Loading ...
Sorry, an error occurred while loading the content.

translation (3)

Expand Messages
  • richard stevenson
    TRANSLATION PRACTICE (3) (By R.A.Stevenson). From the Ido magazine Internaciona Pioniro , 1909: La telegrafala Tiposkribilo. L Italiana profesoro Luigi
    Message 1 of 1 , Jan 3, 2001
    • 0 Attachment
      TRANSLATION PRACTICE (3)
      (By R.A.Stevenson).
      From the Ido magazine "Internaciona Pioniro", 1909:

      La telegrafala Tiposkribilo.
      L'Italiana profesoro Luigi Cerebotani, famoza pro ilua multa ed
      importanta verki pri elektrala apliki, jus inventis nov aparato,
      la "Electroteledactyle", qua rezultas de la kombino di elektrala
      telegrafilo kun tiposkribilo.
      Imaginez tiposkribilo, di qua la klavaro esus en Paris e la l'imprim-
      tiparo en Lille e la du posteni ligita per ula konduktivilo
      telegrafala o telefonala. Yen la principo dil sistemo.
      Reale, singla aparato esas samtempe expediilo e recevilo; plue, la
      telegrami sendata esas samtempe imprimata da la expedi-aparato, to
      qua permisas kontrolo.
      La preso di un klavo di la klavaro produktas la rapida rotaco di tipo-
      roto e l'imprimo di la litero o signo korespondanta segun la
      tiposkribilo, sur paper-bendo, qua desvolvesas quale en l'aparato
      Morse. Samtempe, fluo, transmisata per la sama lineo filo,
      reproduktas exakte la sama funcioni en la recev-posteno.
      Fine, ta imprimanta telegrafilo povas adaptesar sur irga telefonilo
      ed uzesar por transmisar la telegrami sen nocar a la telefonala
      konversi qui povas eventar samtempe.
    Your message has been successfully submitted and would be delivered to recipients shortly.