Loading ...
Sorry, an error occurred while loading the content.
 

Star Wars XXV beginning

Expand Messages
  • Fred & Grace Hatton
    XXV. Kapítuli: Lúkr mœtir Hólmgǫngu-Hana December 8, 2010 in The Saga: Old Norse & English, 1 chapter at a time | 1 comment XXV. Kapítuli: Lúkr mœtir
    Message 1 of 1 , Jan 20, 2011
      XXV. Kapítuli: Lúkr mœtir Hólmgǫngu-Hana
      December 8, 2010 in The Saga: Old Norse & English, 1 chapter at a time | 1
      comment

      XXV. Kapítuli: Lúkr mœtir Hólmgǫngu-Hana

      Lúkr hitti mann þann, ok vas maðrinn fríðastr sýnum, hár vexti ok nekkvat
      skolbrúnn, jarpr á hár. “Hani Sólósson jarls heitik,” kvað maðr, “En sumir
      menn kalla mik “Hólmgǫngu-Hana. Skip mitt es Þusundár-Fálkinn. Tsiubakka
      kumpánn minn segir mér, að it vilið sigla til Aldiransveita, ok fæ ek ykkr
      fœrða þagat, ef it leggið marga penninga á.”

      “Já víst,” segir Víga-Óbívan, “Ef skipit sé skjótt.”

      “Ef skipit sé skjótt?” spyrr Hólmgǫngu-Hani, “Hefirðu aldregi getit
      Þúsundár-Fálkann freginn?”

      “Víst aldregi,” segir Víga-Óbívan, “En es þat undrligt?”

      “Þat es skip þat, es vann sigr í kappróðri á Kesseley, ok rørum vit
      Tsiubakka hann á tólf tímum,” svarar Hólmgǫngu-Hani, “Ferr þetta skip miklu
      skjótara enn nekkver skip Falfaðins, jafnvel in víðfrægu korelsku skip. Þat
      es œrit skjótt til ætlanar þinnar, gamli. En hvat es farmrinn?”

      “Menn einir,” segir Víga-Óbívan, “Ok erum vér fjórir: Ek, sveinninn, tveir
      írar, ok engar spurningar spurðar.”

      “Hvat es þetta? Nekkvers konar sveitarvandræði?” spurði Hólmgǫngu-Hani.

      “Ek vilda heldr eigi hitta menn Falfaðins, ef þat es nauðsynlegt at segja
      þannig,” svarar Víga-Óbívan.

      “Ek skil,” segir Hani, “En þat es mjǫk erfitt gǫrt – ok mjǫk dýrt. Ok vil ek
      taka báða íra, ef ek fœri ykkr til Aldiransveita án vitandar Falfaðins.”

      “Báða íra?” spyrr Lúkr, “Þeir eru verðir eins skips sjálfir. Óbívan, fyr hví
      skulum vit eigi kaupa skip? Fyr hví sitjum vit hér, ok látum þenna víking
      svíkja okkr?”

      “It fengið skip keypt, sveinn,” segir Hólmgǫngu-Hani hlæjandi, “En hverr
      stýrði því? Þú?”

      “Já víst ek. Ek em eigi vándr stýrimaðr,” segir Lúkr ok stendr.


      Fred & Grace Hatton
      Hawley, Pa.
    Your message has been successfully submitted and would be delivered to recipients shortly.