R yevropey-skiy, S europe-o, Sc europei-sk. Li radike veri dunke es "Europe".

      Remarkos pri faktus:
      - Poves vus sal trova, ke li novetus es kolorat per ideologia. (Exemplim li satse: "Non es klar, ob li States Unionat de Amerika ha paga pro li petrolie o ob lum ha bli furta dal armee okupant Irak.") Disum non signifika, ke me self vud opine talim, o ke me volud, ke vus mey opine talim. Me nur pensa, ke pove kelkitem es interesant tu konosa li opiniones del altri latere.
      - Por informa egalimen pri omni partes del monde, me ha divise li monde en set regiones talim, ke chaki regione kontena sirkimen li sam sume de richum (GDP). Li karte es in disi adrese: http://img30.imageshack.us/img30/1206/gdp2009.png
    • James Chandler
      Kar Gabriel Svoboda, ... ash = Ido cindro, pove es nur sindre in Novial: http://omegawiki.org/Expression:sindre?dataset=uw fly = vola in Novial:
      Message 2 of 20 , May 1, 2010
      • 0 Attachment
        Kar Gabriel Svoboda,

        > Remarkos pri lingue:
        > - Me non ha trova vordes por E "ash" e E "to fly", pro tum me ha "invente" li vordes "sinere" e "vola". Ob me ha fa justimen?


        "ash" = Ido cindro, pove es nur sindre in Novial:

        http://omegawiki.org/Expression:sindre?dataset=uw

        "fly" = vola in Novial:

        http://interlanguages.net/PN.html

        vola F voler (comme un oiseau), E fly, D fliegen.


        > - Me kreda, ke li nome maxim international por li kontinente ansien non es Europa, Europan, ma Europe, European. Si nus regarda nur li substantive, men idee sembla es falsi: E Europe, F Europe, omni altri lingues have "Europa" o simil. Ma nus mey regarda li adjektive: D europä-isch, E Europe-an, F europé-en, I europe-o, L Europae-us, P europe-u, Po europej-ski, R yevropey-skiy, S europe-o, Sc europei-sk. Li radike veri dunke es "Europe".

        Si nus deriva fro li adjektive, ti-kas quum vud es li substantive?:

        europe/i -> Europeia ??


        Kordialim







        _________________________________________________________________
        http://clk.atdmt.com/UKM/go/195013117/direct/01/
      • Kjell Rehnstr?öm
        ... O eventualim on pove pensa pri li euroapan lingues quel have ciner. incinerate etc. Me suposa ke * sindre es un fransisme. In tali kasu on havud: sinere,
        Message 3 of 20 , May 1, 2010
        • 0 Attachment
          James Chandler skrev:
          >
          >
          >
          > Kar Gabriel Svoboda,
          >
          > > Remarkos pri lingue:
          > > - Me non ha trova vordes por E "ash" e E "to fly", pro tum me ha
          > "invente" li vordes "sinere" e "vola". Ob me ha fa justimen?
          >
          >
          > "ash" = Ido cindro, pove es nur sindre in Novial:
          >
          O eventualim on pove pensa pri li euroapan lingues quel have ciner.
          incinerate etc. Me suposa ke *"sindre" es un fransisme. In tali kasu on
          havud: sinere, eventualim "insinera", sinerisa? e *sineriso (anglim
          incineration).

          Pri Europa li vorde es traktat taliman quam Italia - Italian.

          Faktim solim anglum e fransum usa Europe. Omni altri lingues ha Europa.

          Amikim

          Kjell R
        • gabriel_svoboda
          Kar James Chandler, me danka pro vun respondo, me non ha konosa disi fontes del vordaro de Novial. Me had usa nur li Novial Lexike. ... Li adjektive esud non
          Message 4 of 20 , May 2, 2010
          • 0 Attachment
            Kar James Chandler,

            me danka pro vun respondo, me non ha konosa disi fontes del vordaro de Novial. Me had usa nur li Novial Lexike.

            > Si nus deriva fro li adjektive, ti-kas quum vud es li substantive?:
            >
            > europe/i -> Europeia ??

