Loading ...
Sorry, an error occurred while loading the content.

äÔæì íÇ ÈæäÈæäÇíÉ ÇáÏÇÑ

Expand Messages
  • Mahmoud Hanafy
    Message 1 of 1 , May 31, 2007
    • 0 Attachment

      السلام عليكم و رحمة الله و بركاته
       
      في الحقيقه يا جماعه أنا مش عارفه أقول إيه أنا مش عايزاكو تتأثروا بحكاية نشوى لأنى عرفتها في ظروف كلها ضحك و بهجه و لعب
       
      أول مرة قابلتها بالصدفه في القلعه كانت طالعه رحلة مع مدرستها و انا كمان كنت طالعه رحلة مع دار أيتام
       
      و على العكس بدل ما  أتأثر من حالتها لاقيت نفسي بتوه من مجموعتي و أنا بجري وراها يمين و شمال هي و صديقاتها اللى كانوا بيتنقلوا في جنبات متاحف القلعه
       
        زي الفراشات المضيئه و بيملوا الدنيا بضحكهم و بلعبهم 
       
      و أخيراً قعدت نشوى مع صديقاتها على الخضرة يتناولوا وجبة الغداء مع المدرسات و المشرفات
       
      و أخيراً لاقيت حد كبير أكلمه  
       
      عرفت من المدرسات إنها هي و أسرتها حصلت لهم حادثة إنفجار أنبوبه شوهت كل الأسرة
       
      و لكن نشوى نالها الجزاء الأكبر و إنهم بقالهم 5 سنوات بيتعالجوا و مفيش فايده
       
      و أخذت منهم وعد يوصلوني بأهلها و تركت لهم وعد إننا حنروح و حنهتم بأمر نشوى
       
      و في بيتها لاقينا إتنين تانيين في جمال نشوى همّ أخوتها  نيفين و عمّار اللى متصورين في الصور الملحقه بالرسالة صورة قبل الحادثه و صورة بعد الحادثه
       
      و عرفت من مامتها صراعها مع المستشفيات المصريه و العلاج ( النص كم ) اللى إتبهدلت فيه هي و بناتها و زوجها
       
      و الد نشوى مدرس بمدرسة حكومي بكرداسه و سكنهم كمان هناك
       
      و في هدوء و إسترسال لدموع ( والدة نشوى ) أخذت تستعرض الصور الشخصيه لهم تحت إلحاح مني لرؤيتها
       
      و هي تقول لى (  بصى يا أستاذه شايفه السبايك الدهب اللى أنا لابساها في رقبتي دي في الصور دي حاجه من اللى كان عندي و كله راح في الحريقه
       
      و بيتنا الواسع اللى كان مليان أشجار برتقال بيجروا فيه العيال قدامي إتباع و سكنّا في البيت الصغير ده اللى حضرتك شايفاه بالإيجار
       
      و صرفنا كل قرش على علاجهم و برده مفيش فايده
       
      نشوى دي يا أستاذه كانت بونبوناية كده بتجري في الدار قدامي هي و أختها  نيفين و عمّار اللى إنتى شايفاه ده كان عيل صغير على إيدي  
       
      أنا و الله جمعت كل الجرايد اللى بتحكي عن عمليات التجميل و قالوا لى إن وشها  مش ممكن يرجع زي ما كان غير في بلاد برّه  
       
       ينوبك ثواب فينا لو تعرفي حد يسفرنا برّه و أنا أمضي لخ إيصالات الأمانه اللى هو عايزها إن شاء الله إن شاء الله يا رب أروح بيتهم أشتغل لهم خدامه
       
      بس بنتي ترجع زي ما كانت  أنا يا أستاذه بيجي عليّا الليل و أشوفها ناميه وشها في وشي كده أقول لها دوري وشك عن أنا مش قادره أبص لك  
       
      غصب عني يا أستاذه من 5 سنيين مش قادره أصدق اللى حصل و لفينا على المستشفيات الحكوميه و جيبنا قرارات على نفقة الدوله و عملنا لها هي و أختها عمليات كتير في مستشفيات حكوميه و خاصه  
       
