Loading ...
Sorry, an error occurred while loading the content.

En Bay Ridge, Brooklyn, Interseki Neexpektata (3)

Expand Messages
  • James Chandler
    EXKURSI En Bay Ridge, Brooklyn, Interseki Neexpektata Ube Urbo Renkontras Preurbo Da Sarah Harrison Smith, ek la jurnalo New York Times , 5ma aprilo 2013 LA
    Message 1 of 4 , Jun 29, 2013
    • 0 Attachment
      EXKURSI

      En Bay Ridge, Brooklyn, Interseki Neexpektata

      Ube Urbo Renkontras Preurbo

      Da Sarah Harrison Smith, ek la jurnalo 'New York Times', 5ma aprilo 2013

      LA FAMO DI HENRY C. MURPHY transvivas en Senator-Strado, developuro de
      rango-domi nomizita pro il e konstruktita de 1906 til 1912. Multa de ca
      nov-Renesanca kurva-fronta-ed-inklinanta stila "brunpetra" domi esas
      bele prezervita; Nro. 331, kun tintita fenestri e shablono de folii
      super lua pordo, mem havas gas-lampo vaciletant extere. Fred Eisenla di
      Eisenla & Carlson desegnis omna domi ecepte du; lua firmo anke responsas
      pri la elegant apartament-edifico che 145 Prospect Park West en Park Slope,
      e pri la min grandioza ma admirinde progresiva Finlandana "co-op"-i en
      Sunset Park.

      (Duros)




      [Non-text portions of this message have been removed]
    • James Chandler
      EXKURSI En Bay Ridge, Brooklyn, Interseki Neexpektata Ube Urbo Renkontras Preurbo Da Sarah Harrison Smith, ek la jurnalo New York Times , 5ma aprilo 2013
      Message 2 of 4 , Jul 2, 2013
      • 0 Attachment
        EXKURSI

        En Bay Ridge, Brooklyn, Interseki Neexpektata

        Ube Urbo Renkontras Preurbo

        Da Sarah Harrison Smith, ek la jurnalo 'New York Times', 5ma aprilo 2013

        INTER IDENTA RANGI de atachita brika domi, Bay Ridge revelas sua eklektika
        latero. Turmeti e tekti krenelizita fortigas apartament-edifici en
        Shore-Strado; fiera petra leoni gardas sennombra inklini, e medalioni de
        Romana kapi e feroca agli ornas la muri di moderna palaci. Exter sua
        Viktoriana ligna domo che 7901 Ridge-Bulvardo, George Kortsolakis,
        greka enmigrinto, kreis topografiala mapo di Kriti ek trovita objekti e
        peci de betono e kovris ol per plurakolora tekto e "plexiglass"-a flanki:
        templo al olima lando.

        (Duros)





        [Non-text portions of this message have been removed]
      • James Chandler
        EXKURSI En Bay Ridge, Brooklyn, Interseki Neexpektata Ube Urbo Renkontras Preurbo Da Sarah Harrison Smith, ek la jurnalo New York Times , 5ma aprilo 2013 LA
        Message 3 of 4 , Jul 6, 2013
        • 0 Attachment
          EXKURSI

          En Bay Ridge, Brooklyn, Interseki Neexpektata

          Ube Urbo Renkontras Preurbo

          Da Sarah Harrison Smith, ek la jurnalo 'New York Times', 5ma aprilo 2013

          LA "MIELKUKO-DOMO", konstruktita en 1917, esas forsan la maxim
          neordinara del plu granda libere-stacanta rezideyi proxim Shore-Strado.
          L'arkitekto James Sarsfield Kennedy desegnis ol por Howard E. Jones,
          navala komercisto, ma la artala-stila domo semble plu multe fitas la
          Tri Ursi - se lia rakonto inkluzus "porte-chochere" e paviliono.
          Konstruktita ek stoni nereguloza, ol havas ondatra tekto qua aspektas
          unesma-regarde paliizita, ma esas konstruktita ek asfalta teguli.
          Neexpektat ecepte en feo-rakonto, la domo esas, adminime, heme en
          vicineyo de neordinara apudpozi.


          FINO




          [Non-text portions of this message have been removed]
        Your message has been successfully submitted and would be delivered to recipients shortly.