Loading ...
Sorry, an error occurred while loading the content.

FW: [idolisto] Novaji ye www.ido.li en agosto en septembro 2010

Expand Messages
  • James Chandler
    Message 1 of 1 , Oct 4, 2010
    • 0 Attachment
      ----------------------------------------
      > To: idolisto@yahoogroups.com
      > From: dgroth@...
      > Date: Mon, 4 Oct 2010 04:11:11 +0000
      > Subject: [idolisto] Novaji ye www.ido.li en agosto en septembro 2010
      >
      > Yen nia novaji di la Ido-movado ye http://www.ido.li dum la lasta du monati
      >
      > Jose Cossio publikigis podkasto #36
      > ----------------------------------
      > Merkurdio 2010-09-29: Jose Cossio skribis en la idolisto:
      > Kara samideani:
      > Kun joyo me informas pri mea maxim recenta podkasto, la numero 36, che Ido Sonora! e Parolez Ido, olqua es deskargebla gratuite per la korespondanta ligilo. Yen la rispektiva retadresi:
      > http://www.ipernity.com/blog/64880/278671
      > http://linguoido.ning.com/profiles/blogs/idala-podkasto-036
      >
      > Temi:
      > Hermosillana retsituo ganas premio di la Unionanta Nacioni.
      > La sucesoza Ido-renkontro Tubingen 2010.
      > Mexikia celebras sua duacentesma aniversario di nedependeso.
      >
      > Juez ol ed voluntez opinionar pri olua qualeso en la rispektiva pagini.
      > Idosonore Jose Cossio
      >
      > Traduko di la interviuvo kun la Deutschlandradio Berlin aparis ye F30
      > ---------------------------------------------------------------------
      > Mardio 2010-09-28: Lasta semano nia samideani Mithridates e la kreanto di Sambahsa Olivier Simon finis kune la traduko di la interviuvo da Deutschlandradio berlin kun dro Groth. Lo eventis okazione de la renkontro en Tübingen venerdio 20.8. 16:07. Por askoltar la interviuvo en mp3 kliktez hike, e yen la parti dil tradukuro: unesma, duesma, triesma, quaresma e la kinesma.
      > * http://www.pagef30.com/2010/09/la-unesma-parto-dil-interviuvo-pri-ido.html
      > * http://www.pagef30.com/2010/09/la-kinesma-e-lasta-parto-dil-interviuvo.html
      >
      > Ido-Amiki Berlin enretigis Ido-Saluto! 2006-03 e 2006-04
      > -------------------------------------------------------
      > Lundio 2010-09-27: La Ido-Amiki publikigis PDF-versiono de 03/2006 e de 04/2006 di la jurnalo "Ido-Saluto!". Artikli pri la Ido-renkontro 2006 en Berlin, la rejo friedrich, La sindikato di la servadi ver.di, rakonti da Hans Christian Andersen ed altra texti. Regardez ol hike: Ido-Saluto-2006-03.pdf ed Ido-Saluto-2006-04.pdf
      > Atencez: Yaral abono por recevar la aktuala jurnali de "Ido Saluto" nur kustas 5 EURI o 15 EURI inkluzite DIG membreso. Yen vu povas abonar ol: Kontakt
      >
      > KURIERO INTERNACIONA 2009-03 esas enretigita
      > --------------------------------------------
      > Saturdio 2010-09-25: Nia samideano Jean Martignon informis ke "Me havas la joyo savigar da vi ke nia amiko Fernando Tejon, jus informis me ke la n° 3/2009 di KURIERO INTERNACIONA enretigesis. La interesati voluntez "click"-ar sube:
      > http://sites.google.com/site/editeriokrayono/kurierointernaciona
      > Bona lekto ! Kordiale. JM :::-:::
      > La yarala abono di la imprimigita versiono di KI nur kustas 10 EUR por quar kayeri. Skribez al martignon.jean-ye-wanadoo-punto-fr.
      >
      > Plusa interviuvo da jurnalisto dil lokala jurnalo "Nürnberger Zeitung" pri Ido
      > --------------------------------------------------------------
      > Saturdio 2010-09-18: La prezidanto di GIS interviuvesis da jurnalisto dil lokala jurnalo "Nürnberger Zeitung" pri Ido. Lektez pluse....
      > * http://www.ido.li/index.php/ULI/Nzinterviuvo2010
      >
      > www.ido.li salutis 55.000ma vizitanto hodie
      > ---------------------------------------------
      > Jovdio 2010-09-16: Hodie ni povis salutar nia 55.000ma vizitanto ye la ULI-retsituo. Komenco di Junio 2009 ni havas 39.000, komenco di Septembro 41.500 e mezo di Decembro 2009 ni havis 45.000, e mezo di Aprilo ni havas 50.000 vizitanti hike. Quon la 55.000 vizitanto vidis? Tu povas vidar lo hike.