            Li adjektive esud non Europe-i, ma Europe-an-i (samim qualim nus non dikte Japon-i, ma Japon-an-i, e non Iran-i, ma Iran-an-i). Li substantive esud Europe (similiman a vordes qualim tabu, kafe, ...).

            Europe > Europe-an-i
            Japon > Japon-an-i
            Iran > Iran-an-i

            Amikalim
          • Donald Gasper
            Gabriel, Insted paga pro li petrolie , simplim paga li petrolie . [ Paga = (be)zahlen, segun li Novial Lexike.] ... Me opine ke li nome del lande in
            Message 5 of 20 , May 2, 2010
            • 0 Attachment
              Gabriel,

              Insted 'paga pro li petrolie', simplim 'paga li petrolie'. ['Paga' = (be)zahlen, segun li Novial Lexike.]

              >
              > FRO SUD-VEST-ASIA E AFRIKA
              > - 5mi de aprile 2010: Pirates fro Somalia ha rapta shipe giganti "Samho Dream" portant tri sent mil tunes de petrolie in li Oseane Indian proxim li rive de India. Li shipe de origine Sud-Korean esed plen e transportad petrolie fro Irak en li States Unionat de Amerika. Non es klar, ob li States Unionat de Amerika ha paga pro li petrolie o ob lum ha bli furta dal armee okupant Irak. Li bande kontenad 5 membres fro Sud-Korea e 19 fro li Filipines.
              >


              Me opine ke li nome del lande in Kaukasia es Grusia. Georgia es un parte del Usa.

               > 
              Polonia, Lituania, Brasilia, Chekhia, Germania, Slovakia, Hungaria, Latvia, 
              Ukraina, Kroatia, Moldova, Serbia, Estonia, Rumania, Russia, Turkia, Georgia,
              Spania e Kanada ha deklara tristeso national.


              Donald


              Hotmail: Trusted email with Microsoft’s powerful SPAM protection. Sign up now.
            • gabriel_svoboda
              ... Idea bon, kar Kjell! Me non ha konosa li vorde incineration anteu. Si me sava boniman, Jespersen verim sempre volid, ke li vordaro es kompromise inter
              Message 6 of 20 , May 2, 2010
              • 0 Attachment
                > O eventualim on pove pensa pri li euroapan lingues quel have ciner.
                > incinerate etc. Me suposa ke *"sindre" es un fransisme. In tali kasu on
                > havud: sinere, eventualim "insinera", sinerisa? e *sineriso (anglim
                > incineration).

                Idea bon, kar Kjell! Me non ha konosa li vorde "incineration" anteu. Si me sava boniman, Jespersen verim sempre volid, ke li vordaro es kompromise inter lingues romanik e germanik. Li vorde germanik *ashe nuliman es presenti in lingues romanik, ma germanikes povud konosa li vorde romanik *sinere fro "incineration". Li vorde *sinere ya have anke altri formes romanik (*sendre, *sindre, *senere, *senise, *sinse, ...), ma *sinere povud es li maxim international, pro ke lum es li sol forme kelem anke germanikes povud konosa.

                Ma li anteum es nur hipotese. Me have nul probleme pri sindre, kel - per http://omegawiki.org/Expression:sindre?dataset=uw - ja es vorde in Novial.

                > Pri Europa li vorde es traktat taliman quam Italia - Italian.

                Ma "Italian" es vorde natural, existant in multi lingues. "Europan" kontru non es vorde natural, li vorde natural es "European".

                > Faktim solim anglum e fransum usa Europe. Omni altri lingues ha Europa.

                Ma nul lingue have "Europan" (aminim nul ek li lingues kel Jespersen konsiderad); omni lingues have "European" (o similum).

                Ergo, si nus usa "Europa" e "Europan", un ek li vordes es artifisial e non international.

                Kontru, si nus usa "Europe" e "European", ambi vordes exista in lingues natural. "Europe" verim es plu rari, ma lum exista (kontru al vorde "Europan", kel non exista in lingues natural).

                Maxim natural esud "Europa" e "European", ma to esud non-regular. Ek li du pares regular - "Europa"/"Europan" e "Europe"/"European" - nur "Europe"/"European" es et natural e regular.

