Loading ...
Sorry, an error occurred while loading the content.
 

voyajar a Sri-Lanka-land, traduktar kurti rakont, etp

Expand Messages
  • Darwood Horace
    Me dankar Don e Harry po vusen respondation. Yes, Don, me kelki-temp non savar ki-lok men mentum trovar se. Vu kredar justim ke on non profitar per vizitar
    Message 1 of 1 , Jan 2, 2005
      Me dankar Don e Harry po vusen respondation. Yes, Don, me kelki-temp
      non savar ki-lok men mentum trovar se. Vu kredar justim ke on non
      profitar per vizitar Sri-Lanka-land e India-land hi-temp.

      Esed ank partim ke me non saved ki-grad mali li situation esed ki-
      temp me skripted ti unesmi mesaj. Me lekted hidi ke max kam 300 (tri
      sent) moried in li urbu Pondicherry ki-lok me voled vadar. E pluranti
      mils es in Sri-Lanka-land morit. Dunk, naturim, nuli va profitar per
      vadar ti-lok hi-temp. Me non savar plus kum me va far. Forsan vizitar
      men patres in Utah e far li ski ti-lok.

      Pri li sami temum, me vol donar pekunium por helpar li povri hom kel
      ha perdar hus/haus e famili e plus, sed me non fidar les kel kolektar
      pro ke on non pov savar kanti va arivar a les kel bezonar lum e kanti
      a koruption. Mem li britani guvernantarum prendar 29% de vun donation
      si vus donar a britani charite-grup. E let vus non oblivar li skandal
      kun li 'United Way' in Amerika-land avant kelki yar. Si irge savar
      boni organization kel on pov fidar, bonvolim let vu informar me. Me
      dankar avantim.

      Harry, me traserched li inter-ret e troved kelki bon rakont hi-lok:

      http://www.short-stories.co.uk/

      Me va efortar traduktar un o du avant ke me komensar li max longi (c.
      60 pagin) _Li Ludere de Shak_ del austrian skripter Stefan Zweig kel
      me mentioned in men lasti post. Let vu diktar a me bonvolim si vu
      projetar irgum interesanti.

      Pri li inter-vokali glidation ('Y' e 'W' inter du vokal) me voled
      diktar ke on povud ank far tum kun kelki verb, exemplim INFLUAR
      (INFLUWAR, INFLUWED) e INITIA (INITIYA, INITIYED), etp. Me non savar
      si tums es max bon kun o sin li glid-liter. Quum vus altri opinar?

      Omni-kas, me kredar ke li max bon Novial esud Novial de laxi reglums
      sed non ti-grad laxi ke on non pov komprendar mutu. Si un skriptar o
      pronunsar vokablum diferantim kom me sed me rekonosar lum, tum non es
      problem. Nus Novialist pov es quasi les kels parlar spanez e portugez
      e preskau omni-temp komprendar mutu. Sed nus non va savar si tum es
      veri sin ke nus probar lum per skriptar e parlar novialez pri multi
      temums.

      David
    Your message has been successfully submitted and would be delivered to recipients shortly.