Loading ...
Sorry, an error occurred while loading the content.

Laxdaela Saga 25 end + beginning 26

Expand Messages
  • Fred & Grace Hatton
    Got caught up in getting ready for the big storm and forgot to post the translation. Grace Eftir þetta lætur Þorleikur bæ gera að landamæri þeirra
    Message 1 of 1 , Jan 31, 2011
    • 0 Attachment
      Got caught up in getting ready for the big storm and forgot to post the
      translation.
      Grace

      Eftir þetta lætur Þorleikur bæ gera að landamæri þeirra Hrúts og Höskulds og
      heitir það á Kambsnesi. Þar bjó Þorleikur um hríð sem fyrr var sagt.
      Þorleikur gat son við konu sinni. Sá sveinn var vatni ausinn og nafn gefið
      og kallaður Bolli. Var hann hinn vænlegsti maður snemma.

      26. kafli - Andlát Höskulds
      Höskuldur Dala-Kollsson tók sótt í elli sinni. Hann sendi eftir sonum sínum
      og öðrum frændum sínum og vinum.
      Og er þeir komu mælti Höskuldur við þá bræður Bárð og Þorleik: "Eg hefi
      tekið þyngd nokkura. Hefi eg verið ósóttnæmur maður. Hygg eg að þessi sótt
      muni leiða mig til bana. En nú er svo sem ykkur er kunnigt að þið eruð menn
      skilgetnir og eigið að taka allan arf eftir mig. En sá er son minn hinn
      þriðji að eigi er eðliborinn. Nú vil eg beiða ykkur bræður að Ólafur sé
      leiddur til arfs og taki fé að þriðjungi við ykkur."
      Bárður svarar fyrri og sagði að hann mundi þetta gera eftir því sem faðir
      hans vildi "því að eg vænti mér sóma af Ólafi í alla staði, því heldur sem
      hann er féríkari."
      Þá mælti Þorleikur: "Fjarri er það mínum vilja að Ólafur sé arfgengur ger.
      Hefir Ólafur ærið fé áður. Hefir þú faðir þar marga þína muni til gefna og
      lengi mjög misjafnað með oss bræðrum. Mun eg eigi upp gefa þann sóma með
      sjálfvild er eg er til borinn."
      Höskuldur mælti: "Eigi munuð þið vilja ræna mig lögum, að eg gefi tólf aura
      syni mínum svo stórættuðum í móðurkyn sem Ólafur er."
      Þorleikur játtar því. Síðan lét Höskuldur taka gullhring Hákonarnaut, hann
      vó mörk, og sverðið konungsnaut er til kom hálf mörk gulls og gaf Ólafi syni
      sínum og þar með giftu sína og þeirra frænda, kvaðst eigi fyrir því þetta
      mæla að eigi vissi hann að hún hafði þar staðar numið. Ólafur tekur við
      gripunum og kvaðst til mundu hætta hversu Þorleiki líkaði. Honum gast illa
      að þessu og þótti Höskuldur hafa haft undirmál við sig.

      Fred & Grace Hatton
      Hawley, Pa.
    Your message has been successfully submitted and would be delivered to recipients shortly.