                Kordialim

                Gabriel
              • gabriel_svoboda
                Kar Donald, yes, paga li petrolie es plu bon kam paga pro li petrolie . Sankti simpleso. :-) E Grusia verim es plu bon kam Georgia, qualim in Ido. Dankant
                Message 7 of 20 , May 2, 2010
                • 0 Attachment
                  Kar Donald,

                  yes, "paga li petrolie" es plu bon kam "paga pro li petrolie". Sankti simpleso. :-) E Grusia verim es plu bon kam Georgia, qualim in Ido.

                  Dankant

                  Gabriel
                • Kjell Rehnstr?öm
                  ... Donald, li esperantistes usa Kartvelio , ob tum es li original vorde? Poves on devud dir Kartvelia? O quum? Amikim Kjell R
                  Message 8 of 20 , May 2, 2010
                  • 0 Attachment
                    Donald Gasper skrev:
                    >
                    >
                    > Gabriel,
                    >
                    > Insted 'paga pro li petrolie', simplim 'paga li petrolie'. ['Paga' =
                    > (be)zahlen, segun li Novial Lexike.]
                    >
                    > >
                    > > FRO SUD-VEST-ASIA E AFRIKA
                    > > - 5mi de aprile 2010: Pirates fro Somalia ha rapta shipe giganti
                    > "Samho Dream" portant tri sent mil tunes de petrolie in li Oseane
                    > Indian proxim li rive de India. Li shipe de origine Sud-Korean esed
                    > plen e transportad petrolie fro Irak en li States Unionat de Amerika.
                    > Non es klar, ob li States Unionat de Amerika ha paga pro li petrolie o
                    > ob lum ha bli furta dal armee okupant Irak. Li bande kontenad 5
                    > membres fro Sud-Korea e 19 fro li Filipines.
                    > >
                    >
                    >
                    > Me opine ke li nome del lande in Kaukasia es Grusia. Georgia es un
                    > parte del Usa.
                    >
                    Donald, li esperantistes usa "Kartvelio", ob tum es li original vorde?
                    Poves on devud dir Kartvelia? O quum?

                    Amikim

                    Kjell R
                  • Donald Gasper
                    Yes, Kartvelia vud es simili al nome in grusianum. Ma Novial prenda li formes international, e non nesesim tis del lingue self, p.ex, Germania e non
                    Message 9 of 20 , May 2, 2010
                    • 0 Attachment
                      Yes, "Kartvelia" vud es simili al nome in grusianum. Ma Novial prenda li formes international, e non nesesim tis del lingue self, p.ex, "Germania" e non "Deutschia".

                      Kjell skripte:
                      > >
                      > Donald, li esperantistes usa "Kartvelio", ob tum es li original vorde?
                      > Poves on devud dir Kartvelia? O quum?



                      Hotmail: Trusted email with Microsoft’s powerful SPAM protection. Sign up now.
                    • nov_ialiste
                      ... Novialim li adjektive generalim es ante li substantive. Exemplim: altri kontruktet lingues. Salutos, nov_ialiste
                      Message 10 of 20 , May 3, 2010
                      • 0 Attachment
                        --- In novial-discussion@yahoogroups.com, "gabriel_svoboda" <svoboda.gabriel@...> wrote:
                        >
                        > Kar novialistes,
                        > men kustome es tu skripte novetus in lingue kel me lerna por praktisa lum. In Novial disum non es desfasil, pro ke me ja have experientie pri altri lingues konstruktet, tamen me ha nulitem anteu skripte ulum in Novial e pro tum men skriptione es probabli tu kontena erores. Si vus helpa me tu korektisa lus, me sal joya!
                        >
                        > FRO LI MONDE NOV

                        Novialim li adjektive generalim es ante li substantive.

                        Exemplim: altri kontruktet lingues.

                        Salutos,

                        nov_ialiste
                      • Bruce R.Gilson
                        ... This is, as he said, _generally_ true. And this is to be expected because Novial syntax is, by and large, derived from English syntax. But I know of no
                        Message 11 of 20 , May 3, 2010
                        • 0 Attachment
                          --- In novial-discussion@yahoogroups.com, "nov_ialiste" <nov_ialiste@...> wrote:

                          >[...]