      >
      > Protokolo pri la laborkunsido ye la 22ma di agosto 2010 kadre dil Ido-renkontro 2010 en Tübingen
      >
      > Saturdio 2010-09-10: La prezidanto di GIS, Frank Kasper, publikigis la protokolo pri la laborkunsido ye la 22ma di agosto 2010 kadre dil Ido-renkontro 2010 en Tübingen redaktita da d-ro Detlef Groth (Germania) ye la ret-situo di ULI. Ibe omna intersetato povas querar ol. La protokolo en formato "pdf" trovesas hike. http://www.ido.li/Idorenkontro2010/laborkunsidoprotokolo.pdf
      >
      > Raporto pri la Ido-renkontro 2010 en Tübingen
      > ---------------------------------------------
      > Jovdio 2010-08-26: La Ido-renkontro 2010 esas historio. Ol esas tre sucesoza. Robert Carnaghan skribis en la idolisto: "Kara Alfred, Eberhard, Frank, Hans, Heidi, Jean e Marion (ed irgu qua me oblivias!), Esis plezuro ri-renkontrar vi tre recente en la tre pitoreska Germana urbo Tübingen ube ni juis agreabla kunveno qua esas bona signo por la futuro di Ido. Me ne memoras irga konfero qua produktis tante multa granda artikli pri Ido en jurnali lokala e regionala..." Yen la raporto pri la renkontro. http://www.ido.li/index.php/ULI/IR2010
      >
      > Nova A4-Kalendario por la yaro 2011
      > -----------------------------------
      > Jovdio 2010-08-26: D-ro Detlef Groth publikigis la nova A4 kalendario por la yaro 2011 pro hike. http://www.ido.li/kalendarios/cal2011.php Ipse imprimata ol esas tre utila ed anke bona propagilo. La olda kalendario di 2010 trovesas hike. http://www.ido.li/kalendarios/cal2010.php
      >
      > Fotografuri di la Ido-renkontro 2010
      > --------------------------------------
      > Venerdio 2010-08-25: Anvarzhon Zhurajev publikigis multa fotografuri che sua Picassa-ret-situo. Videz la fotografuri hike..
      > http://picasaweb.google.com/barcodex/IdoKonfero2010
      >
      > Jose Cossio publikigis podkasto #35
      > -----------------------------------
      > Mardio 2010-08-24: Jose Cossio skribis en la idolisto: "Kara samideani, me jus publikigis mea maxim recenta Idala Podkasto, la numero 35, dedikita al fiktivajo da Partaka, Habemus LIA, olqua, podkaste, es la nonesma parto. Yen la ligili aden la rispektiva retpagini ube anke on povas lektar ed askoltar samtempe mea lasta brodkastajo che: Ido Sonora! e Parolez Ido. Ambakaze ibe es la ligilo por deskargar la podkasto libere e gratuite. Kordiale ed Idosonore Jose Cossio"
      > http://www.ipernity.com/blog/idosonora/270532
      >
      > La Ido-Wikipedio nun havas plu kam 20.000 artikli
      > ---------------------------------------------------
      > Mardio 2010-08-24: Quale nia samideano James Chandler informis en la lingolisto: "Segun la pagino Specala:Nova pagini, la 20.000ma artiklo esas "Joseph E. Stiglitz" Pri la qualeso di ula artikli on povas dubitar, ma 20.000 artikli esas tamen impresiva atingo."
      >
      > Gabriel Svoboda publikigis novaji ye Parolez Ido
      > -------------------------------------------------
      > Lundio 2010-08-23: Gabriel Svoboda itere publikis novaji pri politikala aferi ye sua Parolez Ido blogo* pri Afganistan, China, Georgia, Israel, Nederlando, Rusia, Singapur, Sud-Afrika, Venezuela e Virginia. Lua blogo nun esas anke en la listo di Ido-blogi.
      >
      > Ido-renkontro 2010 komencis en Tübingen
      > ---------------------------------------
      > Saturdio 2010-08-21: Hiere kun granda sucezo la Ido renkontro 2010 esis durigata. Matene esis ULI-kunsido pri linguala, pekuniala ed publika aferi. Posdimeze esis tre sucesoza Ido estaleyo en la urbocentro ed interviuvo kun granda Germana brodkasto-sendejo la Deutschlandradio Kultur. La mp3 versiono di la interviuvo esas hike.
      > http://ondemand-mp3.dradio.de/file/dradio/2010/08/20/drk_20100820_1608_494b7a55.mp3
      > Vespere esis publika diskurso pri Ido ed altra helpa lingui.
      >
      > Venerdio 2010-08-20: Kun granda intereso di la Germana jurnalaro hiere komencis la Europana Ido-renkontro 2010. La Saarländischer Rundfunk, la Westdeutscher Rundfunk e la Südwestfunk facis interviuvi kun la partoprenanti qui venis de Chinia, Britania, Nederlando, Francia, Hispania/Estonia e Germania. Yen listo di raporti en la www. Hodie la renkontro durigos kun la ULI-laborkunsido, Informestaleyo pri Ido, ULI e GIS en l'urbocentro e publika diskurso en tri lingui (Germana-Ido-Angla) "Facinado di projetita lingui - Pro quo homi lernas lingui quale Na'vi, Klingonisch od Ido?" en la Viktor-Renner-Domo da Dr. Detlef Groth.
      >
      > La nigri, la cigani, e quale ni kulpis pri li
      > ----------------------------------------------
      > Jovdio 2010-08-05: Gabriel Svoboda tradukis texto Cheka-lingual Černoši, Cikáni, a čím jsme se na nich provinili da Daniel Puschman. Yen la texto ye lua Parolez Ido-Blogo. http://linguoido.ning.com/profiles/blogs/la-nigri-la-cigani-e-quale-ni
      >
      > Kordiale,
      > Detlef
      >
      >
      >
      > ------------------------------------
      >
      > Rezervez tempo en vua (Ido)-kalendario di 2011 por l'internaciona Ido-renkontro en Eschenach, Luxemburgia. La dati sequas balde (probable agosto). Kontrolez por aktuala informo pri to ye:
      > http://www.ido.li/index.php/ULI/Idorenkontro2010
      >
      > Ido, linguo neutra inter diferanta kulturi. Linguo di amikeso!
      >
      > http://www.ido.li
      >
      > Divenez membro che l'Uniono por la Linguo Internaciona (Ido).
      > Plusa informi e formulario por membrigar trovesas ye:
      > http://www.ido.li/ulimembreso.htmYahoo! Groups Links
      >
      >
      >
    Your message has been successfully submitted and would be delivered to recipients shortly.