      و ناس كلموا لنا مكتب طارق علآم و سلعدنا في عملية واحده بس 
       
      البنت للأسف بقت بتخاف من البنج و غرفة العمليات 
       
      أنا نفسي حد يساعدنا نلاقي دكتور ثقة يقول لنا على عملية تتعمل و تنفع أن أولادي كده بقوا حقل تجارب يا أستاذه )
       
      في الحقيقه بقالى فترة بحاول متكونش رسايلى طويله بس مقدرتش مكتبش كلمات أم نشوى التي يعبر كل حرف فيها بصدق عن كل ما أريد قوله
       
      طبعاً بعد ما درسنا في  مجموعتنا المنار حالة أسرة نشوى و تأكدنا من صدق البيانات للأسف تأكدنا معاها من حاجه مهمه قوى هو ان العلاج في مصر مش حيؤتي ثماره
       
      و لكن في بريق من أمل فضل عندنا إن أحد الأطباء الكبار بمستشفى مصر للطيران الخاصه تبرّع إنه يعمل لها عملية تمديد لأنشجة الوجه حتى منتصف الوجه فقط و بعدين يكمّل في مرحلة تانيه باقي الوجه
      و قال لنا إن ده برده مش حيعطي نتيجه كامله بس أهو أحسن من مفيش
      و تبرّع الطبيب بأجره في العمليه و أصبحت تكاليف العمليه كلها في المرحله الأولى 7 الآف جنيه  
      معانا منهم 2350جنيه  يعني فاضل   4650 جنيه
      طبعاً الموضوع اللى بكلمكم عنه ده من شهرين فاتو إحنا وقفنا كل حاجه بناءً على طلب اسرة نشوى لأنهم بيمتحنوا دلوقتي و نشوى على فكرة في 5 إبتدائي دلوقتي
      و العمليه دي لو إتعملت حيبقى في  شهر 7 /2007القادم إن شاء الله  
       
      و أنا قلت الحق أقول لحضراتكم قبلها بوقت كافي عشان لو حد حب يساعدها و يسلّفها باقي تكالييف العمليه
       
      و يا رب ألاقي حد يفرحنا بالخبر اللى مامة نشوى نفسها تسمعه هو إن في أمل إن نشوى تتعالج بالخارج 
       
       طبعاً بنطلب طلبات فلكيه بس مفيش شئ كتير على ربنا
       
      ملحوظه  :- الصور الملحقه بالرسالة مش لتعذيب حضراتكم و لا حاجه و لا للتأثير فيكم و لكنها للمصداقيه فقط و كمان عشان لو في طبيب بيشوف الرسالة ممكن يفيدنا لمّا يشوف آخر مرحلة وصلت لها نشوى
       
      و على فكرة متخافوش الصور جميله جداً كلها بطوط و ميكي ماوس  و نشوى واخده بوظات خطيره في التصوير و محدش قدها
       
      يا رب يا نشوى يا حبيبتي ربنا يشفيكي إنتى و إخواتك ...آمين  
       
      لللإتصال و الإستفسار و المشاركه 
       
      0161763508
       
      فريق العمل ( أستاذ إسلام فريد - أستاذه مديحه رمضان - المهندسه منار عقل )

       
      إذا بُليت فثق بالله وارضى به إن الذي يكشف البلوى هو الله
      منار عقل
       

      عدد قراء رسائلنا

      finance brokers 

      وللاشتراك عبر بريد هوتميل أرسل رسالة فارغة للبريد التالي
      ستأتيك رسالة تطالبك بمجرد إعادة الرد بالضغط على الزر
      replay
      وذلك دون كتابة أي شيء آخر ونسعد ونشرف بانضمامك معنا
       
       ترسل رسائل طلب المساعدات الانسانية مباشرة للبريد التالي
      ولمتابعة أخبار ما تم لتلك الحالات على الموقع التالي   

       

       

    Your message has been successfully submitted and would be delivered to recipients shortly.