                          > Novialim li adjektive generalim es ante li substantive.

                          > Exemplim: altri kontruktet lingues.

                          This is, as he said, _generally_ true. And this is to be expected because Novial syntax is, by and large, derived from English syntax. But I know of no place, in AIL or elsewhere, where Jespersen _outright_forbids_ the reverse order.
                        • Bruce R.Gilson
                          ... This is, as he says, _generally_ true. And this is to be expected becayse Novial syntax is basically derived from English syntax. But I know of no place,
                          Message 12 of 20 , May 3, 2010
                          • 0 Attachment
                            --- In novial-discussion@yahoogroups.com, "nov_ialiste" <nov_ialiste@...> wrote:

                            > [...]

                            > Novialim li adjektive generalim es ante li substantive.

                            > Exemplim: altri kontruktet lingues.

                            This is, as he says, _generally_ true. And this is to be expected becayse Novial syntax is basically derived from English syntax. But I know of no place, either in AIL or elsewhere, where Jespersen outright _forbids_ the reverse order.
                          • Donald Gasper
                            Mey Svoboda have liberitate! Segun me altri lingues konstruktet es perfektim korekti. (In li lingue cheki svoboda = liberitate.) ...
                            Message 13 of 20 , May 3, 2010
                            • 0 Attachment

                              Mey Svoboda have liberitate!
                               
                              Segun me "altri lingues konstruktet" es perfektim korekti. 
                               
                              (In li lingue cheki "svoboda" = liberitate.)
                               
                               

                              Nov_ialiste skripte:
                              >
                              > Novialim li adjektive generalim es ante li substantive.
                              >
                              > Exemplim: altri kontruktet lingues.
                              >
                              > Salutos,
                              >
                              > nov_ialiste
                              >
                              >
                              >




                              Hotmail: Powerful Free email with security by Microsoft. Get it now.
                            • Kjell Rehnstr?öm
                              ... Ob li vorde non es libereso ? Kjell R
                              Message 14 of 20 , May 3, 2010
                              • 0 Attachment
                                Donald Gasper skrev:
                                >
                                >
                                >
                                > Mey Svoboda have liberitate!
                                >
                                Ob li vorde non es "libereso"?

                                Kjell R
                              • Donald Gasper
                                Novial have ambi formes. On es liberi tu selekte! Dona a me liberitate o dona a me morte! ... _________________________________________________________________
                                Message 15 of 20 , May 3, 2010
                                • 0 Attachment
                                  Novial have ambi formes. On es liberi tu selekte! 
                                   
                                  Dona a me liberitate o dona a me morte!
                                   

                                  > > Mey Svoboda have liberitate!
                                  > >
                                  > Ob li vorde non es "libereso"?
                                  >
                                  > Kjell R



                                  Hotmail: Free, trusted and rich email service. Get it now.
                                • Kjell Rehnstr?öm
                                  Korektim, me vida ke ambi posiblesos exista.
                                  Message 16 of 20 , May 3, 2010
                                  • 0 Attachment
                                    Korektim, me vida ke ambi posiblesos exista.
                                    Donald Gasper skrev:
                                    >
                                    >
                                    > Novial have ambi formes. On es liberi tu selekte!
                                    >
                                    > Dona a me liberitate o dona a me morte!
                                    >
                                    >
                                    > > > Mey Svoboda have liberitate!
                                    > > >
                                    > > Ob li vorde non es "libereso"?
                                    > >
                                    > > Kjell R
                                    >
                                    >
                                    > ------------------------------------------------------------------------
                                    > Hotmail: Free, trusted and rich email service. Get it now.
                                    > <https://signup.live.com/signup.aspx?id=60969>
                                    >
                                  • nov_ialiste
                                    Yes, generally. There is no rule against it that I am aware of. Novial grammar seems no more English than German or Swedish. It might be better to say
                                    Message 17 of 20 , May 4, 2010
                                    • 0 Attachment
                                      Yes, generally. There is no rule against it that I am aware of.

