Loading ...
Sorry, an error occurred while loading the content.

L'anuncperiodo por l'internaciona Ido-renkontro 2007 en Paris finis / Respondo koncerne la programo

Expand Messages
  • Frank Kasper
    Kara gesamideani! Hiere, la 31ma di mayo 2007, finis l anuncperiodo por partoprenar en l internaciona Ido-renkontro dum la tempo inter la 19ma e 25ma di
    Message 1 of 1 , Jun 1, 2007
    • 0 Attachment
      Kara gesamideani!

      Hiere, la 31ma di mayo 2007, finis l'anuncperiodo por partoprenar en l'internaciona Ido-renkontro dum la tempo inter la 19ma e 25ma di oktobro 2007 en Paris.
      Me hodie devis sendar la prepago a l'Internaciona Sejorneyo en Paris por certigar la rezervado dil liti e dil kunvenchambro.
      Entote 17 gesamideani de sep landi (Germania, Francia, Nederlando, Hispania, Portugal, Suedia e Polonia) anuncis sua partopreno e sendis la necesa prepago a me.
      Regretinde inter ca samideani nur esas quar membri dil Direktanta Komitato di ULI (la prezidanto Hans Stuifbergen e l' ordinara membri dil DK Alfred Neussner, Loic Landais e Frank Kasper), qui segun la nuna stando festos komune kun l'altra partoprenanti la centyarala Ido-aniversario en la loko dil fondo di Ido Paris.

      Do, me dankas ad omni, qui justatempe anuncis lia partopreno e sendis la prepago a me e tale posibligis, ke me justatempe povas pagar la prepago por la prerezervita chambri e la kunvenchambro.

      Kompreneble partoprenanunci ankore esas posibla, ma ni ne povas garantiar, ke ankore esos disponebla libera chambri.

      Koncerne la programo precipue la diskuttemi me devas explikar, ke nur du samideani propozis temi sur l'anuncformulario.
      Do, til nun nur esas certa, ke la diskuti eventos dum la 20ma e 21ma di oktobro dum la tota jorni, ma pri la temi dil diskuti ankore ne decidesis.
      Provizora programo por la tota renkontro trovesas ye l'interreta adreso
      http://www.ido-france.org/Programo.htm .

      Kordiala saluti
      Frank Kasper
      prezidanto dil Germana Ido-Societo
      e
      kunaranjanto dil internaciona Ido-renkontro 2007 en Paris
    Your message has been successfully submitted and would be delivered to recipients shortly.