                                      Novial grammar seems no more English than German or Swedish. It might be better to say Germanic. (I want emphasise that just because J. was a professor of English, he did not base Novial on English more than other Germanic languages. Of course, in terms of vocabulary English is a mixture of Germanic, Romance and Latin and is therefore closer to Novial than the other Germanic languages.)

                                      Salutos,

                                      nov_ialiste

                                      --- In novial-discussion@yahoogroups.com, "Bruce R.Gilson" <brg1942@...> wrote:
                                      >
                                      >
                                      >
                                      > --- In novial-discussion@yahoogroups.com, "nov_ialiste" <nov_ialiste@> wrote:
                                      >
                                      > > [...]
                                      >
                                      > > Novialim li adjektive generalim es ante li substantive.
                                      >
                                      > > Exemplim: altri kontruktet lingues.
                                      >
                                      > This is, as he says, _generally_ true. And this is to be expected becayse Novial syntax is basically derived from English syntax. But I know of no place, either in AIL or elsewhere, where Jespersen outright _forbids_ the reverse order.
                                      >
                                    • gabriel_svoboda
                                      Me danka pro li remarko pri li adjektives. Me esed influat per latinum e spanum, kel me ha studiad depos du resenti yares e in kel li adjektive ordinarim
                                      Message 18 of 20 , May 4, 2010
                                      • 0 Attachment
                                        Me danka pro li remarko pri li adjektives. Me esed influat per latinum e spanum, kel me ha studiad depos du resenti yares e in kel li adjektive ordinarim konseku li substantive. Es verum ke tum non es interdikted in Novial, ma li altri ordine de vordes sertim es plu apti.

                                        Gabriel Svoboda
                                      • Bruce R.Gilson
                                        ... I think you are wrong there. Look at the use of -d/did (used just like English, except that did does not convey emphasis, so it is more like Shakesperean
                                        Message 19 of 20 , May 4, 2010
                                        • 0 Attachment
                                          --- In novial-discussion@yahoogroups.com, "nov_ialiste" <nov_ialiste@...> wrote:
                                          >
                                          > Yes, generally. There is no rule against it that I am aware of.
                                          >
                                          > Novial grammar seems no more English than German or Swedish. It might be better to say Germanic. (I want emphasise that just because J. was a professor of English, he did not base Novial on English more than other Germanic languages. Of course, in terms of vocabulary English is a mixture of Germanic, Romance and Latin and is therefore closer to Novial than the other Germanic languages.)

                                          I think you are wrong there. Look at the use of -d/did (used just like English, except that "did" does not convey emphasis, so it is more like Shakesperean English; certainly like no other Germanic language). Also note such forms as "mey" and "tu." Novial is clearly influenced very heavily by English.
                                        • nov_ialiste
                                          Well, just look at bli . Does that make Novial Scandinavian? Germanic past tenses generally end in a dental and the English did provides a suitable
                                          Message 20 of 20 , May 5, 2010
                                          • 0 Attachment
                                            Well, just look at "bli". Does that make Novial Scandinavian?

                                            Germanic past tenses generally end in a dental and the English "did" provides a suitable auxiliary verb.

                                            Salutos,

                                            nov_ialiste

                                            --- In novial-discussion@yahoogroups.com, "Bruce R.Gilson" <brg1942@...> wrote:
                                            >
                                            >
                                            >
                                            > --- In novial-discussion@yahoogroups.com, "nov_ialiste" <nov_ialiste@> wrote:
                                            > >
                                            > > Yes, generally. There is no rule against it that I am aware of.
                                            > >
                                            > > Novial grammar seems no more English than German or Swedish. It might be better to say Germanic. (I want emphasise that just because J. was a professor of English, he did not base Novial on English more than other Germanic languages. Of course, in terms of vocabulary English is a mixture of Germanic, Romance and Latin and is therefore closer to Novial than the other Germanic languages.)
                                            >
                                            > I think you are wrong there. Look at the use of -d/did (used just like English, except that "did" does not convey emphasis, so it is more like Shakesperean English; certainly like no other Germanic language). Also note such forms as "mey" and "tu." Novial is clearly influenced very heavily by English.
                                            >
                                          Your message has been successfully submitted and would be delivered to recipients shortly.